അഭിനയത്തിന്റെ തിരക്കുകളിൽ നിന്നെല്ലാം മാറി കുടുംബജീവിതം ആസ്വദിക്കുകയാണ് മലയാളികളുടെ പ്രിയപ്പെട്ട നടി സംവൃത സുനിൽ. ഭർത്താവ് അഖിൽ രാജിനും മക്കളായ അഗസ്ത്യയ്ക്കും രുദ്രയ്ക്കുമൊപ്പം അമേരിക്കയിലാണ് സംവൃത ഇപ്പോൾ. സോഷ്യൽ മീഡിയയിലൂടെ ഇടയ്ക്ക് തന്റെ വിശേഷങ്ങൾ ആരാധകരുമായി താരം പങ്കുവയ്ക്കാറുണ്ട്.
വളരെ രസകരമായ വീഡിയോയാണ് സംവൃത ഇപ്പോൾ പങ്കുവച്ചിരിക്കുന്നത്. ലൂയിസ് വീറ്റണിന്റെ പെട്ടിയിൽ റേസിങ്ങ് കാറുകൾ നിറച്ച് അമ്മയ്ക്ക് സമ്മാനം നൽകിയിരിക്കുകയാണ് സംവൃതയുടെ മക്കൾ. “ഇത് വാലന്റൈൻസ് ഡേ സമ്മാനമാണെന്ന് നിങ്ങൾക്ക് തോന്നിയോ എന്നാൽ അല്ല എന്റെ മക്കളുടെ ഗിഫ്റ്റാണ്” എന്ന് സംവൃത വീഡിയോയ്ക്ക് താഴെ കുറിച്ചു. ‘ഇതെന്തായാലും പൊളിച്ചെ’ന്നാണ് വീഡിയോയ്ക്ക് താഴെ ആരാധകർ പറയുന്നത്.
2012 ലായിരുന്നു അഖിൽ രാജുമായുളള സംവൃതയുടെ വിവാഹം. രണ്ടുമക്കളാണ് സംവൃതയ്ക്ക്.2015 ഫെബ്രുവരി 21 നായിരുന്നു മൂത്തമകൻ അഗസ്ത്യയുടെ ജനനം, മൂന്നു വർഷം മുൻപെ ഫെബ്രുവരിയിൽ ആയിരുന്നു ഇളയ മകൻ രുദ്ര ജനിച്ചത്.
2004ൽ ലാൽ ജോസ് സംവിധാനം ചെയ്ത ‘രസികൻ’ എന്ന ചിത്രത്തിലൂടെയായിരുന്നു സംവൃതയുടെ അരങ്ങേറ്റം.പിന്നീട് ഒരുപിടി നല്ല സിനിമകളിലൂടെ മലയാളികളുടെ പ്രിയങ്കരിയായി മാറിയ സംവൃത വിവാഹശേഷം അഭിനയത്തിൽ നിന്നും ഇടവേള എടുക്കുകയായിരുന്നു. എന്നാൽ,2019 ൽ ‘സത്യം പറഞ്ഞാ വിശ്വസിക്കുവോ’ എന്ന ചിത്രത്തിലൂടെ ഇടയ്ക്ക് സംവൃത അഭിനയത്തിലേക്ക് മടങ്ങിയെത്തി.
