Latest News

“അവരുടെ വികാരങ്ങൾക്കും വിലയുണ്ട്”, ലൈംഗിക അതിക്രമങ്ങളിൽ നിലപാടറിയിച്ച് കിംഗ് ഖാൻ

ഹോളിവുഡിലുണ്ടായ വെളിപ്പെടുത്തലുകൾക്ക് പിന്നാലെ ബോളിവുഡിലും പ്രമുഖ താരങ്ങൾ അതിക്രമങ്ങളെ കുറിച്ച് വെളിപ്പെടുത്തിയിരുന്നു

ഹാർവി വിൻസ്റ്റീന് എതിരായ ആരോപണങ്ങൾക്ക് പിന്നാലെ ഹോളിവുഡിലെ നടിമാർ ഒന്നിന് പുറകേ ഒന്നായി തങ്ങൾ അനുഭവിച്ച ദുരനുഭവങ്ങൾ പങ്കുവച്ചിരുന്നു. ഈ തരംഗം ബോളിവുഡിനെയും ഇളക്കി. കങ്കണ റണാവത്താണ് ഇന്ത്യൻ എക്സ്‌പ്രസിന് നൽകിയ അഭിമുഖത്തിൽ തനിക്കുണ്ടായ മോശം അനുഭവങ്ങൾ വെളിപ്പെടുത്തിയത്.

ബിസിനസ് ഇന്റർവ്യൂവിന് നൽകിയ അഭിമുഖത്തിൽ അക്ഷയ് കുമാറാണ് ലൈംഗികമായി ആക്രമിക്കപ്പെടുന്ന സ്ത്രീകളുടെ കാര്യത്തിൽ തന്റെ നയം വ്യക്തമാക്കിയത്. “ലൈംഗിക അതിക്രമം എല്ലായിടത്തും നടക്കുന്നു. ഹോളിവുഡിലെ തുറന്നുപറച്ചിൽ, മറ്റ് മേഖലകളിൽ ഉള്ള സ്ത്രീകൾക്ക് ധൈര്യം നൽകും” എന്നാണ് അക്ഷയ് കുമാർ പറഞ്ഞത്.

ഇതിന് പിന്നാലെ ബോളിവുഡിലെ താരരാജാവ് കിംഗ് ഖാനും തന്റെ നയം വ്യക്തമാക്കിയിരിക്കുകയാണ്. “ഓഹ് ഈ മനുഷ്യൻ ഇങ്ങിനെ പെരുമാറിയോ, ഇത് ഞെട്ടിക്കുന്നതാണ്, തുടങ്ങിയ പ്രതികരണങ്ങൾ അല്ല ഇവിടെയാവശ്യം. തന്റെ അനുഭവങ്ങൾ തുറന്നുപറയുന്ന പെൺകുട്ടികളെ പിന്തുണക്കുകയാണ് വേണ്ടത്.എല്ലാ മേഖലകളിലും ഇത്തരം അനുഭവങ്ങൾ ഇല്ലാതാക്കാനുള്ള ശ്രമങ്ങളാണ് ഉണ്ടാകേണ്ടത്”, അദ്ദേഹം പറഞ്ഞു.

“അവരുടെ വികാരങ്ങൾക്കും വിലയുണ്ട്. അത് കാണാതെ പോകരുത്. വളരെ ദു:ഖകരമായ കാര്യമെന്തെന്നാൽ, നമ്മളിൽ പലർക്കും നമ്മുടെ മൂക്കിന് താഴെ നടക്കുന്ന ഇത്തരം അതിക്രമങ്ങളെ കുറിച്ച് യാതൊരു അറിവും ഇല്ലെന്നതാണ്”, ഷാരൂഖ് ഖാൻ പറഞ്ഞു.

Get the latest Malayalam news and Entertainment news here. You can also read all the Entertainment news by following us on Twitter, Facebook and Telegram.

Web Title: Shah rukh khan on sexual harassment we should respect women for coming out and being so brave

Next Story
‘ഒടിയന്‍’ എത്തിയത് രഹസ്യം ഒളിപ്പിച്ച്? മോഹന്‍ലാല്‍ ധരിച്ചത് ക്യാമറക്കണ്ണുളള കണ്ണടയെന്ന് റിപ്പോര്‍ട്ട്
The moderation of comments is automated and not cleared manually by malayalam.indianexpress.com
Best of Express