Latest News

ശ്രീശാന്തിന്റെ ഭാര്യ ഭുവനേശ്വരിയും ബിഗ് ബോസിലേക്ക്

പരിപാടിയിലെ മറ്റൊരു മത്സരാര്‍ത്ഥിയായ സൃഷ്ടിയുടെ കാമുകന്‍ മനീഷ് നാഗ്‌ദേവും ചിലപ്പോള്‍ പരിപാടിയില്‍ പങ്കെടുത്തേക്കും

Sreesanth

മുന്‍ ക്രിക്കറ്റ് താരം ശ്രീശാന്ത് ബിഗ് ബോസ്സ് 12ലേക്ക് വന്നത് വലിയ വാര്‍ത്തയായിരുന്നു. ഇപ്പോഴിതാ ശ്രീശാന്തിനു പുറകേ അദ്ദേഹത്തിന്റെ ഭാര്യ ഭുവനേശ്വരി കുമാരിയും എത്തുന്നു. ഭുവനേശ്വരി മാത്രമല്ല, ദീപിക കക്കറിന്റെ ഭര്‍ത്താവ് ശുഐബ് ഇബ്രാഹിമും ബിഗ് ബോസ്സിലേക്ക് എത്തുന്നുണ്ട്.

പ്രേക്ഷകര്‍ക്കിടയില്‍ എറെ സംസാരവിഷയമാകാറുള്ള രണ്ടു മത്സരാര്‍ത്ഥികളാണ് ശ്രീശാന്തും ദീപികയും. അതിനാല്‍ തന്നെ ഇരുവരുടേയും ജീവിത പങ്കാളികളേയും പരിപാടിയില്‍ പങ്കെടുപ്പിക്കാന്‍ തീരുമാനിക്കുകയാണെന്ന് വിശ്വസനീയ കേന്ദ്രങ്ങള്‍ ഇന്ത്യന്‍ എക്‌സ്പ്രസ്സിനോട് പറഞ്ഞു. രണ്ടുപേരും തങ്ങളുടെ ഭാര്യാഭര്‍ത്താക്കന്മാരുടെ പ്രവൃത്തികള്‍ ന്യായീകരിക്കുമെന്നും അവര്‍ക്ക് ചില നല്ല ഉപദേശങ്ങള്‍ പകര്‍ന്നു നല്‍കുമെന്നും വൃത്തങ്ങള്‍ പറയുന്നു. സല്‍മാന്‍ ഖാനുമായി ഇരുവരും സംസാരിക്കും. പരിപാടിയിലെ മറ്റൊരു മത്സരാര്‍ത്ഥിയായ സൃഷ്ടിയുടെ കാമുകന്‍ മനീഷ് നാഗ്‌ദേവും ചിലപ്പോള്‍ പരിപാടിയില്‍ പങ്കെടുത്തേക്കും.

Read More: ബിഗ്ബോസിൽനിന്നും വെറുതെയങ്ങ് പോകാനാവില്ല; ഭീഷണിക്ക് ശ്രീശാന്ത് നൽകേണ്ടി വരിക വൻതുക

പുറത്തുപോകേണ്ടവരിലേക്ക് ദീപിക തന്റെ പേര് നിര്‍ദ്ദേശിച്ചത് ശ്രീശാന്തിനെ വളരെയധികം വിഷമിപ്പിച്ചിരുന്നു. ബിഗ് ബോസ് ഹൗസ് വിട്ട് പോകാന്‍ തീരുമാനിച്ച ശ്രീശാന്തിനെ പിന്നീട് സീക്രട്ട് റൂമിലേക്ക് കൊണ്ടുപോകുകയായിരുന്നു. ആ ആഴ്ച മുഴുവന്‍ ദീപിക വിഷമത്തിലായിരുന്നു. മറ്റ് മത്സരാര്‍ത്ഥികള്‍ ദീപികയില്‍ കുറ്റബോധം വളര്‍ത്താനും ശ്രമിച്ചിരുന്നു.

ഹൗസിലെ ദീപികയുടെ പ്രവൃത്തികള്‍ ശ്രീശാന്തിനെ വളരെയധികം ക്രുദ്ധനാക്കിയിരുന്നു. അവിടെ നടന്ന പലകാര്യങ്ങളും അറിഞ്ഞപ്പോള്‍ ദീപികയോടുളള ബഹുമാനം പോയെന്നും ഇനിയൊരിക്കലും അവരോട് സംസാരിക്കില്ലെന്നും ശ്രീശാന്ത് പറഞ്ഞിരുന്നു.

Get the latest Malayalam news and Entertainment news here. You can also read all the Entertainment news by following us on Twitter, Facebook and Telegram.

Web Title: Sreesanths wife bhuvneshwari on bigg boss

Next Story
രജനീകാന്ത് ചിത്രം ‘പേട്ട’ ചിത്രീകരണം പൂര്‍ത്തിയായിIts wrap for Rajnikanth Karthik subbaraj Petta
The moderation of comments is automated and not cleared manually by malayalam.indianexpress.com
Best of Express