Latest News

10 വയസ്സുകാരനായ ബാലനും 18കാരിയും തമ്മിലുളള പ്രണയം; സീരിയലിനെതിരെ നടപടിക്ക് ശുപാർശ

സീരിയലിനെതിരെ വ്യാപകമായി പരാതികൾ ഉയര്‍ന്ന സാഹചര്യത്തിലാണ് മന്ത്രിയുടെ ഇടപെടൽ

Serial

‘ഹരെദാര്‍ പിയ കി’ എന്ന വിവാദ ഹിന്ദി പരമ്പരയ്ക്കെതിരെ ഉടനടി നടപടി വേണമെന്ന് ബ്രോഡ്​കാസ്റ്റിങ് കൗൺസിലിനോട് കേന്ദ്ര വാര്‍ത്താ വിതരണ പ്രക്ഷേപണ മന്ത്രി സ്മൃതി ഇറാനി ആവശ്യപ്പെട്ടു. 10 വയസ്സുകാരനായ ബാലൻ 18 വയസ്സുകാരിയെ പ്രണയിക്കുന്നതാണ് സീരിയലിന്റെ പ്രമേയം. സീരിയലിനെതിരെ വ്യാപകമായി പരാതികൾ ഉയര്‍ന്ന സാഹചര്യത്തിലാണ് മന്ത്രിയുടെ ഇടപെടലെന്ന് ഇന്ത്യാ ടുഡെ റിപ്പോർട്ട് ചെയ്യുന്നു.

പെറ്റീഷൻ ഓൺ ചാര്‍ജ് ഡോട്ട് കോം ബ്രോഡ്​കാസ്റ്റിങ് കോർപ്പറേഷന്റെ വെബ്സൈറ്റിലാണ് സീരിയലിനെതിരെ പരാതികൾ ഉയര്‍ന്നത്. കുട്ടികളെ വഴി തെറ്റിക്കുന്ന തരത്തിലുള്ള ആശയങ്ങളാണ് ഇതിലൂടെ പുറത്ത് വരുന്നതെന്നാണ് ആരോപണം. ഒരു ലക്ഷത്തി ഇരുപത്തയ്യായിരം ആളുകളാണ് സീരിയലിനെതിരായ പരാതിയിൽ ഒപ്പിട്ടത്.

18 വയസ്സായ പെൺകുട്ടിയും 10 വയസ്സുകാരനായ ബാലനും തമ്മിൽ വിവാഹിതരാകുന്നതും അവരുടെ ഹണിമൂണുമൊക്കെയാണ് സീരിയലിൽ കാണിച്ചത്. എന്നാൽ ഇതിലെ നായികാ കഥാപാത്രത്തെ അവതരിപ്പിക്കുന്ന തേജസ്വി പ്രകാശ് തങ്ങളുടെ പരിപാടിയിൽ യാതൊരു പ്രശ്നവുമില്ലെന്നാണ് പറയുന്നത്. തങ്ങൾ ഈ സീരിയലിലൂടെ ഉയര്‍ത്തുന്നത് ‘പുരോഗമന’ ആശയമാണെന്നും നടി വാദിച്ചിരുന്നു.

Get the latest Malayalam news and Entertainment news here. You can also read all the Entertainment news by following us on Twitter, Facebook and Telegram.

Web Title: Pehredaar piya ki in trouble smriti irani responds to petition to ban the show

Next Story
ബിസിനസ്സ് രംഗത്തെ മിന്നും താരങ്ങള്‍actress, business, kavya madhavan, poornima indrajith, lena, kaniha, jomol, reena basheer
The moderation of comments is automated and not cleared manually by malayalam.indianexpress.com