വിവാഹ ഒരുക്കങ്ങൾ തുടങ്ങും മുൻപെ ഇറ്റലി യാത്ര; ചിത്രങ്ങൾ പങ്കുവച്ച് രശ്മികയും വിജയ് ദേവരകൊണ്ടയും

ഫെബ്രുവരിയിൽ വിവാഹിതരാകാൻ ഒരുങ്ങുകയാണ് തെന്നിന്ത്യൻ താരങ്ങളായ രശ്മിക മന്ദാനയും വിജയ് ദേവരകൊണ്ടയും.

വിവാഹത്തിനു മുൻപെ, പുതുവത്സര ആഘോഷങ്ങൾക്കായി ഇരുവരും ഇറ്റലിയിലേക്ക് നടത്തിയ യാത്രയുടെ വിശേഷങ്ങളാണ് ഇപ്പോൾ ശ്രദ്ധ നേടുന്നത്.

രശ്മിക മന്ദാനയ്ക്കും വിജയ് ദേവരകൊണ്ടയ്ക്കുമൊപ്പം സുഹൃത്തുക്കളും കൂടെയുണ്ടായിരുന്നു.

ഇരുവരും ഒരുമിച്ചുള്ള ചിത്രങ്ങൾ സോഷ്യൽ മീഡിയയിൽ പങ്കുവെച്ചില്ലെങ്കിലും ഒരേ ലൊക്കേഷനിൽ നിന്നു ചിത്രങ്ങളാണ് പോസ്റ്റ് ചെയ്തത്. വിജയ് പങ്കുവെച്ച ഒരു ചിത്രത്തിൽ ഒരു യുവതി നടന്റെ തോളിൽ തല ചായ്ച്ചിരിക്കുന്നത് കാണാം; അത് രശ്മികയാണെന്നാണ് ആരാധകരുടെ കണ്ടെത്തൽ.

റോമിൽ നിന്നുള്ള മനോഹരമായ ചിത്രങ്ങൾ ഇരുവരും തങ്ങളുടെ ഇൻസ്റ്റാഗ്രാം അക്കൗണ്ടുകളിൽ പങ്കുവെച്ചു.

ഫെബ്രുവരിയിൽ ഇവരുടെ വിവാഹം നടക്കുമെന്ന വാർത്തകൾക്കിടയിലാണ് ഇരുവരുടെയും ഇറ്റലിയാത്രയിൽ നിന്നുള്ള ചിത്രങ്ങൾ പുറത്തുവന്നിരിക്കുന്നത്.

കഴിഞ്ഞ ഒക്ടോബറിലാണ് ഇവരുടെ വിവാഹനിശ്ചയം കഴിഞ്ഞത്. എന്നാൽ ഇരുവരും ഇതുവരെ വിവാഹകാര്യം ഔദ്യോഗികമായി പ്രഖ്യാപിച്ചിട്ടില്ല.

വിവാഹ വാർത്തകളെക്കുറിച്ച് ചോദിച്ചപ്പോൾ, അത് സ്ഥിരീകരിക്കാനോ നിഷേധിക്കാനോ രശ്മിക തയ്യാറായില്ലെന്നതും ശ്രദ്ധേയമാണ്.

ഇറ്റലിയിലേക്ക് ഇവർ വെവ്വേറെയാണ് യാത്ര ചെയ്തതെങ്കിലും ഇരുവരും ഒന്നിച്ചാണ് ഹൈദരാബാദ് എയർപോർട്ടിൽ തിരിച്ചെത്തിയത്. മാസ്ക് ധരിച്ചാണ് രണ്ടുപേരും എയർപോർട്ടിൽ എത്തിയത്; രശ്മിക വെള്ള ടർട്ടിൽനെക്കും കറുത്ത കോട്ടുമാണ് ധരിച്ചിരുന്നത്. വിജയ് കറുത്ത ലെതർ ജാക്കറ്റും നീല തൊപ്പിയുമാണ് ധരിച്ചിരുന്നത്.

അടുത്തിടെ രശ്മികയുടെ ദി ഗേൾഫ്രണ്ട് എന്ന ചിത്രവുമായി ബന്ധപ്പെട്ട ഒരു പരിപാടിയിൽ വിജയ് ദേവരകൊണ്ടയുടെ സജീവ സാന്നിധ്യം ശ്രദ്ധിക്കപ്പെട്ടിരുന്നു. വിവാഹ നിശ്ചയശേഷം ചില പൊതുചടങ്ങുകളിൽ ഇരുവരും ഒന്നിച്ചെത്തിയിരുന്നു.

വിജയുമായി താൻ അടുപ്പത്തിലാണെന്ന് മുമ്പ് പല വേദികളിലും രശ്മിക പരോക്ഷമായ സൂചനകൾ നൽകിയിട്ടുമുണ്ട്. 2018-ൽ പുറത്തിറങ്ങിയ ഗീതാ ഗോവിന്ദം, 2019-ൽ ഡിയർ കോമ്രേഡ് എന്നീ ചിത്രങ്ങളിലൂടെയാണ് ഇരുവരും ചലച്ചിത്രാസ്വാദകരുടെ പ്രിയജോഡികളായത്.

വിജയ്‍യുടെ അടുത്ത ചിത്രം കീർത്തി സുരേഷിനൊപ്പമുള്ള 'റൗഡി ജനാർദന'യാണ് 2026 ഡിസംബറിൽ ചിത്രം റിലീസിനെത്തും.

ഫെബ്രുവരി 26-ന് രാജസ്ഥാനിലെ ഉദയ്പൂരിലുള്ള ഒരു കൊട്ടാരത്തിൽ വെച്ച് താരവിവാഹം നടക്കുമെന്നാണ് പുറത്തുവരുന്ന റിപ്പേർട്ട്.

"ഞങ്ങൾ അമാൽഫി എന്ന മനോഹരമായ സ്ഥലത്ത് പോയി, അത് അതീവ സുന്ദരമായിരുന്നു.. അത്രമേൽ മനോഹരം. സൂര്യപ്രകാശവും നാരക മരങ്ങളും. ഏറ്റവും മികച്ച കൂട്ടുകാർക്കൊപ്പമായിരുന്നു ആ യാത്ര! സ്നേഹവും ചിരിയും നിറഞ്ഞ ഒട്ടേറെ ഓർമ്മകൾ ഉണ്ടാക്കിയ ദിനങ്ങൾ- ഞങ്ങളുടെ വയറു നിറയെ ചീസും തിരാമിസുവും ആയിരുന്നു," ഇറ്റലി യാത്രാചിത്രങ്ങൾ പങ്കുവച്ച് രശ്മിക കുറിച്ചു.

അതേസമയം, 'പുഷ്പ 3: ദി റാംപേജ്', 'കോക്ടെയിൽ 2' എന്നിവയാണ് രശ്മികയുടെ വരാനാരിക്കുന്ന ചിത്രങ്ങൾ.

ഫോട്ടോ കടപ്പാട്: രശ്മിക മന്ദാന, വിജയ് ദേവരകൊണ്ട| ഇൻസ്റ്റഗ്രാം