Latest News
സാമൂഹിക കണക്ഷന്‍ ‘നെറ്റ്‌വര്‍ക്ക്’ ആക്കി ഒരു സ്‌കൂള്‍; ഓണ്‍ലൈന്‍ പഠനത്തിന് ഒരുക്കുന്നത് 250 വൈഫൈ കേന്ദ്രങ്ങള്‍
ഡെല്‍റ്റ പ്ലസ് വകഭേദം: ഇന്ത്യയില്‍ 40 കേസുകള്‍ റിപ്പോര്‍ട്ട് ചെയ്തു
രാജ്യദ്രോഹ കേസ്: ഐഷ സുൽത്താനയെ ചോദ്യം ചെയ്യുന്നു
കോവിഡ് മരണം തടയുന്നതില്‍ ഒരു ഡോസ് വാക്സിന് 82 ശതമാനം ഫലപ്രദം

മുത്ത് പോലത്തെ പടം: ‘സുഡാനി’ക്ക് ഷഹബാസ് അമന്‍റെ നിരൂപണം

കണ്ണു കാണാൻ കഴിയാത്ത ഇങ്ങളെ ഒരു ഫ്രണ്ടിനെ വരെ ധൈര്യായിട്ട്‌ ഈ സിനിമക്ക്‌ ഇങ്ങക്ക്‌ കൊണ്ടോവ- ഷഹബാസ്

നവാഗതനായ സക്കരിയ മുഹമ്മദിന്റെ സുഡാനി ഫ്രം നൈജിരിയയ്ക്ക് നിരൂപണം എഴുതി സംസ്ഥാന പുരസ്കാരത്തിന് അര്‍ഹനായ ഗായകന്‍ ഷഹബാസ് അമന്‍. ‘മുത്ത് പോലത്തെ പടം’ എന്നാണ് അദ്ദേഹം ചിത്രത്തെ കുറിച്ച് പറഞ്ഞിരിക്കുന്നത്. മലപ്പുറത്തിന്റെ കഥാപരിസരത്ത് ഒരുങ്ങിയ ചിത്രം മികച്ച അഭിപ്രായത്തോടെയാണ് മുന്നേറുന്നത്. ചിത്രത്തിലെ ഒരു പാട്ട് ഷഹബാസ് ആണ് ആലപിച്ചിരിക്കുന്നത്.

ഷഹബാസ് അമന്റെ ഫെയ്സ്ബുക്ക് പോസ്റ്റിന്റെ പൂര്‍ണരൂപം,

മുത്ത്‌ പോലത്തെ പടം

എന്ന് പറഞ്ഞാൽ കണ്ട്‌ ഇഷ്ടപ്പെട്ട ഒരു പാടു ലോക പ്രാദേശിക സിനിമകളുടെ കൂട്ടത്തിലേക്ക്‌ ഇതിനെയും എടുത്തു വെക്കുന്നു! അത്‌ ഒരു വശത്ത്‌.

രണ്ട്‌: സാധാരണപ്പെട്ട ഞങ്ങളുടെ മലപ്പുറത്തെ നിങ്ങൾക്ക്‌ അടുത്തറിയാൻ ഇതിലെ രണ്ട്‌ മൂന്ന് വാക്കുകൾ‌ മതി!
“അത്‌ എന്താപ്പൊ ഇന്നെ ഒരു ഒറ്റപ്പെടുത്തല്?”
“വെർതെ ഓലി ട്ട്‌ ട്ട്‌ കാര്യല്ല്യ,കാര്യം എന്താച്ചാ പറിം”
“ഇജ്‌ ഒന്നും കൂടി ഒന്ന് നോക്ക്‌”
ഇമോഷന്റെയും പ്രസക്തിയുടെയും പ്രതീക്ഷയുടെയുമൊക്കെ വല്യ ഏരിയകളാണത്‌‌.ഇവടെ ജീവിച്ചോൽക്കറിയ!(സംവിധായകന്റെ പേരാണെങ്കി സക്കരിയ!

മാത്രമല്ല,

ഓഫ്‌ഫ്‌ ടോക്കുകൾ കൊണ്ട് മാത്രം ‌ മലപ്പുറത്തിന്റെ ഒരു ഏകദേശ മാപ്പും പ്ലാനും ബ്ലൂ പ്രിന്റുമൊക്കെ തുടക്കത്തിലേ ക്രിത്യമായി തയ്യാറാക്കുന്നുണ്ട്‌‌‌ മുഖ്യ ഡയലോഗ്‌ റൈറ്ററും സക്കരിയയുടെ ക്രിയേറ്റീവ്‌ കൂട്ടാളിയുമായ മുഹ്സിൻ! ‌എന്ന് പറഞ്ഞാൽ തിയറ്ററിനു അകത്ത്‌ കയറി വെറുതേ കണ്ണടച്ച്‌ ഇരുന്നാലും മതി എന്ന്! ഉദാഹരണത്തിനു, കണ്ണു കാണാൻ കഴിയാത്ത ഇങ്ങളെ ഒരു ഫ്രണ്ടിനെ വരെ ധൈര്യായിട്ട്‌ ഈ സിനിമക്ക്‌ ഇങ്ങക്ക്‌ കൊണ്ടോവ! ശബ്ദരേഖ കൊണ്ട്‌ മാത്രം കിട്ടുന്ന ഒരു മലപ്പുറം ഇതിന്റെ ഉള്ളില് വേറെ കിടക്കുന്നുണ്ട്.

