scorecardresearch

Latest News

തോക്ക് കയ്യിലേന്തി ശ്വേത മേനോൻ; ചിത്രം ശ്രദ്ധ നേടുന്നു

ചിത്രത്തിൽ മാവോയിസ്റ്റായാണ് ശ്വേത അഭിനയിക്കുന്നത്

shwetha menon , Badal The Manifesto film

ശ്വേത മേനോൻ മാവോയിസ്റ്റായി അഭിനയിക്കുന്ന ‘ബദൽ’ എന്ന ചിത്രത്തിലെ ഒരു സ്റ്റിൽ ആണ് ഇപ്പോൾ ശ്രദ്ധ നേടുന്നത്. നാടക പ്രവർത്തകൻ എ അജയന്‍ ആദ്യമായി ഒരുക്കുന്ന ചിത്രമാണ് ‘ബദൽ: ദി മാനിഫെസ്റ്റോ’. കനിമൊഴി എന്ന മാവോയിസ്റ്റ് കഥാപാത്രത്തെയാണ് ശ്വേത അവതരിപ്പിക്കുന്നത്. ശ്വേത തന്നെയാണ് ഫോട്ടോ സമൂഹമാധ്യമങ്ങളിൽ പങ്കുവച്ചിരിക്കുന്നത്. ഒരിടവേളയ്ക്കു ശേഷം ശക്തമായൊരു കഥാപാത്രവുമായി മലയാളത്തിലേക്ക് തിരിച്ചെത്തുകയാണ് ശ്വേത. ‘ബദൽ’ ചിത്രീകരണം പൂർത്തിയാക്കി പ്രേക്ഷകരിലേക്ക് എത്താൻ ഒരുങ്ങുകയാണ്.

shwetha menon , Badal The Manifesto film

അഞ്ച് വർഷങ്ങൾക്ക് മുൻപ് ചിത്രീകരണം ആരംഭിച്ച ഈ സിനിമ പലകാരണങ്ങൾ കൊണ്ട് നീണ്ടുപോവുകയായിരുന്നു. അട്ടപ്പാടി,മൂന്നാര്‍, പാലക്കാട് എന്നിവിടങ്ങളിലായിരുന്നു ചിത്രത്തിന്റെ ഷൂട്ടിംഗ്. ശ്വേതയെ കൂടാതെ സലിം കുമാർ,അനൂപ് ചന്ദ്രൻ,സജിത മഠത്തിൽ, ലിയോണ തുടങ്ങിയവരും ഈ ചിത്രത്തിൽ വേഷമിടുന്നു. അജയൻ തന്നെയാണ് ചിത്രത്തിന്റെ രചന നിർവ്വഹിച്ചിരിക്കുന്നത്. ആൾട്ടർനേറ്റീവ് സിനിമാസിന്റെ ബാനറിൽ ജോസഫ് വർഗീസ് ഇലഞ്ഞിക്കൽ ആണ് നിർമ്മാണം. പ്രകൃതിക്കുവേണ്ടിയുള്ള പോരാട്ടത്തിന്റെ കഥയാണ് ചിത്രം പറയുന്നത്.

Read more: പാചകം, വ്യായാമം, വായന, കവിത; താരങ്ങളുടെ ലോക്ക്‌ഡൗൺ കാല ജീവിതം

Stay updated with the latest news headlines and all the latest Entertainment news download Indian Express Malayalam App.

Web Title: Shwetha menon playing a maoist badal the manifesto malayalam movie

Best of Express