Latest News
സംസ്ഥാനത്ത് മേയ് എട്ടു മുതൽ 16 വരെ സമ്പൂർണ ലോക്ക്ഡൗൺ

ഉടമസ്ഥൻ വരുമോ എന്ന ഭയം വേണ്ട, ജാഗ്രത മതി; ബൈക്ക് പ്രേമികൾക്ക് പിഷാരടിയുടെ ഉപദേശം

വിവിധ മോഡലുകളിലുള്ള ബൈക്കുകൾക്ക് ഒപ്പം പോസ് ചെയ്യുന്ന ചിത്രം പങ്കുവയ്ക്കുകയാണ് രമേഷ് പിഷാരടി

Ramesh Pisharodi, Ramesh Pisharodi photos

തമാശകളുടെ ഹോൾസെയിൽ കടയാണ് നടനും സംവിധായകനും അവതാരകനും മിമിക്രിതാരവുമായ രമേഷ് പിഷാരടി. എന്തു പറയുമ്പോഴും അതിൽ ഇത്തിരി നർമം കൂടി കലർത്താൻ ഇഷ്ടപ്പെടുന്ന നടൻ. അതിനാലാവാം പിഷാരടിയുടെ സോഷ്യൽ മീഡിയ പോസ്റ്റുകളും ആരാധകർക്ക് എപ്പോഴും ആവേശമാണ്. എല്ലാ ചിത്രങ്ങൾക്കൊപ്പവും കാണും, ചിരിപ്പിക്കുന്നതോ ചിന്തിക്കുന്നതോ ആയ വേറിട്ടൊരു ക്യാപ്ഷൻ.

പിഷാരടി ഇൻസ്റ്റഗ്രാമിൽ പങ്കുവച്ച ഒരു പുതിയ ചിത്രമാണ് ഇപ്പോൾ ശ്രദ്ധ നേടുന്നത്. “ഉടമസ്ഥൻ വരുമോ എന്ന ഭയം വേണ്ട ജാഗ്രത മതി,” എന്ന ക്യാപ്ഷനോടെ ഒരു ഫോട്ടോ കൊളാഷാണ് പിഷാരടി പങ്കുവച്ചിരിക്കുന്നത്. വിവിധ മോഡലുകളിലുള്ള ബൈക്കുകൾക്ക് ഒപ്പം പോസ് ചെയ്യുകയാണ് പിഷാരടി.

മിമിക്രി വേദികളിൽ നിന്നായിരുന്നു രമേഷ് പിഷാരടിയുടെയും സിനിമാ അരങ്ങേറ്റം. സലിം കുമാറിന്റെ മിമിക്രി ട്രൂപ്പായ ‘കൊച്ചിൻ സ്റ്റാലിയൻസി’ൽ പ്രവർത്തിച്ച രമേഷ് പിഷാരടി ശ്രദ്ധ നേടുന്നത് ഏഷ്യാനെറ്റ് പ്ലസിൽ ധർമജൻ ബോൾഗാട്ടിയ്ക്ക് ഒപ്പം അവതരിപ്പിച്ച ‘ബ്ലഫ് മാസ്റ്റേഴ്സ്’ എന്ന ഹാസ്യപരിപാടിയിലൂടെയാണ്. സ്റ്റേജ് ഷോകളിലും ടെലിവിഷൻ പരിപാടികളിലും സജീവമായ താരം 2008-ൽ പുറത്തിറങ്ങിയ ‘പോസിറ്റീവ്’ എന്ന സിനിമയിലൂടെ അഭിനയത്തിലും അരങ്ങേറ്റം കുറിച്ചു.

2018 ൽ ‘പഞ്ചവർണ്ണതത്ത’ എന്ന ചിത്രത്തിലൂടെ സംവിധാനരംഗത്തും രമേഷ് പിഷാരടി തന്റെ കഴിവു തെളിയിച്ചു. മമ്മൂട്ടിയെ നായകനാക്കി ഇറങ്ങിയ ‘ഗാനഗന്ധർവ്വൻ’ ആണ് രമേഷ് പിഷാരടിയുടെ ഒടുവിൽ റിലീസിനെത്തിയ ചിത്രം.

Read more: ഇതെല്ലാം ഞങ്ങളുടെ നാട്ടിലെ മഹത് വചനങ്ങളാണ് സായിപ്പേ; ചിരിയുണർത്തി രമേഷ് പിഷാരടി

Get the latest Malayalam news and Entertainment news here. You can also read all the Entertainment news by following us on Twitter, Facebook and Telegram.

Web Title: Ramesh pisharody bike photos instagram

Next Story
ആത്മഹത്യാശ്രമം; നടി വിജയലക്ഷ്മി ആശുപത്രിയിൽvijayalakshmi, seeman, vijayalakshmi suicide attempt
The moderation of comments is automated and not cleared manually by malayalam.indianexpress.com