നടി, മോഡൽ, ഡാൻസർ എന്നീ നിലകളിലെല്ലാം ശ്രദ്ധേയയാണ് സാനിയ ഇയ്യപ്പൻ. സോഷ്യൽ മീഡിയ ഇൻഫ്ലുവൻസർ കൂടിയായ താരം യാത്രകൾ ഏറെ ഇഷ്ടപ്പെടുന്ന വ്യക്തിയാണ്. പിറന്നാൾ പ്രമാണിച്ച് കെനിയയിലേക്ക് സോളോ ട്രിപ്പ് നടത്തിയിരിക്കുകയാണ് സാനിയ. കെനിയയിൽ നിന്നുള്ള ചിത്രങ്ങളും സാനിയ സോഷ്യൽ മീഡിയയിൽ ഷെയർ ചെയ്തിട്ടുണ്ട്.
ആഫ്രിക്കൻ പൗരന്മാർ താരത്തിന് പിറന്നാൾ ആശംസിക്കുന്ന വീഡിയോയും സാനിയ കഴിഞ്ഞ ദിവസം ഷെയർ ചെയ്തിരുന്നു. ഒരു റെസ്റ്റോറെന്റിൽ നിന്നുള്ള ദൃശ്യങ്ങളാണ് താരം പങ്കുവച്ചത്. കേരള സാരിയണിഞ്ഞാണ് സാനിയ കേക്ക് മുറിക്കുന്നത്. ആഫ്രിക്കൻ ഭാഷയിലുള്ള പിറന്നാൾ ആശംസ ഗാനവും കേൾക്കാം. തനിക്കു വേണ്ടി ഗാനം ആലപിച്ച ഹോട്ടൽ ജീവനക്കാർക്ക് കേക്കു മുറിച്ച് നൽകുകയാണ് സാനിയ.
ഇതിനു മുൻപ് കശ്മീർ, മനാലി, തായ്‌ലാൻഡ്, ദുബായ്, രാജസ്ഥാൻ എന്നിവങ്ങളിൽ നിന്നുള്ള സാനിയയുടെ ചിത്രങ്ങളും ശ്രദ്ധ നേടിയിരുന്നു.
ബാലതാരമായി സിനിമയിലെത്തിയ സാനിയ ‘ബാല്യകാല സഖി’, ‘എന്ന് നിന്റെ മൊയ്തീൻ’ തുടങ്ങിയ ചിത്രങ്ങളിൽ അഭിനയിച്ചു. പിന്നീട് ‘ക്യൂൻ’ എന്ന ചിത്രത്തിലൂടെയാണ് സാനിയ കൂടുതൽ ശ്രദ്ധിക്കപ്പെടുന്നത്. പൃഥ്വിരാജിന്റെ ആദ്യ സംവിധാന ചിത്രം ‘ലൂസിഫറി’ലും സാനിയ അഭിനയിച്ചിരുന്നു.
റോഷന്‍ ആന്‍ഡ്രൂസിന്റെ സംവിധാനത്തില്‍ ഒരുങ്ങിയ ‘ സാറ്റര്‍ഡെ നൈറ്റ്’ ആണ് സാനിയ അവസാന അഭിനയിച്ച ചിത്രം. നിവിന്‍ പോളി, അജു വര്‍ഗീസ്, സിജു വില്‍സന്‍, സൈജു കുറുപ്പ്, ഗ്രേസ് ആന്റണി, മാളവിക ശ്രീകാന്ത് എന്നിവരാണ് മറ്റ് പ്രധാന വേഷങ്ങളിലെത്തിയത്.
