scorecardresearch
Latest News

ജയലളിതയുടെ ജീവിതകഥ: പ്രിയാമണി ശശികലയാകും

കങ്കണ റണാവത്താണ് ചിത്രത്തില്‍ ജയലളിതയുടെ വേഷത്തിലെത്തുന്നത്

ജയലളിതയുടെ ജീവിതകഥ: പ്രിയാമണി ശശികലയാകും

തമിഴ്‌നാട് മുന്‍ മുഖ്യമന്ത്രി ജയലളിതയുടെ ജീവിതകഥ പറയുന്ന ‘തലൈവി’ എന്ന ചിത്രത്തിൽ ശശികലയുടെ വേഷത്തിലെത്തുക പ്രിയാമണി. സിനിമയിൽ അഭിനയിക്കാൻ പ്രിയാമണി സമ്മതംമൂളിയതായാണ് റിപ്പോർട്ടുകൾ. സിനിമയുടെ രണ്ടാം പകുതിയിൽ വളരെ പ്രധാനപ്പെട്ട രംഗങ്ങളായിരിക്കും പ്രിയാമണിക്ക് ഉണ്ടാകുക എന്നും സൂചനയുണ്ട്. ഇക്കാര്യത്തിൽ സ്ഥിരീകരണമായിട്ടില്ല.

ശശികല

കങ്കണ റണാവത്താണ് ചിത്രത്തില്‍ ജയലളിതയുടെ വേഷത്തിലെത്തുന്നത്. വിവാഹശേഷം സിനിമയിൽ നിന്ന് വിട്ടുനിൽക്കുകയായിരുന്നു പ്രിയാമണി. ഫാമിലി മൻ എന്ന വെബ് സീരിസിലൂടെ പ്രിയാമണി വീണ്ടും അഭിനയ രംഗത്ത് ഇപ്പോൾ സജീവമായിട്ടുണ്ട്. തലെെവിയിൽ അഭിനയിക്കാൻ പ്രിയാമണി ഡേറ്റ് നൽകിയതായാണ് റിപ്പോർട്ട്.

Read Also: ‘തലൈവി’യായി കങ്കണ; ഫസ്റ്റ് ലുക്ക് പുറത്ത്

തമിഴിലും ഹിന്ദിയിലുമായി ഒരുങ്ങുന്ന ജയലളിതയുടെ ജീവചരിത്രസിനിമയ്ക്കായി 24 കോടി രൂപയാണ് കങ്കണയുടെ പ്രതിഫലമെന്നാണ് ബോളിവുഡിൽ നിന്നും വരുന്ന വാർത്ത. ‘തലൈവി’ എന്ന പേരിൽ തമിഴിലും ‘ജയ’ എന്ന പേരിൽ ഹിന്ദിയിലുമായി ഒരുങ്ങുന്ന ചിത്രത്തിന്റെ സംവിധായകൻ എ എൽ വിജയ് ആണ്.

‘തലൈവി’ എന്ന ഈ ചിത്രം നൂറുശതമാനവും ജയലളിതയുടെ ജീവിതത്തെ ആസ്പദമാക്കിയൊരുക്കുന്നതാണെന്നും അതിനായി ജയലളിതയുടെ അനന്തരവൻ ദീപകിൽ നിന്നും തങ്ങൾ എൻഒസി സർട്ടിഫിക്കറ്റ് കൈപ്പറ്റിയിട്ടുണ്ടെന്നും അണിയറപ്രവർത്തകർ പറയുന്നു.

‘ബാഹുബലി’, ‘മണികർണിക’, ‘ഭജരംഗി ഭായിജാന്‍’ എന്നിവയ്ക്ക് തിരക്കഥയൊരുക്കിയ കെവി വിജയേന്ദ്ര പ്രസാദ് ആണ് ചിത്രത്തിന്റെ തിരക്കഥ ഒരുക്കുന്നത്. വൈബ്രി, കർമ്മ മീഡിയ എന്നിവയുടെ ബാനറിൽ വിഷ്ണു വർധൻ ഇന്ദൂരി, ശൈലേഷ് ആർ സിംഗ് എന്നിവർ ചേർന്നാണ് ചിത്രം നിർമ്മിക്കുന്നത്. നീരവ് ഷാ ഛായാഗ്രഹണവും ജി വി പ്രകാശ് സംഗീതവും നിർവ്വഹിക്കും. മദൻ കർകിയാണ് ഗാനങ്ങൾ ഒരുക്കുന്നത്.

Stay updated with the latest news headlines and all the latest Entertainment news download Indian Express Malayalam App.

Web Title: Priyamani to play sasikala in jayalalithaa biopic thalaivi