എഴുപത്തിയൊന്നാമത് കാന്‍ ചലച്ചിത്ര മേളയില്‍ അന്തരിച്ച നടി ശ്രീദേവിക്ക് ആദരം. ടൈറ്റാന്‍ റെഡിനാള്‍ഡ് ലൂയിസ് ഫിലിം ഐക്കണ്‍ പുരസ്‌കാരം നല്‍കിയാണ് മേള ‘ശ്രീയെ’ മേള ആദരിച്ചത്. സംവിധായകന്‍ സുഭാഷ് ഗായിയും നിര്‍മ്മാതാവ് നമ്രത ഗോയലും ചേര്‍ന്ന് ശ്രീദേവിക്കു വേണ്ടി പുരസ്‌കാരം ഏറ്റുവാങ്ങി.
#Sridevi mam honored at #CannesFilmFestival2018.
Subhash Ghai collect the award on behalf of boney #janhavi_kapoor and #KhushiKapoor.
Worlds greatest actress Sridevi mam @SrideviBKapoor pic.twitter.com/5WrN0WaCrS— Aman Singh (@AmanSin11100816) May 18, 2018
ശ്രീദേവിയുടെ ഭര്‍ത്താവും നിര്‍മ്മാതാവുമായ ബോണി കപൂര്‍, മക്കള്‍ ജാന്‍വി കപൂര്‍, ഖുഷി കപൂര്‍ എന്നിവര്‍ പുരസ്‌കാരം സ്വീകരിക്കാനായി കാനില്‍ എത്തേണ്ടതായിരുന്നു. എന്നാല്‍ മറ്റു ചില തടസങ്ങളാല്‍ ഇവര്‍ക്ക് എത്തിച്ചേരാനായില്ല. എന്നാല്‍ ജാന്‍വിയും ഖുഷിയും താനും ഏറെ അഭിമാനത്തോടെയാണ് ഈ പുരസ്‌കാരം സ്വീകരിക്കുന്നതെന്ന് ശ്രീദേവിയുടെ ഭര്‍ത്താവ് ബോണി കപൂര്‍ പിന്നീട് പത്രക്കുറിപ്പില്‍ പറഞ്ഞു.
It was honour to receive Award on behalf of legend @SrideviBKapoor at @Festival_Cannes yesterday for her outstanding contribution in indian cinema n shared my experience with impeccable inimitable actor to western audience hosted by Titan Reginald F. Lewis film honours pic.twitter.com/5QZsTYtVkG
— Subhash Ghai (@SubhashGhai1) May 17, 2018
ശ്രീദേവിക്ക് വേണ്ടി പുരസ്‌കാരം ഏറ്റുവാങ്ങാന്‍ സാധിച്ചതില്‍ അഭിമാനമുണ്ടെന്ന് സുഭാഷ് ഗായി പറഞ്ഞു. നേരത്തേ ഓസ്‌കാര്‍ വേദിയിലും ശ്രീദേവിക്ക് ആദരം അര്‍പ്പിച്ചിരുന്നു.
ഇത്തവണത്തെ ദേശീയ ചലച്ചിത്ര പുരസ്‌കാര നിര്‍ണയത്തില്‍ മികച്ച നടിക്കുള്ള പുരസ്‌കാരവും ശ്രീദേവിക്കായിരുന്നു. മോം എന്ന ചിത്രത്തിലെ പ്രകടനത്തിനായിരുന്നു പുരസ്‌കാരം. മരണാനന്തരം ദേശീയ ചലച്ചിത്ര പുരസ്‌കാരം നേടുന്ന ആദ്യ കലാകാരിയാണ് ശ്രീദേവി.
Get all the Latest Malayalam News and Kerala News at Indian Express Malayalam. You can also catch all the Entertainment News in Malayalam by following us on Twitter and Facebook
