തെന്നിന്ത്യൻ താരം സാമന്ത അക്കിനേനിയുടെ സുഹൃത്തും മോഡലും ഡിസൈനറുമായ ശിൽപ്പ റെഡ്ഡിയ്ക്ക് കോവിഡ് 19 സ്ഥിരീകരിച്ചതോടെ താരത്തിന്റെ ആരാധകരും ആശങ്കയിലാണ്. അടുത്തിടെ സാമന്ത ശിൽപ്പയുമായി കൂടിക്കാഴ്ച നടത്തിയതാണ് ആരാധകരുടെ ആശങ്കയ്ക്ക് കാരണം.
ഒരു കുടുംബസുഹൃത്ത് വീട്ടിലെത്തി തന്നെ സന്ദർശിച്ചിരുന്നുവെന്നും അങ്ങനെയായിരിക്കാം രോഗം പകർന്നതെന്നുമാണ് ശിൽപ്പ വീഡിയോയിൽ പറയുന്നത്. കുടുംബസുഹൃത്തിന് കോവിഡ് സ്ഥിരീകരിച്ചതോടെ ശിൽപ്പയുടെ കുടുംബമൊന്നാകെ കോവിഡ് ടെസ്റ്റ് നടത്തുകയായിരുന്നു. ടെസ്റ്റിൽ ശിൽപ്പയ്ക്കും ഭർത്താവിനും കോവിഡ് സ്ഥിതീകരിക്കുകയായിരുന്നു. എന്നാൽ രണ്ടുപേർക്കും രോഗലക്ഷണങ്ങൾ ഒന്നുമുണ്ടായിരുന്നില്ലെന്നും ശിൽപ്പ പറയുന്നു. ഫിറ്റ്നസ് പ്ലാനിലൂടെയും ആരോഗ്യകരമായ ഡയറ്റിലൂടെയും രോഗാവസ്ഥയെ അതിജീവിക്കാനുള്ള ശ്രമത്തിലാണ് ശിൽപ്പയും ഭർത്താവും.
ആത്മസുഹൃത്തുക്കളാണ് സാമന്തയും ശിൽപ്പ റെഡ്ഡിയും. ശിൽപ്പയ്ക്ക് രോഗം സ്ഥിതീകരിച്ചതോടെ സാമന്തയുടെ കാര്യത്തിൽ ആശങ്കകൾ ഏറെയാണ് ആരാധകർക്ക്.
Read more: യോഗയിൽ ലയിച്ച് സാമന്ത, കാവലായി ഹാഷും
Get all the Latest Malayalam News and Kerala News at Indian Express Malayalam. You can also catch all the Entertainment News in Malayalam by following us on Twitter and Facebook