കുഞ്ഞനുജത്തി നസ്രിയയ്ക്ക് ചേട്ടൻ പൃഥ്വിയുടെ പിറന്നാൾ ആശംസ

നസ്രിയയെ പരിചയപ്പെട്ടതുമുതൽ ഇതുപോലൊരു കുഞ്ഞനുജത്തിയെ വേണമെന്ന ആഗ്രഹമാണ് മനസ്സ് നിറയെ ഉണ്ടായിരുന്നത്

ഫഹദ് ഫാസിലുമായുളള വിവാഹശേഷം സിനിമയിൽനിന്നും വിട്ടുനിന്ന നസ്രിയ മലയാള സിനിമയിലേക്ക് മടങ്ങിവരികയാണ്. അഞ്ജലി മേനോന്റെ ചിത്രത്തിലൂടെയാണ് നസ്രിയയുടെ തിരിച്ചുവരവ്. പൃഥ്വിരാജാണ് ചിത്രത്തിലെ നായകൻ. ചിത്രത്തിൽ പൃഥ്വിയുടെ അനുജത്തിയുടെ വേഷമാണ് നസ്രിയയ്ക്ക്. പാർവതിയും മറ്റൊരു പ്രധാന വേഷത്തിലുണ്ട്. നസ്രിയയുടെ 22-ാം പിറന്നാളാണ് ഇന്ന്. തന്റെ കുഞ്ഞനുജത്തിക്ക് പൃഥ്വിരാജ് ഫെയ്സ്ബുക്കിലൂടെ ആശംസകൾ നേർന്നിട്ടുണ്ട്.

നസ്രിയ എനിക്ക് കുഞ്ഞനുജത്തിയെപ്പോലെയാണെന്നും നസ്രിയയെ പരിചയപ്പെട്ടതുമുതൽ ഇതുപോലൊരു കുഞ്ഞനുജത്തിയെ വേണമെന്ന ആഗ്രഹമാണ് മനസ്സ് നിറയെ ഉണ്ടായിരുന്നതെന്നും ഒരു അഭിമുഖത്തിൽ പൃഥ്വിരാജ് പറഞ്ഞിരുന്നു. നസ്രിയയെ കുഞ്ഞനുജത്തി എന്നു വിളിച്ചുതന്നെയാണ് പൃഥ്വി പിറന്നാൾ ആശംസ നേർന്നിരിക്കുന്നതും.

2014 ഓഗസ്റ്റ് 21നായിരുന്നു ഫഹദ്- നസ്റിയ വിവാഹം. കരിയറിൽ തിളങ്ങിനിൽക്കുന്ന സമയത്താണ് നസ്റിയ ഫഹദിനെ വിവാഹം കഴിക്കുന്നത്. വിവാഹത്തോടെ സിനിമയിൽനിന്നും വിട്ടുനിന്നു. ദുൽഖർ സൽമാൻ നായകനായ ബാംഗ്ലൂർ ഡെയിസിലാണ് നസ്രിയ അവസാനമായി അഭിനയിച്ചത്. ചിത്രം വമ്പൻ വിജയമായിരുന്നു. അഞ്ജലി മേനോൻ തന്നെയാണ് ഈ ചിത്രം സംവിധാനം ചെയ്തതും.

Get the latest Malayalam news and Entertainment news here. You can also read all the Entertainment news by following us on Twitter, Facebook and Telegram.

Web Title: Prithviraj wish happy birthday to nazriya nazim

Next Story
ഇങ്ങനെയും സൂപ്പര്‍ സ്റ്റാറുകള്‍ ഉണ്ട് സര്‍, വിമര്‍ശിച്ചാലും അവള്‍ക്കൊപ്പം നില്‍ക്കുന്നവര്‍meryl streep
The moderation of comments is automated and not cleared manually by malayalam.indianexpress.com