വയസ്സ് 50 ആയെന്ന് പറഞ്ഞാൽ ആരു വിശ്വസിക്കും?; പ്രായത്തെ പിടിച്ചുകെട്ടിയ ശിൽപ്പയുടെ പിറന്നാൾ ആഘോഷമാക്കി കുടുംബം

ബോളിവുഡിന്റെ പ്രിയപ്പെട്ട നായികയാണ് ശിൽപ്പ ഷെട്ടി. വർഷങ്ങളായി മുടങ്ങാതെ യോഗയിലൂടെയും നിത്യേനയുള്ള വ്യായാമമുറകളിലൂടെയും തന്റെ ശരീരസൗന്ദര്യം കാത്തുസൂക്ഷിക്കുന്ന കാര്യത്തിൽ ശിൽപ്പ ബോളിവുഡിലെ മറ്റേതു നായികമാരെക്കാളും മുന്നിലാണ് . പ്രായം വെറും അക്കം മാത്രമാണെന്ന് ജീവിതം കൊണ്ടു ഓർമ്മിക്കുന്ന താരം കൂടിയാണ് ശിൽപ്പാ ഷെട്ടി.

താരത്തിന്റെ 50-ാം പിറന്നാളായിരുന്നു ജൂൺ എട്ടിന്. ശിൽപ്പ ഷെട്ടിയുടെ ഫിറ്റ്നസ്സ് കണ്ടാൽ നടിയ്ക്ക് അമ്പത് ആയോ എന്നു ആരുമൊന്നു അമ്പരന്നുപോവും. ശിൽപ്പയുടെ ജീവിതത്തിലെ നാഴികക്കല്ല് ആഘോഷമാക്കിയിരിക്കുകയാണ് കുടുംബം. ക്രൊയേഷ്യയിൽ ആയിരുന്നു ശിൽപ്പയുടെ പിറന്നാൾ ആഘോഷം.

ചെറുപ്പത്തിന്റെ ചുറുചുറുക്കുമായി അമ്പതിലേക്ക് എത്തിയ ശിൽപ്പയ്ക്കായി വലിയൊരു സർപ്രൈസ് പാർട്ടി തന്നെ ഭർത്താവ് രാജ് കുന്ദ്ര ഒരുക്കിയിരുന്നു. അലങ്കാരങ്ങൾ മുതൽ ആകാശത്തെ പ്രകാശപൂരിതമാക്കിയ മനോഹരമായ വെടിക്കെട്ട് വരെ.

കുടുംബാംഗങ്ങൾ മാത്രമല്ല, അടുത്ത സുഹൃത്തുക്കളും ശിൽപ്പയുടെ ജന്മദിനം ആഘോഷമാക്കാൻ ക്രൊയേഷ്യയിൽ എത്തിയിരുന്നു.

ഒരു ഗോൾഡൻ കളർ ഗൗൺ ആണ് ശിൽപ്പ പിറന്നാൾ ദിനത്തിൽ അണിഞ്ഞത്. നീതു റോഹ്‌റ രൂപകൽപ്പന ചെയ്തതാണ് ഈ ഗൗൺ.

കഴിഞ്ഞ കുറച്ച് വർഷങ്ങളായി ശിൽപ ഷെട്ടി ടെലിവിഷൻ പരിപാടികളിൽ വളരെ സജീവമാണ്.

മക്കളായ വിയാൻ, സമിഷ എന്നിവരെയും ചിത്രങ്ങളിൽ കാണാം.

ഒപ്പം, ബിസിനസ്സിലും തിളങ്ങുകയാണ് താരം. ജ്വല്ലറി, ലൈഫ് സ്റ്റൈൽ, ബ്യൂട്ടി, ഹോട്ടൽ എന്നിവയുമായി ബന്ധപ്പെട്ട് ശിൽപ്പയ്ക്ക് നിരവധി ബിസിനസ് സംരംഭങ്ങളുണ്ട്.

അമ്പതിലും 30ന്റെ ചെറുപ്പം സൂക്ഷിക്കുന്ന ശിൽപ്പയുടെ ചിത്രങ്ങൾ സമൂഹമാധ്യമങ്ങളിൽ ഇതിനകം തന്നെ വൈറലാണ്.