2009ൽ റോബിൻഹുഡിൽ കണ്ടതുപോലെ തന്നെയിരിക്കുന്നു: ഇവിടെയും ഏജ് റിവേഴ്സ് ഗിയറിലാണോ?

2009ലാണ് റോബിൻ ഹുഡ് എന്ന ചിത്രത്തിൽ സംവൃത അഭിനയിച്ചത്. 16 വർഷങ്ങൾക്കിപ്പുറവും കാഴ്ചയിൽ വലിയ മാറ്റമൊന്നും സംഭവിച്ചിട്ടില്ല സംവൃതയ്ക്ക്.

സംവൃത സമൂഹമാധ്യമങ്ങളിൽ പങ്കുവച്ച പുതിയ ചിത്രങ്ങളാണ് ശ്രദ്ധ നേടുന്നത്. റോബിൻ ഹുഡിലൊക്കെ കണ്ട അതേ ലുക്കാണ് സംവൃതയ്ക്ക് ഇപ്പോഴും.

രണ്ടു കുട്ടികളുടെ അമ്മയായിട്ടും ഫിറ്റ്നസ്സ് കാത്തുസൂക്ഷിക്കുന്ന താരത്തെ അഭിനന്ദിക്കുന്നുമുണ്ട് ആരാധകർ. ചേച്ചിക്ക് എന്താണ് പ്രായമാവാത്തത്? എന്നാണ് ആരാധകരുടെ ചോദ്യം.

കഴിഞ്ഞ ദിവസം, സംവൃത പങ്കുവച്ച ഒരു റോബിൻ ഹുഡ് ഓർമയും ശ്രദ്ധ കവർന്നിരുന്നു. 2009ൽ റോബിൻ ഹുഡിനു വേണ്ടി അണിഞ്ഞ ഒരു ഡ്രസ് വീണ്ടും അണിഞ്ഞപ്പോഴുള്ള ചിത്രമാണ് താരം പങ്കിട്ടത്.

മലയാളികളുടെ പ്രിയങ്കരിയായ നടിമാരിൽ ഒരാളാണ് സംവൃത സുനിൽ. പ്രേക്ഷകർ എന്നെന്നും എന്നെന്നും ഓർത്തിരിക്കുന്ന ഒരുപിടി ചിത്രങ്ങൾ സമ്മാനിച്ച സംവൃത ഇപ്പോൾ അഭിനയത്തിൽ നിന്നും വിട്ടുനിൽക്കുകയാണ്.

വിവാഹത്തിനു ശേഷം, ഭർത്താവ് അഖിൽ രാജിനും മക്കൾക്കുമൊപ്പം അമേരിക്കയിലാണ് സംവൃത. സോഷ്യൽ മീഡിയയിൽ സംവൃത പങ്കുവയ്ക്കുന്ന ചിത്രങ്ങളിലൂടെയാണ് ആരാധകർ പലപ്പോഴും നടിയുടെ വിശേഷങ്ങൾ അറിയുന്നത്.

2012 ലായിരുന്നു അഖിൽ രാജുമായുളള സംവൃതയുടെ വിവാഹം. അഗസ്ത്യ, രുദ്ര എന്നിങ്ങനെ രണ്ടു മക്കളാണ് സംവൃതയ്ക്കും അഖിലിനും.

2004ൽ ലാൽ ജോസ് സംവിധാനം ചെയ്ത 'രസികൻ' എന്ന ചിത്രത്തിലൂടെയായിരുന്നു സംവൃതയുടെ അരങ്ങേറ്റം. പിന്നീട് ഒരുപിടി നല്ല സിനിമകളിലൂടെ മലയാളികളുടെ പ്രിയങ്കരിയായി മാറിയ സംവൃത വിവാഹശേഷം അഭിനയത്തിൽ നിന്നും ഇടവേള എടുക്കുകയായിരുന്നു. എന്നാൽ, 2019 ൽ ‘സത്യം പറഞ്ഞാ വിശ്വസിക്കുവോ' എന്ന ചിത്രത്തിലൂടെ ഇടയ്ക്ക് സംവൃത അഭിനയത്തിലേക്ക് മടങ്ങിയെത്തി.