പാത്തുവും നാച്ചുവും പിന്നെ ഞാനും: മക്കൾക്കൊപ്പമുള്ള ചിത്രങ്ങളുമായി പൂർണിമ

അഭിനേത്രി എന്നതിന് പുറമെ ഫാഷൻ ഡിസൈനർ എന്ന നിലയിൽ കൂടി ശ്രദ്ധ നേടിയ വ്യക്തിയാണ് പൂർണിമ ഇന്ദ്രജിത്ത്.

മകൾ പ്രാർത്ഥനയ്ക്കും നക്ഷത്രയ്ക്കും അമ്മയെന്നതിലുപരി നല്ലൊരു സുഹൃത്തുകൂടിയാണ് പൂർണിമ.

മക്കൾക്കൊപ്പമുള്ള ചിത്രങ്ങളും വിശേഷങ്ങളുമൊക്കെ പൂർണിമ ഇടയ്ക്ക് സമൂഹമാധ്യമങ്ങളിൽ ഷെയർ ചെയ്യാറുണ്ട്.

മക്കൾക്കൊപ്പമുള്ള ഏതാനും ചിത്രങ്ങൾ ഷെയർ ചെയ്തിരിക്കുകയാണ് പൂർണിമ

നക്ഷത്രയേയും പ്രാർത്ഥനയേയും ചിത്രങ്ങളിൽ കാണാം. ട്രെഡീഷണൽ വസ്ത്രങ്ങളിലാണ് ഇരുവരും.

പാട്ടും ഗിത്താർ വായനയും ഡബ്സ്മാഷുമൊക്കെയായി സോഷ്യൽ മീഡിയയിൽ സജീവമാണ് പ്രാർത്ഥന. പ്രാർത്ഥനയുടെ പല ഗാനങ്ങളും വൈറലാണ്. മലയാളം, ഹിന്ദി, ഇംഗ്ലീഷ് തുടങ്ങിയ പാട്ടുകൾ പാടിയുളള പ്രാർത്ഥനയുടെ വീഡിയോകൾക്ക് ആരാധകരും നിരവധിയാണ്.

മലയാളത്തിൽ മോഹൻലാൽ, ടിയാൻ, കുട്ടൻപിള്ളയുടെ ശിവരാത്രി, ഹെലെൻ തുടങ്ങിയ ചിത്രങ്ങളിൽ പ്രാർത്ഥന പാടിയിട്ടുണ്ട്. ബിജോയ് നമ്പ്യാർ സംവിധാനം ചെയ്ത ‘തായ്ഷി’നു വേണ്ടി ‘രേ ബാവ്‌‌രെ’ എന്ന പാട്ട് പാടിയായിരുന്നു ബോളിവുഡിൽ പ്രാർത്ഥനയുടെ അരങ്ങേറ്റം.

അതേസമയം, നക്ഷത്രയ്ക്ക് നൃത്തത്തോടും അഭിനയത്തോടുമാണ് താൽപ്പര്യം. ടിയാൻ എന്ന ചിത്രത്തിൽ ഇന്ദ്രജിത്തിന്റെ മകളായി നക്ഷത്രയും സ്ക്രീനിലെത്തിയിരുന്നു.