'സച്ചിൻ എ ബില്യൺ ഡ്രീംസി'ലെ കുട്ടി സച്ചിൻ ആരാണെന്നറിയാമോ?-Mikhail Gandhi played young Sachin Tendulkar

ക്രിക്കറ്റ് ഇതിഹാസം സച്ചിൻ ടെൻഡുൽക്കറുടെ ജീവിതം പറഞ്ഞ ‘സച്ചിൻ എ ബില്യൺ ഡ്രീംസ്’ ചിത്രം കണ്ടവരെല്ലാം ഒന്നടങ്കം തിരക്കിയ ഒരു മുഖമുണ്ട്. ചിത്രത്തിൽ സച്ചിന്റെ ചെറുപ്പകാലം അഭിനയിച്ച മിഖായേൽ ഗാന്ധിയെ. വളരെ മനോഹരമായിട്ട് മിഖായേൽ കുട്ടി സച്ചിനെ ചിത്രത്തിൽ അവതരിപ്പിച്ചു. എന്നാൽ ഈ മുഖം ഇതിനു മുൻപ് എവിടെയെങ്കിലും കണ്ടതായി ഓർക്കുന്നുണ്ടോ? എവിടെയാണ് മിഖായേലിനെ കണ്ടതെന്ന് ചിന്തിച്ചിട്ടുണ്ടോ?

ഇനി ആ സംശയം വേണ്ട. ഇതിനു മുൻപും മിഖായേലിന്റെ മുഖം സ്ക്രീനിൽ പലതവണ നാം കണ്ടിട്ടുണ്ട്. വളരെ വർഷങ്ങളായി ബാലതാരമായി മിഖായേൽ അഭിനയ രംഗത്തുണ്ട്. ഇന്ന് മിഖായേലിന് എട്ടു വയസ്സുണ്ട്. കുട്ടി സച്ചിൻ ഇതിനോടകം തന്നെ ലക്ഷക്കണക്കിന് ഇന്ത്യൻ ആരാധകരുടെ മനം കവർന്നു കഴിഞ്ഞിട്ടുണ്ട്. നിരവധി പരസ്യ ചിത്രങ്ങളിൽ മിഖായേൽ അഭിനയിച്ചിട്ടുണ്ട്.