36ലും ഇരുപതുകാരിയെ പോലെ; ഹോട്ട് ലുക്കിൽ ലക്ഷ്മി റായ്

മലയാളികൾക്കും തെന്നിന്ത്യൻ പ്രേക്ഷകർക്കും ഒരുപോലെ സുപരിചിതയായ നായികയാണ് ലക്ഷ്മി റായ്. അടുത്തിടെ, നടി ന്യൂമറോളജി പ്രകാരം പേരിൽ മാറ്റം വരുത്തിയിരുന്നു. റായ് ലക്ഷ്മി എന്നാണ് പുതിയ പേര്.

പ്രായം 36 വയസ്സിൽ എത്തിനിൽക്കുമ്പോഴും ലുക്കിൽ ഇരുപതുകാരിയുടെ പ്രസരിപ്പും ചെറുപ്പവും നിലനിർത്തുകയാണ് ലക്ഷ്മി റായ്.

മാലിദ്വീപിലേക്ക് നടത്തിയ വെക്കേഷൻ ട്രിപ്പിൽ നിന്നുള്ള ചിത്രങ്ങളാണ് നടി ഇപ്പോൾ പങ്കിട്ടിരിക്കുന്നത്.

റെഡ് ബാക്ക് ലെസ്സ് ഗൗണിൽ തിളങ്ങുന്ന ലക്ഷ്മിയെ ആണ് ചിത്രങ്ങളിൽ കാണാനാവുക.

പേരിൽ മാത്രമല്ല, ശരീരഭാരം കുറച്ചും ലക്ഷ്മി റായ് ആരാധകരെ അമ്പരപ്പിക്കുകയാണ്. ബോളിവുഡ് ചിത്രമായ 'ജൂലി 2'വിനു വേണ്ടിയായിരുന്നു താരം ആദ്യം ശരീരഭാരം കുറച്ച് വൻ മേക്കോവർ നടത്തിയത്. ആ മേക്കോവർ ലുക്ക് പിന്നീടങ്ങോട്ട് പരിപാലിച്ചുകൊണ്ടുപോവുകയായിരുന്നു താരം. ഇപ്പോൾ മെലിഞ്ഞു കൂടുതൽ ചെറുപ്പമായ റായ് ലക്ഷ്മിയെ ആണ് കാണാനാവുക.

2005ൽ ‘കർക കസദര’ എന്ന തമിഴ് ചിത്രത്തിലൂടെയാണ്ണ് ലക്ഷ്മി റായ് അഭിനയരംഗത്തേക്ക് എത്തുന്നത്. 'റോക്ക് ആൻഡ് റോൾ' ആയിരുന്നു ലക്ഷ്മിയുടെ മലയാളത്തിലെ അരങ്ങേറ്റ ചിത്രം.

അണ്ണൻ തമ്പി, ടു ഹരിഹർ നഗർ , ചട്ടമ്പിനാട്, ഇവിടം സ്വർഗ്ഗമാണ്, പരുന്ത്, മേക്കപ്പ് മാൻ, ക്രിസ്‌ത്യൻബ്രദേഴ്‌, അറബീം ഒട്ടകോം പി. മാധവൻ നായരും, രാജാധിരാജ എന്നിവയാണ് ലക്ഷ്മിയുടെ ശ്രദ്ധേയ മലയാളം ചിത്രങ്ങൾ.

മലയാളത്തിൽ മമ്മൂട്ടിയുടെയും മോഹൻലാലിന്റെയും നായികയായാണ് ലക്ഷ്മി കൂടുതലും അഭിനയിച്ചത്.

സൂപ്പർതാരങ്ങളുടെ നായികാ ലേബൽ അധികം വൈകാതെ തന്നെ മലയാളത്തിലെ ഒന്നാംനിര നായികമാരുടെ പദവിയിലേക്ക് ലക്ഷ്മിയെ ഉയർത്തി. മലയാളം, തമിഴ്, തെലുങ്ക്, കന്നട, ഹിന്ദി ഭാഷകളിലായി ഇതിനകം അമ്പതോളം ചിത്രങ്ങളിൽ ലക്ഷ്മി അഭിനയിച്ചിട്ടുണ്ട്.