അമ്പോ! എന്തൊരഴക്; രജിഷയുടെ സ്റ്റൈലിഷ് ലുക്കിന് കയ്യടിച്ച് ആരാധകർ

മലയാളത്തിന്റെ പ്രിയപ്പെട്ട നായികയാണ് രജിഷ വിജയൻ. ആദ്യചിത്രത്തിലൂടെ തന്നെ സംസ്ഥാനപുരസ്കാരം കരസ്ഥമാക്കിയ നായിക. മലയാളത്തിനു പുറമെ തമിഴ്, തെലുങ്ക് ഭാഷാചിത്രങ്ങളിലും തന്റെ സാന്നിധ്യം അറിയിച്ചിട്ടുണ്ട് രജിഷ.

സോഷ്യൽ മീഡിയയിലും വളരെ സജീവമായ രജിഷ ഇടയ്ക്ക് തന്റെ ഫോട്ടോഷൂട്ട് ചിത്രങ്ങൾ പങ്കിടാറുണ്ട്. രജിഷയുടെ പുതിയ ഫോട്ടോഷൂട്ട് ചിത്രങ്ങളാണ് ഇപ്പോൾ ശ്രദ്ധ നേടുന്നത്. ട്രെഡീഷണൽ സ്റ്റൈലും മോഡേൺ സ്റ്റൈലും ഒത്തുചേരുന്ന മനോഹരമായൊരു ഡ്രസ്സാണ് രജിഷയുടെ വേഷം.

'അനുരാഗ കരിക്കിൻ വെള്ളം' എന്ന മലയാള ചിത്രത്തിലൂടെയാണ് രജിഷ വിജയൻ്റെ അഭിനയത്തിലേയ്ക്കുള്ള അരങ്ങേറ്റം. 2016ലെ മികച്ച നടിക്കുള്ള കേരള സംസ്ഥാന ചലച്ചിത്ര അവാർഡും ഇതേ സിനിമക്ക് രജിഷ സ്വന്തമാക്കി.

2019ൽ റിലീസ് ചെയ്ത 'ജൂണി'ലെ ടൈറ്റിൽ റോളിലൂടെ രജിഷ ആരാധക മനസ്സിൽ ഇടംനേടി.   മലയാളത്തിന് പുറമെ തമിഴ് സിനിമയിലും താരം ശ്രദ്ധേയമായ സാന്നിധ്യം അറിയിച്ചിട്ടുണ്ട്. ധനുഷിൻ്റെ കൂടെ അഭിനയിച്ച 'കർണ്ണൻ', കാർത്തിയുടെ 'സർദാർ' തുടങ്ങിയ ചിത്രങ്ങളിലെ പ്രകടനം തെന്നിന്ത്യൻ പ്രേക്ഷകരുടെ ഇടയിലും രജിഷയ്ക്ക് ആരാധകരെ നേടിക്കൊടുത്തു.  ശരത് മന്ദവന സംവിധാനം ചെയ്യുന്ന 'രാമറാവു ഓൺ ഡ്യൂട്ടി' എന്ന ചിത്രത്തിലൂടെയാണ് രജിഷയുടെ തെലുങ്ക് സിനിമാലോകത്തേക്കുള്ള അരങ്ങേറ്റം.

മാരി സെൽവരാജ് സംവിധാനം ചെയ്യുന്ന 'ബൈസൺ' ആണ് രജിഷയുടേതായി ഒടുവിൽ തിയേറ്ററുകളിലെത്തിയ ചിത്രം. ചിത്രത്തിൽ ധ്രുവിന്റെ സഹോദരിയുടെ വേഷത്തിലാണ് രജിഷ എത്തിയത്.  അതേസമയം, രജിഷ അഭിനയിച്ച മമ്മൂട്ടി ചിത്രം കളങ്കാവൽ നാളെ തിയേറ്ററുകളിലേക്ക് എത്തുകയാണ്.