സ്പെയിനിലും പിടിയുള്ള പ്രൊഫസർ ഫെഡറിക്കും സംഘവും; ‘ചാവോ ബെല്ല’ ഗാനവുമായി പിഷാരടിയും ധർമ്മജനും

ലോകമെമ്പാടുമുള്ള സംഗീതപ്രേമികളുടെ മനസ്സിൽ അഡ്രിനാലിൻ ജമ്പ് സൃഷ്ടിച്ച ‘ചാവോ ബെല്ല’ ഗാനവുമായി എത്തുകയാണ് പിഷാരടിയും ധർമജനും

Ramesh Pisharody and Dharmajan singing Bella Ciao song

രമേഷ് പിഷാരടിയും ധർമ്മജും ഒത്തുചേരുമ്പോൾ അതിൽ ഒരു ചിരിക്കുള്ള കോളുണ്ടാവും. ഏഷ്യാനെറ്റിലെ ‘ബ്ലഫ് മാസ്റ്റേഴ്സ്’ കാലം മുതൽ തുടങ്ങിയ ആ കൂട്ടുക്കെട്ടിൽ മലയാളി പ്രേക്ഷകർക്കെല്ലാം എന്നും ഏറെ പ്രതീക്ഷയാണ്. ഇപ്പോഴിതാ, ധർമ്മജനൊപ്പമുള്ള രസകരമായൊരു വീഡിയോ പങ്കുവയ്ക്കുകയാണ് പിഷാരടി. സ്പാനിഷ് ടെലിവിഷൻ പരമ്പരയായ ‘മണി ഹെയ്സ്റ്റ്’ സീരീസിലൂടെ ഹിറ്റായ ‘ചാവോ ബെല്ല ചാവോ ബെല്ല’ ഗാനത്തിന്റെ വരികൾ പാടുന്ന പിഷാരടിയേയും ധർമ്മജനേയുമാണ് ഈ ട്രോൾ വീഡിയോയിൽ കാണാൻ സാധിക്കുക.

“സ്പെയിനിലും പിടിയുള്ള പ്രൊഫസർ ഫെഡറിക്കും സംഘവും,” എന്ന ക്യാപ്ഷനോടെയാണ് പിഷാരടി വീഡിയോ പങ്കുവച്ചിരിക്കുന്നത്. ഏഷ്യാനെറ്റ് ഫിലിം അവാർഡ് വേദിയിൽ രമേഷ് പിഷാരടിയും ധർമജനും നടത്തിയ ഏറെ ജനപ്രീതി നേടിയ കച്ചേരി വീഡിയോയുമായി ‘ചാവോ ബെല്ല’ ഗാനം സംയോജിപ്പിച്ചിരിക്കുന്നത് ഫിറോസ് (കിടിലൻ ഫിറോസ്) ആണ്.

Read more: ഇതെല്ലാം ഞങ്ങളുടെ നാട്ടിലെ മഹത് വചനങ്ങളാണ് സായിപ്പേ; ചിരിയുണർത്തി രമേഷ് പിഷാരടി

ലോകമെമ്പാടുമുള്ള സംഗീതപ്രേമികളുടെ മനസ്സിൽ അഡ്രിനാലിൻ ജമ്പ് സൃഷ്ടിച്ച ഒന്നാണ് ‘ചാവോ ബെല്ല’ എന്ന ഗാനം. രണ്ടാം ലോകമഹായുദ്ധക്കാലത്ത് നാസി പടയാളികളുടെ കടന്നുകയറ്റത്തെ പ്രതിരോധിക്കാനായി രൂപം കൊണ്ടതാണ് നമ്മൾ ഇന്ന് കേൾക്കുന്ന ‘ചാവോ ബെല്ല’ ഗാനത്തിന്റെ യഥാർത്ഥ രൂപം. രണ്ടാം ലോകമഹായുദ്ധക്കാലത്ത് ഇറ്റലിയിലാകെ തരംഗമായ ഈ ഗാനമാണ് ‘മണി ഹെയ്‌സ്റ്റ്’ പരമ്പരയിലൂടെ ലോകം മുഴുവൻ കീഴടക്കിയിരിക്കുന്നത്. പ്രതിരോധത്തിന്റെയും സ്വാതന്ത്ര്യത്തിന്റെയും പ്രതീകമായാണ് ഈ ഗാനം ആലപിക്കുന്നത്.

Read more: എന്നിട്ട് ആ പാട്ട് കോമഡി സ്റ്റാര്‍സില്‍ ജഗദീഷിനെക്കൊണ്ട് പാടിക്കാനല്ലേ, കൊന്നാലും പറയൂല്ല: രമേശ്‌ പിഷാരടിയുടെ ‘സര്‍പ്രൈസ്’ പൊളിച്ച് സോഷ്യല്‍ മീഡിയ

Get the latest Malayalam news and Entertainment news here. You can also read all the Entertainment news by following us on Twitter, Facebook and Telegram.

Web Title: Ramesh pisharody dharmajan bolgatty bella ciao song video

Next Story
കുരുമുളക് പറിക്കാൻ മതിലിൽ കയറരുത്; അനുഭവപാഠവുമായി ജിപിGovind Padmasurya, Govind Padmasurya photos, Govind Padmasurya films, ഗോവിന്ദ് പത്മസൂര്യ, Indian express malayalam, IE Malayalam
The moderation of comments is automated and not cleared manually by malayalam.indianexpress.com
Best of Express