Latest News

എന്നെങ്കിലും നമ്മുടെ സിനിമാ രംഗം ഇതില്‍ നിന്ന് മുക്തമാവും: കാസ്റ്റിങ് കൗച്ചിനെക്കുറിച്ച് സണ്ണി ലിയോണ്‍

ഇക്കാര്യത്തില്‍ ഉറച്ച നിലപാടെടുത്ത സ്ത്രീകളെക്കുറിച്ച് ഓര്‍ക്കുമ്പോള്‍ എനിക്ക് അഭിമാനമേയുള്ളൂ

Sunny Leone, Kochi

കാസ്റ്റിങ് കൗച്ചിനെതിരെ സിനിമാ ലോകമൊന്നാകെ ശബ്ദമുയര്‍ത്തുമ്പോള്‍ ആരോപണങ്ങള്‍ ശരിവച്ച് ബോളിവുഡ് താരം സണ്ണി ലിയോണ്‍. ബോളിവുഡിലും ഹാര്‍വി വെയ്‌സന്‍സ്റ്റീനെപ്പോലുള്ള ആളുകള്‍ ഉണ്ടെന്ന് സണ്ണി ലിയോണ്‍ മിഡ് ഡേ ഡോട്ട് കോമിന് നല്‍കിയ അഭിമുഖത്തില്‍ വ്യക്തമാക്കി.

എന്നാല്‍ തനിക്ക് ഇത്തരം അനുഭവങ്ങള്‍ ഉണ്ടായിട്ടില്ലെന്നും കാരണം തന്‍റെ സംരക്ഷകരായി ഭര്‍ത്താവ് ഡാനില്‍ വെബ്ബറും തന്‍റെ ടീമും എന്നും തന്നെ സംരക്ഷിക്കുന്നുവെന്നും സണ്ണി പറഞ്ഞു.

‘ബോളിവുഡില്‍ കാസ്റ്റിങ് കൗച്ച് പ്രവണത നിലനില്‍ക്കുന്നുണ്ട് എന്നതില്‍ സംശയമില്ല. എന്നാല്‍, സ്ത്രീകള്‍ക്ക് മാത്രമല്ല, പുരുഷന്മാര്‍ക്കും ഇത്തരം അനുഭവങ്ങള്‍ ഉണ്ടാവുന്നുണ്ട്’ സണ്ണി അഭിമുഖത്തില്‍ പറഞ്ഞു.

സ്ത്രീകള്‍ സംസാരിക്കും തോറും ഇതിനെതിരെയുള്ള സ്വരം ഉയര്‍ന്നുനില്‍ക്കും. പുതിയ തലമുറയിലെ സ്ത്രീകളില്‍ ആത്മവിശ്വാസം വളര്‍ത്താന്‍ ഇത് ഉപകരിക്കും. ഇക്കാര്യത്തില്‍ ഉറച്ച നിലപാടെടുത്ത സ്ത്രീകളെക്കുറിച്ച് ഓര്‍ക്കുമ്പോള്‍ എനിക്ക് അഭിമാനമേയുള്ളൂ. എന്നെങ്കിലും നമ്മുടെ സിനിമാരംഗം മുഴുവന്‍ ഇതില്‍ നിന്ന് മുക്തമാവും എന്നാണ് തന്‍റെ പ്രതീക്ഷ – സണ്ണി ലിയോണ്‍ പറഞ്ഞു.

Get the latest Malayalam news and Entertainment news here. You can also read all the Entertainment news by following us on Twitter, Facebook and Telegram.

Web Title: Sunny leone about casting couch in bollywood

Next Story
കണ്ണും കണ്ണും കൊളളയടിക്കാൻ ദുൽഖർ എത്തുന്നു
The moderation of comments is automated and not cleared manually by malayalam.indianexpress.com
X