നടി ശ്വേത മേനോന്റെ ഭർത്തൃമാതാവ് അന്തരിച്ചു

നടി ശ്വേത മേനോന്റെ ഭർത്താവ് ശ്രീവത്സൻ മേനോന്റെ മാതാവ് സതി പി മേനോൻ അന്തരിച്ചു. 74 വയസ്സായിരുന്നു. കൊച്ചിയിലെ സ്വകാര്യ ആശുപത്രിയിൽ വച്ചായിരുന്നു അന്ത്യം. തൃശൂർ പുതിയേടത്ത് കുടുംബാംഗമാണ് സതീദേവി. പരേതനായ നാരയണൻകുട്ടിയാണ് ഭർത്താവ്.

ശ്വേത മേനോൻ തന്റെ സോഷ്യൽ മീഡിയ പ്രൊഫൈലിലൂടെ മരണവാർത്ത പങ്കുവച്ചിട്ടുണ്ട്. മാധ്യമപ്രവർത്തകനായ ശ്രീവത്സൻ മേനോനും ശ്രീകാന്ത് മോനാനുമാണ് മക്കൾ. സംസ്കാരം ഇന്ന് ഉച്ചയ്ക്ക് വീട്ടുവളപ്പിൽ വച്ച് നടക്കും.