ഗാന്ധിയും നെഹ്‌റുവും മോദിയുമായി മാറിയ നടൻ!

മികച്ച നടനുള്ള ദേശീയ ചലച്ചിത്ര അവാർഡ് നേടിയ അഭിനേതാവാണ് ബോളിവുഡ് താരം രജിത് കപൂർ..

അഗ്നിസാക്ഷിയിലെ ഉണ്ണി എന്ന കഥാപാത്രമായിട്ടാണ് മലയാളികൾക്ക് രജിത് കപൂറിനെ പരിചയം. 25 വർഷങ്ങൾക്കു ശേഷം ഫാർമ എന്ന വെബ് സീരീസിലൂെ മലയാളത്തിലേക്ക് തിരികെ എത്തുകയാണ് രജിത് കപൂർ.

മഹാത്മാഗാന്ധി, ജവഹർലാൽ നെഹ്റു, പ്രധാനമന്ത്രി നരേന്ദ്ര മോദി എന്നിങ്ങനെ വൈവിധ്യമാർന്ന വ്യക്തിത്വങ്ങളെ വെള്ളിത്തിരയിൽ അവതരിപ്പിച്ച ചുരുക്കം ചില നടന്മാരിൽ ഒരാളാണ് രജിത് കപൂർ. ഒരുപക്ഷേ, ഈ മൂന്നുപേരെയും വെള്ളിത്തിരയിൽ അവതരിപ്പിച്ച മറ്റൊരു നടൻ വേറെ കാണില്ല.

ശ്യാം ബെനഗലിന്റെ 1996-ലെ 'ദി മേക്കിംഗ് ഓഫ് ദി മഹാത്മ' എന്ന ചിത്രത്തിൽ ഗാന്ധിജിയായാണ് രജിത് കപൂർ എത്തിയത്.

'ദി ഗാന്ധി മർഡറിൽ' മുൻ പ്രധാനമന്ത്രി ജവഹർലാൽ നെഹ്റുവിന്റെ വേഷത്തിലാണ് രജിത്​ എത്തിയത്.

'ഉറി: ദി സർജിക്കൽ സ്ട്രൈക്കിൽ' പ്രധാനമന്ത്രി നരേന്ദ്രമോദിയെ അവതരിപ്പിച്ചതും രജിത് ആയിരുന്നു.

താൻ അവതരിപ്പിച്ച ഈ വ്യക്തിത്വങ്ങളെല്ലാം എന്തിനുവേണ്ടി നിലകൊണ്ടോ അതിനോട് സത്യസന്ധത പുലർത്താൻ ശ്രമിച്ചിരുന്നു താനെന്നാണ് രജിത് പറയുന്നത്. "ഏറ്റവും പ്രധാനപ്പെട്ട കാര്യം അവരുടെ കാതൽ കണ്ടെത്തുക എന്നതാണ്. 'ദി മേക്കിംഗ് ഓഫ് ദി മഹാത്മ'-യുടെ സംവിധായകൻ 'എന്റെ സത്യാന്വേഷണ പരീക്ഷണങ്ങൾ' എന്ന പുസ്തകത്തെ ഞാൻ ഉൾക്കൊള്ളണമെന്ന് ആഗ്രഹിച്ചു. അദ്ദേഹത്തിന്റെ ആന്തരിക സംഘർഷം സ്വാംശീകരിക്കേണ്ടത് പ്രധാനമായിരുന്നു. ഞാൻ അതുതന്നെ ചെയ്തു," രജിത്​ കപൂർ പറഞ്ഞു.

1996-ൽ പുറത്തിറങ്ങിയ ദി മേക്കിംഗ് ഓഫ് ദി മഹാത്മാ എന്ന ചിത്രത്തിലെ മഹാത്മാഗാന്ധിയുടെ വേഷത്തിലൂടെയാണ് രജിത് കപൂർ ശ്രദ്ധ നേടിയത്. മികച്ച നടനുള്ള ദേശീയ ചലച്ചിത്ര അവാർഡും ഈ വേഷത്തിനു ലഭിച്ചു.

ശ്യാം ബെനഗൽ സംവിധാനം ചെയ്ത സൂരജ് കാ സത്വൻ ഘോഡ (1992) ആയിരുന്നു അദ്ദേഹത്തിന്റെ ആദ്യ ചിത്രം .