Petta movie review and release LIVE UPDATES: തലൈവർ ചിത്രം ‘പേട്ട’യ്ക്ക് വൻവരവേൽപ്പു നൽകി സ്വീകരിക്കുകയാണ് സ്റ്റൈൽമന്നന്റെ ആരാധകൻ. ‘2.0’ന്റെ വിജയത്തിനു ശേഷം തിയേറ്ററുകളിലെത്തിയ രജനീകാന്ത് ചിത്രമെന്ന രീതിയിൽ ഏറെ നാളായി ആരാധകർ ആവേശത്തോടെ കാത്തിരിക്കുന്ന രജനീചിത്രം കൂടിയാണ് ‘പേട്ട’. ഇന്ന് രാവിലെ തിയേറ്ററുകളിലെത്തിയ ചിത്രത്തിന് മികച്ച പ്രതികരണമാണ് ലഭിച്ചു കൊണ്ടിരിക്കുന്നത്. പടക്കം പൊട്ടിച്ചും ആർത്തുല്ലസിച്ചുമൊക്കെയാണ് ആരാധകർ തലൈവർ ചിത്രത്തിന് വരവേൽപ്പു നൽകിയിരിക്കുന്നത്.

നൂറുശതമാനം എന്റർടെയിൻമെന്റായ രീതിയിൽ ഒരുക്കിയ രജനീകാന്ത് ചിത്രമാണ് ‘പേട്ട’ എന്നാണ് ചിത്രത്തിന് ആദ്യം കിട്ടുന്ന പ്രതികരണം. രജനീകാന്തിന്റെ ‘ബാഷ’യെ ഓർമ്മിപ്പിക്കുന്നു ‘പേട്ട’ എന്നും ആരാധകർ അഭിപ്രായപ്പെടുന്നു.

Read more: സ്റ്റൈലിഷ് ലുക്കിൽ രജനീകാന്ത്, കൊലച്ചിരിയുമായി വിജയ് സേതുപതി; ‘പേട്ട’ ട്രെയിലർ

കാർത്തിക് ശുഭരാജ് സംവിധാനം ചെയ്ത ‘പേട്ട’യിൽ വിജയ് സേതുപതി, സിമ്രാൻ, തൃഷ, നവാസുദ്ദീൻ സിദ്ദീഖി, ബോബി സിൻഹ തുടങ്ങി വൻതാരനിര തന്നെയുണ്ട്. അനിരുദ്ധ് രവിചന്ദർ ആണ് സംഗീത സംവിധായകൻ. ‘കബാലി’, ‘കാല’ എന്നിവയിൽ നിന്നും വ്യത്യസ്തമായി ഒരു ടിപ്പിക്കൽ രജനീകാന്ത് ചിത്രം എന്ന രീതിയിലാണ് ‘പേട്ട’ അണിയിച്ചൊരുക്കിയിരിക്കുന്നത്. 24 വർഷങ്ങൾക്കു ശേഷം പൊങ്കൽ ദിനത്തിൽ റിലീസ് ആവുന്ന രജനീകാന്ത് ചിത്രം എന്ന പ്രത്യേകതയും ‘പേട്ട’യ്ക്കുണ്ട്.

Get Malayalam News and latest news update from India and around the world. Stay updated with today's latest Entertainment news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