ജോയ് താക്കോൽക്കാരനും ഗഡികളും നവംബർ 17ന് എത്തും

എറണാകുളം: ജയസൂര്യ നായകനായി എത്തുന്ന പുണ്യാളൻ​ പ്രവൈറ്റ് ലിമിറ്റഡിന്റെ റിലീസ് തിയ്യതി പ്രഖ്യാപിച്ചു. നവംമ്പർ 17 നായിരിക്കും ചിത്രം തിയറ്ററുകളിൽ എത്തുക. ചിത്രത്തിന് U സർട്ടിഫിക്കറ്റ് ലഭിച്ചിരുന്നു. പുണ്യാളൻ അഗർബത്തീസിലെ താരങ്ങളോടൊപ്പം ധർമ്മജൻ, വിജയരാഘവൻ തുടങ്ങിയവർ ശ്രദ്ധേയമായ വേഷങ്ങളിൽ എത്തുന്നുണ്ട്. ചിത്രത്തിന്റെ രചന നിർവഹിച്ചതും രഞ്ജിത്ത് ശങ്കർ ആയിരുന്നു.

2013ലാണ് പുണ്യാളൻ അഗർബത്തീസ് പുറത്തിറങ്ങിയത് . ജയസൂര്യയെ കൂടാതെ നൈല ഉഷ,അജു വർഗീസ്, രചന നാരായണൻകുട്ടി, ഇന്നസെന്റ് എന്നിവരായിരുന്നു മറ്റു പ്രധാന വേഷത്തിലെത്തിയത്. ജയസൂര്യയും രഞ്ജിത്ത് ശങ്കറും ചേർന്നായിരുന്നു ചിത്രം നിർമ്മിച്ചത്. പുണ്യാളൻ അഗർബത്തീസ്, സു സു സുധി വാത്മീകം, പ്രേതം എന്നീ ചിത്രങ്ങള്‍ക്ക് ശേഷം ഇരുവരും ഒന്നിക്കുന്ന ചിത്രം കൂടിയാണിത്.