Latest News
വിദ്യാര്‍ഥിനി വെടിയേറ്റ് മരിച്ച സംഭവം: രാഖിലിന്റെ സുഹൃത്തുക്കളെ കേന്ദ്രീകരിച്ചും അന്വേഷണം

‘അന്ധാധുന്‍’ തമിഴില്‍ ചെയ്യാന്‍ സിദ്ധാര്‍ത്ഥിന് മോഹം; പ്രതികരിച്ച് ആയുഷ്മാന്‍ ഖുരാന

2018ലെ ഏറ്റവും മികച്ച ഇന്ത്യന്‍ ചലച്ചിത്രമായും ഇത് തിരഞ്ഞെടുക്കപ്പെട്ടിരുന്നു

2018ല്‍ പുറത്തിറങ്ങിയ ഏറ്റവും മികച്ച ഇന്ത്യന്‍ ചിത്രങ്ങളില്‍ മുന്‍ നിരയില്‍ നില്‍ക്കുന്ന ചിത്രമാണ് ആയുഷ്മാന്‍ ഖുരാന നായകനായ ‘അന്ധാധുന്‍’. ആഗോള ചലച്ചിത്ര വെബ്സൈറ്റായ ഐ.എം.ഡി.ബിയുടെ പ്രേക്ഷക വിലയിരുത്തലില്‍ 2018ലെ ഏറ്റവും മികച്ച ഇന്ത്യന്‍ ചലച്ചിത്രമായും ഇത് തിരഞ്ഞെടുക്കപ്പെട്ടിരുന്നു. ചിത്രം തമിഴിലേക്ക് മൊഴി മാറ്റി എത്തുന്നതായാണ് ഇപ്പോള്‍ പുറത്തുവരുന്ന സൂചനകള്‍. നടന്‍ സിദ്ധാര്‍ത്ഥ് ആണ് ഇത് സംബന്ധിച്ച് ട്വിറ്ററില്‍ പോസ്റ്റ് ചെയ്തിരിക്കുന്നത്.

ശ്രീരാം രാഘവന്‍ സംവിധാനം ചെയ്ത അന്ധാധുന്‍ തമിഴിലേക്ക് മൊഴിമാറ്റുന്നതിനെ കുറിച്ചുളള ചോദ്യം ചോദിച്ച് ആരാധകരെ ആകാംക്ഷാഭരിതരാക്കിയിരിക്കുകയാണ് നടന്‍. ചിത്രത്തിന്റെ തമിഴ് പതിപ്പില്‍ താന്‍ നായകനായാല്‍ ആരാധകര്‍ക്ക് ഇഷ്ടമാകുമോ എന്നാണ് സിദ്ധാര്‍ത്ഥ് ചോദിച്ചിരിക്കുന്നത്.

‘പെട്ടെന്ന് വോട്ട് ചെയ്യണം-എത്ര പേര്‍ക്ക് എന്നെ ഈ മനോഹര ചിത്രത്തില്‍ കാണണം? സീരിയസ് ആയിട്ട് പറയുകയാണ്,’ സിദ്ധാര്‍ത്ഥ് കുറിച്ചു. പലരും സിദ്ധാര്‍ത്ഥിനെ ചിത്രത്തിന്റെ തമിഴ് പതിപ്പില്‍ കാണണമെന്ന് ആവശ്യപ്പെട്ടു. എന്നാല്‍ ആരാധകരുടെ മറുപടിക്ക് പിന്നാലെ ചിത്രത്തിലെ നായകനായ ആയുഷ്മാന്‍ ഖുരാന തന്നെ മറുപടി നല്‍കി ട്വീറ്റ് ചെയ്യുകയും ചെയ്തു. ‘അത് ചെയ്യു മച്ചാന്‍’ എന്നാണ് ആയുഷ്മാന്‍ ട്വീറ്റ് ചെയ്തിരിക്കുന്നത്.

‘നിങ്ങള്‍ പറഞ്ഞാല്‍ ഞാന്‍ ചെയ്യും’ എന്നാണ് സിദ്ധാര്‍ത്ഥ് മറുപടി നല്‍കിയത്. കാഴ്ച്ച ശക്തിയില്ലാത്ത ഒരു പിയാനിസ്റ്റ് ആയാണ് ആയുഷ്മാന്‍ ചിത്രത്തില്‍ എത്തുന്നത്. 32 കോടി രൂപ ചെലവിലെടുത്ത ചിത്രം നിലവില്‍ 100 കോടിക്ക് മുകളില്‍ കളക്ട് ചെയ്തെന്നാണ് റിപ്പോര്‍ട്ടുകള്‍. ബോക്ലോഫീസിലെ കളക്ഷന്‍ കൂടാതെ നിരൂപക പ്രശംസയും നേടി ചിത്രം ഇപ്പോഴും പ്രദര്‍ശനം തുടരുന്നുണ്ട്. തബു, രാധിക ആപ്തെ എന്നിവരും ചിത്രത്തില്‍ അഭിനയിക്കുന്നുണ്ട്.

Get the latest Malayalam news and Entertainment news here. You can also read all the Entertainment news by following us on Twitter, Facebook and Telegram.

Web Title: Siddharths eye on andhadhun ayushman thumbs up to take the film in tamil

Next Story
‘ജൂണി’ലെ ആദ്യഗാനമെത്തിRajisha Vijayan in June, June movie song, Rajisha Vijayan's June movie look, June movie first Look, Vijay babu's next movie June, Friday Film house latest movie, Joju George in June, Arjun Ashokan's next film, ജൂണിലെ ആദ്യ ഗാനം, രജിഷ വിജയൻ ജൂൺ ലുക്ക്, Rajisha Vijayan age, പുതിയ ചിത്രം, സിനിമ, Entertainment, സിനിമാ വാര്‍ത്ത, ഫിലിം ന്യൂസ്, Film News, കേരള ന്യൂസ്, കേരള വാര്‍ത്ത, Kerala News, മലയാളം ന്യൂസ്, മലയാളം വാര്‍ത്ത, Malayalam News, Breaking News, പ്രധാന വാര്‍ത്തകള്‍, ഐ ഇ മലയാളം, iemalayalam, indian express malayalam, ഇന്ത്യന്‍ എക്സ്പ്രസ്സ്‌ മലയാളം
The moderation of comments is automated and not cleared manually by malayalam.indianexpress.com