Latest News

ചരിത്രം കടംവീട്ടുന്നു; ആഷിഖ് അബുവും പൃഥ്വിരാജും ഒന്നിക്കുന്ന ‘വാരിയംകുന്നൻ’

മലബാർ കലാപത്തിൽ ഖിലാഫത്ത് പ്രസ്ഥാനത്തിന്റെ മുൻനിരയിൽ നിന്ന് ബ്രിട്ടീഷുകാർക്കെതിരെ പോരാടിയ നേതാവായിരുന്നു വാരിയം കുന്നത്ത് കുഞ്ഞഹമ്മദ് ഹാജി

Prithviraj, പൃഥ്വിരാജ്, Aashiq Abu, ആഷിഖ് അബു, vaariyamkunnan, വാരിയംകുന്നൻ, prithviraj ties up with aashiq abu, പൃഥ്വിരാജും ആഷിഖ് അബുവും കൈകോർക്കുന്നു, iemalayalam, ഐഇ മലയാളം

പൃഥ്വിരാജും ആഷിഖ് അബുവും കൈകോർക്കുന്നു. ബ്രിട്ടീഷ് സ്വാമ്രാജ്യത്തിനെതിരെ യുദ്ധം ചെയ്ത് ‘മലയാളരാജ്യം’ എന്ന സ്വതന്ത്ര രാഷ്ട്രം സ്ഥാപിച്ച വാരിയം കുന്നത്ത്‌ കുഞ്ഞഹമ്മദ് ഹാജിയുടെ ചരിത്രം ‘വാരിയംകുന്നൻ’ എന്ന പേരിൽ ആഷിഖ് അബു ഒരുക്കുമ്പോൾ നായകനായി എത്തുന്നത് പൃഥ്വിരാജാണ്. ഇക്കാര്യം പൃഥ്വി തന്നെയാണ് സോഷ്യൽ മീഡിയയിലൂടെ അറിയിച്ചത്. 2021ൽ സിനിമയുടെ ചിത്രീകരണം ആരംഭിക്കും.

 

View this post on Instagram

 

ലോകത്തിന്റെ നാലിലൊന്ന് ഭാഗവും അടക്കി ഭരിച്ചിരുന്ന ബ്രിട്ടീഷ് സ്വാമ്രാജ്യത്തിനെതിരെ യുദ്ധം ചെയ്ത് ‘മലയാളരാജ്യം’ എന്ന സ്വതന്ത്ര രാഷ്ട്രം സ്ഥാപിച്ച വാരിയംകുന്നത്ത്‌ കുഞ്ഞഹമ്മദ് ഹാജിയുടെ ചരിത്രം ഞങ്ങൾ സിനിമയാക്കുന്നു. ആസൂത്രിതമായി മറവിയിലേക്ക് തള്ളപ്പെട്ട മലബാർ വിപ്ലവ ചരിത്രത്തിന്റെ നൂറാം വാർഷികത്തിൽ (2021) ചിത്രീകരണം ആരംഭിക്കുന്നു. He stood up against an empire that ruled a quarter of the world. Etched out his own country with an army that waged a never before war against the British. Though history was burned and buried, the legend lived on! The legend of a leader, a soldier, a patriot. A film on the man who became the face of the 1921 Malabar revolution. #Vaariyamkunnan. Filming begins in 2021. On the 100th anniversary. #1921 #MalabarRevolution #1921Revolution #CompassMovies #OPMcinemas @Vaariyamkunnan

A post shared by Prithviraj Sukumaran (@therealprithvi) on

ബ്രിട്ടീഷ് വാഴ്ചക്കെതിരെ പൊരുതിയ ഖിലാഫത്ത് നേതാവായിരുന്നു വാരിയൻ കുന്നത്ത് കുഞ്ഞഹമ്മദ് ഹാജി. മലബാർ കലാപത്തിൽ ഖിലാഫത്ത് പ്രസ്ഥാനത്തിന്റെ മുൻനിരയിൽ നിന്ന് ബ്രിട്ടീഷുകാർക്കെതിരെ പോരാടിയ ആലി മുസ്‌ലിയാരുടെ സന്തത സഹചാരിയും, ശിഷ്യനുമായിരുന്നു അദ്ദേഹം. 90 വർഷത്തെ ബ്രിട്ടീഷ് രാജ് ഭരണത്തിൽ നേതാജി സുഭാഷ് ചന്ദ്രബോസിനെപ്പോലെ ഒരു സമാന്തരഭരണകൂടം സ്ഥാപിക്കാൻ സാധിച്ച ഇന്ത്യൻ സ്വാതന്ത്ര്യസമര സേനാനി ആയിരുന്നു വാരിയൻ കുന്നത്ത്. ബ്രിട്ടീഷ് സൈന്യത്തിനെതിരെ 75,000ത്തോളം വരുന്ന ഒരു വലിയ സന്നദ്ധ ഭടന്മാരെ കൂടെ നിർത്തിയാണ് തന്റെ സമാന്തരഭരണകൂടം സ്ഥാപിച്ചത്.

 

View this post on Instagram

 

#TeamVaariyamkunnan

A post shared by Aashiq Abu (@aashiqabu) on

ആഷിക് അബുവിന്റെ സിനിമകളോടുള്ള തന്റെ പ്രണയത്തെക്കുറിച്ച് നടൻ പൃഥ്വിരാജ് ഒരു ടിവി ചാനലിന് നൽകിയ അഭിമുഖത്തിൽ തുറന്നു പറഞ്ഞിരുന്നു. ആഷിക്കുമായി രണ്ട് സിനിമകൾ ചർച്ച ചെയ്തിരുന്നുവെന്നും അത് മറ്റൊരു പ്രോജക്റ്റ് കാരണം നടപ്പായില്ലെന്നും പൃഥ്വി വ്യക്തമാക്കിയിരുന്നു.

“ആഷിക് അബു വ്യവസ്ഥിതികൾക്കൊപ്പം പോകുന്ന ഒരു സംവിധായകനല്ല. എനിക്ക് അദ്ദേഹത്തിന്റെ സിനിമകൾ ഇഷ്ടമാണ്. എനിക്ക് ‘മായാനാദി’ ഇഷ്ടമാണ്. അതൊരു മികച്ച സിനിമയാണ്. ഞങ്ങൾ രണ്ട് സിനിമകൾ ചർച്ച ചെയ്തു. നിർഭാഗ്യവശാൽ, അത് സംഭവിച്ചില്ല,” പൃഥ്വി പറഞ്ഞു.

Get the latest Malayalam news and Entertainment news here. You can also read all the Entertainment news by following us on Twitter, Facebook and Telegram.

Web Title: Prithviraj ties up with aashiq abu for vaariyamkunnan

The moderation of comments is automated and not cleared manually by malayalam.indianexpress.com