നിർമ്മാതാവ് ജയ്‌സൻ എളങ്ങുളം കൊച്ചിയിലെ ഫ്ലാറ്റില്‍ മരിച്ച നിലയിൽ കണ്ടെത്തി.പനമ്പള്ളി നഗർ സൗത്ത് യുവജന സമാജം റോഡിൽ ജയിൻ വുഡ് ഫോർഡ് അപ്പാർട്ട്മെന്റ്, 5 ഡിയിൽ കിടപ്പുമുറിയിൽ തറയിൽ മരിച്ച നിലയിലാണ് മൃതദേഹം കണ്ടെത്തിയത്. ജമ്നപ്യാരി, ശൃഗാരവേലൻ, ലവകുശ, ഓർമ്മയുണ്ടൊ ഈ മുഖം എന്നീ ചിത്രങ്ങൾ നിർമ്മിച്ചിട്ടുണ്ട്.
കേരള ഫിലിം പ്രൊഡ്യൂസേഴ്സ് അസോസിയേഷൻ അംഗത്വമുള്ളയാളാണ്. ആർജെ ക്രിയേഷൻസ് എന്ന ഫിലിം പ്രൊഡ്യൂസർ ഉടമയാണ്. ഭാര്യ റുബീന, മകൾ പുണ്യ. ഇരുവരും വിദേശത്താണ്. പ്രിയ സുഹൃത്തിന് ആദരാഞ്ജലി അർപ്പിച്ച് നടൻ കുഞ്ചാക്കോ ബോബൻ പോസ്റ്റ് പങ്കുവച്ചിട്ടുണ്ട്.
