Latest News

‘സോലോ’ റിലീസ് നീട്ടിവെച്ചു

ചിത്രത്തിന്റെ മലയാളം പതിപ്പിന് ക്ലീൻ-യു സർട്ടിഫിക്കറ്റ് ലഭിച്ചു

solo, dulquer salmaan

എറണാകുളം: ദുൽഖർ സൽമാൻ നായകനായി എത്തുന്ന ‘സോലോയുടെ റിലീസ് നീട്ടി. മലയാളത്തിലും തമിഴിലുമായി ഒരേസമയം ഒരുങ്ങിയ ചിത്രം ഒക്ടോബര്‍ അഞ്ചിനായിരിക്കും തിയറ്ററുകളിൽ എത്തുക. ചിത്രത്തിന്റെ മലയാളം പതിപ്പിന് ക്ലീൻ-യു സർട്ടിഫിക്കറ്റ് ലഭിച്ചു. തമിഴ് പതിപ്പിന് യു/എ സര്‍ട്ടിഫിക്കറ്റാണ് സെന്‍സര്‍ ബോര്‍ഡ് നല്‍കിയത്. ബോളിവുഡ് സംവിധായകനായ ബിജോയ് നമ്പ്യാരാണ് ചിത്രം ഒരുക്കിയിരിക്കുന്നത്.

ദീപ്തി സതി, സുഹാസിനി, നാസര്‍, നേഹ ശര്‍മ്മ, ശ്രുതി ഹരിഹരന്‍, സായ് ധന്‍സിക, പ്രകാശ് ബെലവാടി, ഖ്വാഷിക് മുഖര്‍ജി, മനോജ് കെ.ജയന്‍, ആന്‍ അഗസ്റ്റിന്‍, സായ് തംഹങ്കര്‍ എന്നിവര്‍ മറ്റ് കഥാപാത്രങ്ങളെ അവതരിപ്പിക്കും. ദുല്‍ഖര്‍ അവതരിപ്പിക്കുന്ന കഥാപാത്രത്തിന്റെ അച്ഛനമ്മമാരായാണ് നാസറും സുഹാസിനിയും എത്തുക. മലയാളത്തിലും തമിഴിലുമായി ഒരേസമയം ചിത്രീകരിക്കുന്ന ചിത്രത്തില്‍ ദുല്‍ഖര്‍ അവതരിപ്പിക്കുന്നത് കരിയറില്‍ ഇതുവരെ ചെയ്യാത്ത ഒരു കഥാപാത്രത്തെ ആയിരിക്കുമെന്ന് ബിജോയ് നന്യാര്‍ നേരത്തേ പറഞ്ഞിരുന്നു

Get the latest Malayalam news and Entertainment news here. You can also read all the Entertainment news by following us on Twitter, Facebook and Telegram.

Web Title: Solo release date extended

Next Story
ലോകത്തിലെ ഏറ്റവും സ്വാധീനമുള്ള 100 വനിതകളുടെ പട്ടികയില്‍ നവാസുദ്ദീന്‍ സിദ്ദിഖിയുടെ അമ്മയും
The moderation of comments is automated and not cleared manually by malayalam.indianexpress.com