scorecardresearch
Latest News

സ്നേഹ വീണ്ടും അമ്മയായി; സന്തോഷം പങ്കുവച്ച് പ്രസന്ന

അഞ്ചു വയസുകാരനായ ഒരു മകൻ കൂടിയുണ്ട് ഈ ദമ്പതികൾക്ക്

സ്നേഹ വീണ്ടും അമ്മയായി; സന്തോഷം പങ്കുവച്ച് പ്രസന്ന

ആരാധകരുടെ പ്രിയപ്പെട്ട താരദമ്പതികളാണ് സ്നേഹയും പ്രസന്നയും. സ്നേഹ വീണ്ടും അമ്മയായ സന്തോഷം പങ്കുവയ്ക്കുകയാണ് പ്രസന്ന. ട്വിറ്ററിലൂടെയാണ് സ്നേഹ ഒരു പെൺകുട്ടിയ്ക്ക് ജന്മം നൽകിയ സന്തോഷവാർത്ത പ്രസന്ന ആരാധകരെ അറിയിച്ചത്. ഒരു മകൻ കൂടി ഈ ദമ്പതികൾക്ക് ഉണ്ട്, അഞ്ചു വയസുകാരനായ വിഹാൻ.

ഏറെ നാളത്തെ പ്രണയത്തിനൊടുവില്‍ 2012 ലാണ് സ്നേഹയും പ്രസന്നയും വിവാഹിതരാവുന്നത്. വിവാഹശേഷം സിനിമയില്‍ നിന്നും ഇടവേള എടുത്തിരുന്ന സ്നേഹ പിന്നീട് അഭിനയത്തിലേക്കും വന്നിരുന്നു. മലയാളം, കന്നഡ, തെലുങ്ക് ഭാഷകളിലെല്ലാം ശ്രദ്ധ നേടിയ താരമാണ് സ്നേഹ. മമ്മൂട്ടിയ്ക്ക് ഒപ്പം ‘ഗ്രേറ്റ് ഫാദർ’ എന്ന ചിത്രത്തിലും രണ്ടാം വരവിൽ സ്നേഹ അഭിനയിച്ചു. പൃഥ്വിരാജിനെ നായകനാക്കി കലാഭവൻ ഷാജോൺ സംവിധാനം ചെയ്ത ‘ബ്രദേഴ്സ് ഡേ’യിലൂടെ പ്രസന്നയും മലയാളത്തിൽ അരങ്ങേറ്റം കുറിച്ചിരുന്നു.

Read more: ഇന്ത്യൻ സിനിമയിലെ ശശി തരൂരാണ് പൃഥ്വിരാജ് : പ്രസന്ന

Stay updated with the latest news headlines and all the latest Entertainment news download Indian Express Malayalam App.

Web Title: Sneha prasanna blessed with a baby girl