മൽമൽ സാരിയിൽ തിളങ്ങി സംവൃത; കോളേജുകുമാരിയെ പോലിരിക്കുന്നുവെന്ന് ആരാധകർ

മലയാളികളുടെ പ്രിയ നടിയാണ് സംവൃത സുനിൽ. മുൾമുൾ സാരിയിലുള്ള ഏതാനും മനോഹരമായ ചിത്രങ്ങൾ പങ്കിട്ടിരിക്കുകയാണ് സംവൃത ഇപ്പോൾ.

സിമ്പിൾ ബട്ട് എലഗന്റ്

സിംപിൾ ലുക്കിലാണ് സംവൃതയെ ചിത്രങ്ങളിൽ കാണാനാവുക. ഒരു മാറ്റവുമില്ല താരത്തിന് എന്നാണ് ആരാധകരുടെ കമന്റ്.

"ഈ കൊച്ചിന് ഇന്ന് കോളേജിൽ പോവേണ്ടേ?"" എന്നാണ് ഒരു ആരാധകന്റെ ചോദ്യം.

പ്രേക്ഷകർ എന്നെന്നും ഓർത്തിരിക്കുന്ന ഒരുപിടി ചിത്രങ്ങൾ സമ്മാനിച്ച താരമാണ് സംവൃത സുനിൽ.

ഭർത്താവ് അഖിൽ രാജിനും മക്കളായ അഗസ്ത്യയ്ക്കും രുദ്രയ്ക്കുമൊപ്പം അമേരിക്കയിലാണ് ഇപ്പോൾ താമസം.

വളരെ അപൂർവ്വമായി, വെക്കേഷൻ സമയത്തു മാത്രമാണ് സംവൃത നാട്ടിൽ എത്താറുള്ളത്. അടുത്തിടെ പ്രിയ കൂട്ടുകാരിയായ മീര നന്ദന്റെ വിവാഹം കൂടാൻ വേണ്ടിയാണ് സംവൃത നാട്ടിലെത്തിയത്. മല്ലു സിംഗ്, സ്വപ്ന സഞ്ചാരി തുടങ്ങിയ ചിത്രങ്ങളിൽ ഒന്നിച്ച് അഭിനയിച്ചിട്ടുള്ളവരാണ് സംവൃതയും മീര നന്ദനും.