scorecardresearch
Latest News

ഇതാണ് നിങ്ങൾ ചോദിച്ച പാട്ട്; ‘ ശ്രീമാൻ ബ്രോ’യെ പരിചയപ്പെടുത്തി പിഷാരടി

“കാലമങ്ങനെ കിടക്കുകയല്ലേ കടലുമാതിരി, ചുമ്മാ നീന്ത് ബ്രോ….” വീണ്ടും വൈറലായി പിഷാരടിയുടെ പാട്ട്

Ramesh Pisharody, Ramesh Pisharody album song, Ramesh Pisharody sreeman bro, Ramesh Pisharody family, Ramesh Pisharody photos, Ramesh Pisharody instagram, രമേഷ് പിഷാരടി, Indian express malayalam, IE Malayalam

വർഷങ്ങൾക്കു ശേഷം ചില പാട്ടുകളും ആൽബങ്ങളുമെല്ലാം വീണ്ടും ഹിറ്റായി മാറാറുണ്ട്. അത്തരത്തിൽ ഒന്നാണ് രമേഷ് പിഷാരടി അഭിനയിച്ച ‘ശ്രീമാൻ ബ്രോ’ എന്ന ആൽബം. 2017ൽ റിലീസിനെത്തിയ ഈ ആൽബം വീണ്ടും ഇപ്പോൾ ജനശ്രദ്ധ നേടുകയാണ്.

“കാലമങ്ങനെ കിടക്കുകയല്ലേ കടലുമാതിരി, ചുമ്മാ നീന്ത് ബ്രോ….” എന്ന രസകരമായ വരികൾ വീണ്ടും സോഷ്യൽ മീഡിയ ഏറ്റെടുത്തു കഴിഞ്ഞു. നാലു വർഷം മുൻപ് താൻ അഭിനയിച്ച ‘ശ്രീമാൻ ബ്രോ’യെ പ്രേക്ഷകർക്ക് പരിചയപ്പെടുത്തിയിരിക്കുന്നത് പിഷാരടി തന്നെ.

“റീൽസ് കണ്ട് ഒരു പാട് പേർ ചോദിച്ച പാട്ട് ഇതാണ്. സംവിധാനം സഹീർ അബ്ബാസ്, ആലാപനം സമദ് സുലൈമാൻ, വരികൾ ഷെഫീക്ക് റഹ്‌മാൻ, എഡിറ്റിംഗ് ഡോൺ മാക്സ്, നിർമാണം : എസ്സാർ മീഡിയ. സിഗ്നേച്ചർ സ്റ്റൈപ്പ് അൽപ്പം പാടാണ്,” എന്ന അടിക്കുറിപ്പോടെയാണ് പിഷാരടി വീഡിയോ പങ്കുവച്ചിരിക്കുന്നത്.

കുമാറിന്റെ മിമിക്രി ട്രൂപ്പായ ‘കൊച്ചിൻ സ്റ്റാലിയൻസി’ൽ പ്രവർത്തിച്ച രമേഷ് പിഷാരടി ശ്രദ്ധ നേടുന്നത് ഏഷ്യാനെറ്റ് പ്ലസിൽ ധർമജൻ ബോൾഗാട്ടിക്കൊപ്പം അവതരിപ്പിച്ച ‘ബ്ലഫ് മാസ്റ്റേഴ്സ്’ എന്ന ഹാസ്യപരിപാടിയിലൂടെയാണ്. സ്റ്റേജ് ഷോകളിലും ടെലിവിഷൻ പരിപാടികളിലും സജീവമായ താരം 2008-ൽ പുറത്തിറങ്ങിയ ‘പോസിറ്റീവ്’ എന്ന സിനിമയിലൂടെ അഭിനയത്തിലും അരങ്ങേറ്റം കുറിച്ചു.

2018 ൽ ‘പഞ്ചവർണ്ണതത്ത’ എന്ന ചിത്രത്തിലൂടെ സംവിധാനരംഗത്തും രമേഷ് പിഷാരടി തന്റെ കഴിവു തെളിയിച്ചു. മമ്മൂട്ടിയെ നായകനാക്കി ഇറങ്ങിയ ‘ഗാനഗന്ധർവ്വൻ’ ആണ് രമേഷ് പിഷാരടിയുടെ ഒടുവിൽ റിലീസിനെത്തിയ ചിത്രം.

Read more: ‘മുകൾ’ രാജവംശത്തിൽ പെട്ടവരാണെന്നു തോന്നുന്നു; മകനൊപ്പമുള്ള ചിത്രവുമായി പിഷാരടി

Stay updated with the latest news headlines and all the latest Entertainment news download Indian Express Malayalam App.

Web Title: Ramesh pisharadi sreeman bro album song video