ഏവരും കാത്തിരുന്ന ആ സസ്പെൻസ് ത്രില്ലർ ഇന്ന് ഒടിടിയിലെത്തും

Sookshmadarshini OTT Release Date & Platform: നസ്രിയ നസീം -ബേസിൽ ജോസഫ് എന്നിവരെ കേന്ദ്രകഥാപാത്രങ്ങളായി എത്തിയ,  എം സി സംവിധാനം ചെയ്ത സൂപ്പർഹിറ്റ് ചിത്രം 'സൂക്ഷ്മദർശിനി'  ഇന്ന് അർദ്ധരാത്രിയോടെ ഒടിടിയിൽ എത്തും.

തിയേറ്ററിൽ മികച്ച പ്രതികരണം നേടിയ ചിത്രമാണ് 'സൂക്ഷ്മദർശിനി'. ആദ്യം മുതൽ അവസാനം വരെ സസ്പെൻസ് നിലനിർത്തികൊണ്ടു മുന്നേറുന്ന ചിത്രം, ഒരു മിസ്റ്ററിയുടെ കുരുക്ക് അഴിക്കുകയാണ്. 

മൈക്രോ ബയോളജി ബിരുദധാരിയായ പ്രിയദർശിനിയ്ക്ക് തന്റെ അയൽക്കാരനായ മാനുവലിന്റെ പെരുമാറ്റത്തിൽ തോന്നുന്ന സംശയങ്ങളുടെ ചുവടുപിടിച്ചാണ് കഥ മുന്നേറുന്നത്. പ്രിയദർശിനിയുടെ സൂക്ഷ്മദർശിനി കണ്ണുകൾ മാനുവലിനെ വിടാതെ പിൻതുടരുന്നതും ഒടുവിൽ വലിയൊരു ക്രൈം തെളിയിക്കപ്പെടുന്നതുമൊക്കെയാണ് ചിത്രം പറയുന്നത്. 

ദീപക് പറമ്പോല്‍, സിദ്ധാർത്ഥ് ഭരതൻ, കോട്ടയം രമേശ്, അഖില ഭാർഗവൻ, പൂജ മോഹൻരാജ്, മെറിൻ ഫിലിപ്പ്, മനോഹരി ജോയ്, ഹെസ്സ മെഹക്ക്, ഗോപൻ മങ്ങാട്, ജയ കുറുപ്പ്, റിനി ഉദയകുമാർ, ജെയിംസ്, നൗഷാദ് അലി,  അപർണ റാം, സരസ്വതി മേനോൻ, അഭിറാം രാധാകൃഷ്ണൻ തുടങ്ങിയവരാണ് ചിത്രത്തിലെ മറ്റു പ്രധാന അഭിനേതാക്കൾ. 

ഹാപ്പി ഹവേർസ് എന്‍റർടെയ്ൻമെന്‍റ്സിന്റെയും എ വി എ പ്രൊഡക്ഷൻസിന്റെയും ബാനറുകളില്‍ സമീർ താഹിർ, ഷൈജു ഖാലിദ്, എ വി അനൂപ് എന്നിവർ ചേര്‍ന്നാണ് സൂക്ഷ്മദർശിനി നിര്‍മിച്ചത്. ലിബിനും അതുലും ചേർന്നാണ് ചിത്രത്തിന്റെ തിരക്കഥ ഒരുക്കിയത്. ശരൺ വേലായുധൻ ഛായാഗ്രഹണവും, എഡിറ്റിംഗ് ചമൻ ചാക്കോയും സംഗീതം ക്രിസ്റ്റോ സേവ്യറും നിർവ്വഹിച്ചു. 

Sookshmadarshini OTT Platform: സൂക്ഷ്മദർശിനി ഒടിടിയിലേക്ക്

ഡിസ്‍നി പ്ലസ് ഹോട്‍സ്റ്റാറിലാണ്  സൂക്ഷ്മദർശിനി സ്ട്രീം ചെയ്യുക. ജനുവരി 11 മുതൽ ചിത്രം ഒടിടിയിൽ കാണാം.

View this post on Instagram

A post shared by Disney+ Hotstar malayalam (@disneyplushotstarmalayalam)

Read More

• സിനിമയുടെ മാജിക് അനുഭവിച്ചറിയാം, ഇവിടെ തിരക്കഥയാണ് താരം; രേഖാചിത്രം റിവ്യൂ: Rekhachithram Review
• Ennu Swantham Punyalan Review: കോമഡിയും സസ്പെൻസും അടങ്ങിയൊരു ഡീസന്റ് ത്രില്ലർ; എന്ന് സ്വന്തം പുണ്യാളൻ റിവ്യൂ
• രേഖാചിത്രത്തിൽ മമ്മൂട്ടി ഉണ്ടോ?; ആസിഫ് അലി പറയുന്നു
• ഒരു തുമ്പ് കിട്ടിയാൽ തുമ്പ വരെ പോകും;' ഡിക്​റ്റക്ടീവ് ഡൊമിനിക്കായി മമ്മൂട്ടി; ട്രെയിലര്‍
• 'കസേര പിടിച്ചിടാന്‍ പോലും യുവജനോത്സവ വേദിയിൽ കയറിയിട്ടില്ല;' വിജയികൾക്ക് സർപ്രൈസുമായി ആസിഫ് അലി
• പോരാട്ടത്തിനു ഒപ്പം നിന്നവർക്കു നന്ദി: ഹണി റോസ്