അതേ സമയം വാക്കുകൾക്കും ആംഗ്യത്തിനും ഒക്കെ അപ്പുറത്തുള്ള ഒരു മലപ്പുറത്തിനെ അട്ത്ത് ചെന്ന് അനുഭവിച്ചറിയുവാൻ സംവിധായകൻ സക്കരിയ മുഹമ്മദ്‌ ഈ സിനിമയിലൂടെ നിങ്ങളെ ഉറപ്പായിട്ടും സഹായിക്കും!‌ -മലപ്പുറത്തെ ഏറെ ഇഷ്ടത്തോടെ എന്നാൽ അൽപം മാറി പുറമേ നിന്നു കൂടി വീക്ഷിക്കാനുള്ള ഒരു ത്രിമാന കാഴ്ചാസംവിധാനത്തെ ( ഷൈജു ഖാലിദ്‌,സമീർ താഹിർ,റെക്സ്‌വിജയൻ) അതിനായി അയാൾ ആശ്രയിച്ചത്‌ പ്രശംസനീയമാം വിധം ഉചിതമായിരിക്കുന്നു!

എന്തൊക്കെപ്പറഞ്ഞാലും ഇങ്ങനെയുള്ള ഒരു നാട്ടുപരിസരസിനിമ മലയാളത്തിൽ നിന്നും ലോകസിനിമാ ഭാഷയിലേക്ക്‌ വിവർത്തനം ചെയ്യുക എളുപ്പമല്ല! പ്രകൃതിയുടെ ഗൂഡാലോചന ‌ഇതിൽ നല്ലോണം പ്രവർത്തിച്ചിട്ട്‌ണ്ട്‌! ആ രണ്ട്‌ ഇമ്മമാർ അയ്ന്റെ അലാമത്താണു നാടകത്തിൽ നിന്നും സിനിമാസ്ക്രീനിലേക്ക്‌ ഈ പ്രായത്തിൽ ആദ്യമായിട്ട്‌ വരുന്നതല്ലേ ആ ചേച്ചിമാർ? അത്‌ പോലെ മ്മളെ സൂപ്പർബാവ ,”ആക്ഷൻ” ന്ന് പറയുന്ന നേരത്തല്ലേ ക്യാമറന്റെ മുൻപിൽ അത്രക്ക്‌ അനായാസമായിട്ട്‌ പ്രത്യക്ഷപ്പെടുന്നത്‌? ഒറിജിനൽ തല്ലുമ്പുടിക്ക്‌ ബാവ എത്രയോ മധ്യം നിന്നിട്ടുള്ളത്‌ ഞങ്ങക്കൊക്കെ നേരിട്ടറിയുന്നതാണു! അത്‌ വേറെക്കാര്യം! പക്ഷേ ഇത്‌ സിൽമല്ലെ? ഈസ്യല്ല ട്ടോ! നജീബ്‌ ഭായിന്റെ കാര്യും അതേ മാതിരിത്തന്നെ! ഒറ്റ ഷോട്ടല്ലെള്ളു? എന്താപ്പൊ ആ പ്രസന്റേഷൻ! ആ എസ്‌ ഐ..പിന്നെ കൊറേ ചെക്കമ്മാര്! അലാമത്ത്‌, അലാമത്ത്‌!!

പറഞ്ഞു വരുമ്പൊ, ഞങ്ങളുടെ ഒരു പാട്ട് (കുർറ)തീർത്തും‌ യാദൃശ്ച്ചികമായി ഇതിന്റെ ഭാഗം ആയതും അയ്ന്റെ ചെല സൂചനകളല്ലാതെ വേറെ ഒന്നും അല്ല!

Get the latest Malayalam news and Entertainment news here. You can also read all the Entertainment news by following us on Twitter, Facebook and Telegram.

Web Title: Shahbaz aman gives full star to sudani from nigeria

Next Story
ഇന്ത്യയിലെ പുരുഷന്മാര്‍ ഭീരുക്കളാണെന്ന് മന്ദിര ബേദി
The moderation of comments is automated and not cleared manually by malayalam.indianexpress.com