scorecardresearch

റാക്കറ്റ് കൈയ്യിലെടുത്ത് ശ്രദ്ധ, ‘സൈന’യ്ക്ക് തുടക്കമായി

ബോളിവുഡില്‍ മറ്റൊരു ബയോപിക്കിന് കൂടി തുടക്കമായി, ബാഡ്മിന്റൻ താരം സൈന നെഹ്‌വാലിന്റെ ജീവിതം പറയുന്ന ചിത്രത്തില്‍ നായികയായി എത്തുന്നത്‌ ശ്രദ്ധ കപൂർ

Saina Nehwal Biopic Starring Shraddha Kapoor starts rolling
Saina Nehwal Biopic Starring Shraddha Kapoor starts rolling

ഒളിമ്പിക് മെഡൽ ജേതാവും ബാഡ്മിന്റണ്‍ താരവുമായ സൈന നെഹ്‌വാളിന്റെ ജീവിതം സിനിമയാകുന്നു. അമോൽ ഗുപ്ത സംവിധാനം ചെയ്യുന്ന ‘സൈന’ എന്ന ബയോപിക് ചിത്രത്തിൽ സൈന നെഹ്‌വാളിന്റെ വേഷത്തിലെത്തുന്നത് ശ്രദ്ധ കപൂർ ആണ്. ചിത്രത്തിന്റെ ഷൂട്ടിങ് മുംബൈയിൽ പുരോഗമിക്കുന്നു.

Saina Nehwal Biopic Starring Shraddha Kapoor starts rolling 1

Saina Nehwal Biopic Starring Shraddha Kapoor starts rolling 2

ഏറെ തയ്യാറെടുപ്പുകളോടെയാണ് ചിത്രത്തിൽ ശ്രദ്ധ എത്തുന്നത്. സിനിമയ്ക്ക് വേണ്ടി മുൻ ബാഡ്മിന്റൺ കളിക്കാരനായ പുല്ലേല ഗോപിചന്ദിന്റെ ശിക്ഷണത്തിൽ പ്രത്യേക ബാഡ്മിന്റന്‍ പരിശീലനവും കായികതാരത്തിന്റെ ശരീരഘടന നേടാനുള്ള കായികപരിശീലനവും ശ്രദ്ധ നടത്തിയിരുന്നു.

സൈനയുടെ സാന്നിധ്യത്തിലായിരുന്നു ശ്രദ്ധയുടെ പരിശീലനമെന്നും റിപ്പോർട്ടുകൾ ഉണ്ടായിരുന്നു. ഇരുവരും ഒന്നിച്ച് പരിശീലനം നടത്തുന്ന ചിത്രങ്ങളും സോഷ്യൽ മീഡിയയിൽ തരംഗമായിരുന്നു. കോർട്ടിൽ സൈനയുടെ ചിട്ടകളും രീതിയും സൂക്ഷ‌്മതയോടെ പകർത്താനാണ് ശ്രദ്ധയുടെ ശ്രമം.

സൈനയുടെ ജീവിതത്തിലെ ഉയര്‍ച്ച താഴ്ചകളെ സത്യസന്ധമായി അവതരിപ്പിക്കുന്ന ചിത്രമായിരിക്കുമെന്നാണ് ഈ ബയോപിക്കിനെ കുറിച്ച് അണിയറ പ്രവർത്തകർ പറയുന്നത്.

‘ഹസീന: ദി ക്യൂൻ ഓഫ് മുംബൈ’ എന്ന ചിത്രത്തിൽ അഭിനയിക്കുകയായിരുന്നു ശ്രദ്ധ. ദാവൂദ് ഇബ്രാഹിമിന്റെ സഹോദരി ഹസീന പർക്കാറുടെ വേഷമാണ് ശ്രദ്ധയ്ക്ക് ചിത്രത്തിൽ. ആ ചിത്രത്തിന്റെ ഷൂട്ടിങ് പൂർത്തിയാക്കിയതിനു ശേഷമാണ് ശ്രദ്ധ ‘സൈന’യിൽ ജോയിൻ ചെയ്യുന്നത്.

‘താരേ സമീൻ പറി’ന്റെ ക്രിയേറ്റീവ് ഡയറക്ടറും ഹവ്വ ഹവായ്, സ്നിഫ് തുടങ്ങിയ ചിത്രങ്ങളുടെ സംവിധായകനുമായ അമോൽ ഗുപ്‌തേയുടെ അഞ്ചാമത്തെ സംവിധാന സംരംഭമാണ് ‘സൈന’.

Stay updated with the latest news headlines and all the latest Entertainment news download Indian Express Malayalam App.

Web Title: Saina nehwal biopic starring shraddha kapoor starts rolling