150കോടി ആസ്തിക്ക് ഉടമ, ചെറുപ്രായത്തിൽ തന്നെ സിനിമാ പ്രേമികൾക്ക് പ്രിയങ്കരൻ, ഈ നടനെ അറിയാമോ?

Throwback Thursday: സിനിമാസ്വാദകര്‍ക്കു ഏറെ പ്രിയപ്പെട്ട താരം. അഭിനയത്തില്‍ മാത്രമല്ല നൃത്തം, അവതരണം, സംവിധാനം, നിര്‍മ്മാണം, ആലാപനം തുടങ്ങിയ മേഖലകളില്‍ നിറ സാന്നിധ്യം അറിയിച്ചിട്ടുണ്ട്. ആളെ മനസിലായോ?

ഉലകനായകന്‍ കമലഹാസന്റെ കുട്ടികാല ചിത്രമാണിത്.

1960 പുറത്തിറങ്ങിയ ' കളത്തൂർ കണ്ണമ്മ കണ്ണമ്മ' എന്ന തമിഴ് ചിത്രത്തില്‍ ബാലതാരമായാണ് കമലഹാസന്റെ അഭിനയ ജീവിതം ആരംഭിക്കുന്നത്.

സിനിമയില്‍ പ്രസിഡൻ്റിൻ്റെ ഗോള്‍ഡ് മെഡല്‍ സ്വന്തമാക്കിയ ആ ബാലന്‍ പിന്നീട് താന്‍ കൈവച്ച മേഖലയിലൊക്കെ വിസ്മയങ്ങള്‍ തീര്‍ത്തു.

കെ ബാലചന്ദര്‍ സംവിധാനം ചെയ്ത ' അപൂര്‍വ്വ രാഗങ്ങള്‍' എന്ന ചിത്രത്തില്‍ നായക വേഷത്തില്‍ എത്തിയ കമലഹാസന്‍ പിന്നീട് 'മൂണ്‍ട്രം പിറയ്', 'സ്വാതി മുത്യം', 'നായകന്‍', ' ഇന്ത്യന്‍' എന്നീ ചിത്രങ്ങളിലൂടെ ദേശീയ പുരസ്‌കാരങ്ങളും സ്വന്തമാക്കി.

230 ല്‍ അധികം ചിത്രങ്ങളില്‍ അഭിനയിച്ച കമലഹാസന്‍ സിനിമയില്‍ അറുപത് വര്‍ഷങ്ങള്‍ പൂര്‍ത്തിയാക്കിയ നടന്മാരിലൊരാളാണ്.