Latest News
Tokyo Olympics Day 5: ബാഡ്മിന്റണ്‍: പ്രതീക്ഷയായി സിന്ധു; രണ്ടാം ജയം
നിയമസഭാ കയ്യാങ്കളി കേസില്‍ സുപ്രീം കോടതി വിധി ഇന്ന്
വാക്സിന്‍ ക്ഷാമത്തിന് പരിഹാരം; ഇന്ന് അഞ്ച് ലക്ഷം ഡോസെത്തും

ട്രാഫിക് ചതിച്ചു, കാർ ഉപേക്ഷിച്ച് സായി പല്ലവി ബൈക്കിലെത്തി

തെലുങ്കിലും തമിഴിലും നമ്പർ വൺ താരമായി മാറിയ സായി പല്ലവി കാറിനു പകരം ബൈക്കിലെത്തിയത് കണ്ടുനിന്നവരെ അതിശയപ്പെടുത്തി

ഷൂട്ടിങ്ങായാലും പൊതുപരിപാടിയായാലും സായി പല്ലവി കൃത്യനിഷ്ഠ പുലർത്തുന്ന നടിയാണ്. തന്റെ പുതിയ ചിത്രമായ കാനത്തിന്റെ പ്രൊമോഷൻ പരിപാടിക്കും സായി പല്ലവി കൃത്യസമയത്തെത്തി. കാറിനുപകരം ബൈക്കിലാണ് നടി പരിപാടിക്കെത്തിയത്. ഇതുകണ്ട ആരാധകരും സംഘാടകരും അമ്പരന്നുപോയി.

സായ് പല്ലവിയുടെ തമിഴ് ചിത്രമായ കാരുവിന്റെ തെലുങ്ക് റീമേക്കാണ് കാനം. ഈ സിനിമയുടെ പ്രൊമോഷനാണ് ഹൈദരാബാദിൽ നടന്നത്. സംവിധായകൻ എ.എൽ.വിജയ് അടക്കമുളള ചിത്രത്തിലെ അണിയറപ്രവർത്തകരെല്ലാം പരിപാടിക്ക് എത്തിയിരുന്നു. സായി പല്ലവി കൃത്യസമയത്ത് തന്നെ എത്തുമെന്ന് അണിയറപ്രവർത്തകർക്ക് ഉറപ്പായിരുന്നു. അവരുടെ വിശ്വാസം തെറ്റിക്കാതെ സായി പല്ലവി എത്തി.

നീല പട്ടുസാരിയുടുത്ത് ബൈക്കിലാണ് സായി പല്ലവി വന്നിറങ്ങിയത്. തെലുങ്കിലും തമിഴിലും നമ്പർ വൺ താരമായി മാറിയ സായി പല്ലവി കാറിനു പകരം ബൈക്കിലെത്തിയത് കണ്ടുനിന്നവരെ അതിശയപ്പെടുത്തി. എന്നാൽ ബൈക്കിലെത്തിയതിന്റെ കാരണം കേട്ട് സായി പല്ലവിയെ അഭിനന്ദിക്കുകയാണ് ആരാധകരും സിനിമാ പ്രവർത്തകരും. ട്രാഫിക് മൂലം കൃത്യസമയത്ത് പരിപാടിക്ക് എത്താൻ കഴിയില്ലെന്ന് ഉറപ്പായപ്പോഴാണ് കാർ ഒഴിവാക്കി സായി പല്ലവി തന്റെ അസിസ്റ്റന്റിന്റെ ബൈക്കിൽ എത്തിയത്.

സായി പല്ലവി ബൈക്കിലെത്തിയതിന്റെ ചിത്രങ്ങൾ സോഷ്യൽ മീഡിയയിൽ വൈറലാണ്. താരമായാൽ പിന്നെ കാറിൽ മാത്രമേ യാത്ര ചെയ്യൂവെന്ന് ശഠിക്കുന്ന നടിമാർ സായി പല്ലവിയെ കണ്ടു പഠിക്കണമെന്നാണ് ആരാധകർ പറയുന്നത്.

Get the latest Malayalam news and Entertainment news here. You can also read all the Entertainment news by following us on Twitter, Facebook and Telegram.

Web Title: Sai pallavi had to rush to kanam event on a bike

Next Story
നയൻതാരയ്ക്കൊപ്പമുളള യുഎസ്സിലെ നല്ല നിമിഷങ്ങൾ പങ്കുവച്ച് വിഘ്നേശ്
The moderation of comments is automated and not cleared manually by malayalam.indianexpress.com