Latest News

ലബോർഗിനിയും തലൈവരും മാസ്കും; ചിത്രങ്ങൾ വൈറൽ

മകൾ സൗന്ദര്യയുടെ കുടുംബത്തിനൊപ്പമുള്ള രജിനികാന്തിന്റെ ചിത്രങ്ങളും വൈറലാവുകയാണ്

rajinikanth, rajinikanth viral photo, rajinikanth lamborhini, rajinikanth car, what car does rajinikanth drive, rajinikanth latest

കോവിഡ് കാലത്ത് മാസ്ക് അണിഞ്ഞ് തന്റെ ലബോർഗിനിയിൽ പോവുന്ന രജനീകാന്തിന്റെ ചിത്രങ്ങളാണ് ഇപ്പോൾ ആരാധകർക്കിടയിൽ തരംഗമായി കൊണ്ടിരിക്കുന്നത്. സുരക്ഷാമാനദണ്ഡങ്ങൾ പാലിക്കുന്നതിനും മാസ്ക് അണിഞ്ഞതിനും താരത്തെ അഭിനന്ദിക്കുകയാണ് ആരാധകർ.

മകൾ സൗന്ദര്യയ്ക്കും മരുമകനും പേരക്കുട്ടിയ്ക്കുമൊപ്പം നിൽക്കുന്ന രജനീകാന്തിന്റെ മറ്റൊരു ചിത്രവും സമൂഹമാധ്യമങ്ങളിൽ പ്രചരിക്കുന്നുണ്ട്.

ലോക്ക്‌ഡൗൺ കാലം കുടുംബത്തിനൊപ്പം പോയസ് ഗാർഡനിലെ വീട്ടിൽ ചെലവഴിക്കുകയാണ് തമിഴകത്തിന്റെ സ്വന്തം തലൈവർ. സിരുത്തൈ ശിവ സംവിധാനം ചെയ്യുന്ന ‘അണ്ണാത്തെ’യാണ് രജനീകാന്തിന്റെ അടുത്ത ചിത്രം. അറുപതു ശതമാനത്തോളം സീനുകൾ പൂർത്തിയാക്കിയപ്പോഴാണ് ലോക്ക്‌ഡൗൺ കാരണം ചിത്രീകരണം നിർത്തിവച്ചത്. രജനികാന്തിന്റെ സൂപ്പര്‍ഹിറ്റ് ചിത്രങ്ങളായ ‘പടയപ്പ’യും ‘അരുണാചല’വും പോലെ ആക്ഷനും പ്രാധാന്യം നല്‍കിക്കൊണ്ടുള്ള കുടുംബചിത്രമായിരിക്കും ഇതെന്നാണ് സൂചനകള്‍.

ഫാമിലി എന്റർടെയിനറായ ചിത്രത്തിൽ കീർത്തി സുരേഷ്, നയൻതാര, ഖുശ്ബു, സൂരി, പ്രകാശ് രാജ്, സിദ്ധാർത്ഥ് എന്നിവരും അഭിനയിക്കുന്നുണ്ട്. ദര്‍ബാറിന് ശേഷം നയന്‍താര വീണ്ടും രജനിയുടെ നായികയായെത്തുന്നു എന്ന പ്രത്യേകതയും ചിത്രത്തിനുണ്ട്. വെട്രി പളനിസാമിയാണ് ചിത്രത്തിന്റെ ഛായാഗ്രാഹണം നിര്‍വഹിക്കുന്നത്. സംഗീത സംവിധാനം ഡി ഇമ്മന്‍.

Read more: 100 രൂപ അഡ്വാൻസ് ചോദിച്ചിട്ട് തന്നില്ല, കാറിൽ കയറ്റില്ല, മുൻകാല അനുഭവം പങ്കുവച്ച് രജനീകാന്ത്; വീഡിയോ

Get the latest Malayalam news and Entertainment news here. You can also read all the Entertainment news by following us on Twitter, Facebook and Telegram.

Web Title: Rajinikanth wearing mask lamborghini urus photos viral

The moderation of comments is automated and not cleared manually by malayalam.indianexpress.com