scorecardresearch
Latest News

വേറിട്ടൊരു കൊറോണ സന്ദേശം; ഈ നടിയെ മനസിലായോ?

കാർട്ടൂൺ രൂപത്തിലാണ് നടി വീഡിയോ അവതരിപ്പിക്കുന്നത്

വേറിട്ടൊരു കൊറോണ സന്ദേശം; ഈ നടിയെ മനസിലായോ?

എല്ലാ അടിയന്തിര അവസ്ഥകളിലും തങ്ങളുടെ സോഷ്യൽ മീഡിയകളിലൂടെ ശരിയായ വിവരങ്ങൾ ജനങ്ങളിലേക്ക് എത്തിക്കാൻ സെലബ്രിറ്റികൾ എപ്പോഴും ശ്രമിക്കാറുണ്ട്. നിപ്പക്കാലത്തും പ്രളയകാലത്തുമെല്ലാം ശരിയായ വാർത്തകൾ ജനങ്ങളിലേക്ക് എത്തിക്കാനും ബോധവത്കരണ പ്രവർത്തനങ്ങളുടെ ഭാഗമാവാനും താരങ്ങളെല്ലാം മുന്നിട്ടിറങ്ങിയിരുന്നു. കൊറോണകാലത്തും സ്ഥിതി മറ്റൊന്നല്ല, സർക്കാരിനൊപ്പം ചേർന്ന് കൊറോണ പ്രതിരോധത്തിന്റെ ഭാഗമായി പ്രവർത്തിക്കുകയാണ് സിനിമാലോകം. നടിയും അവതാരകയുമായ പേളി മാണിയുടെ വേറിട്ടൊരു കൊറോണ സന്ദേശമാണ് ഇപ്പോൾ കൗതുകമുണർത്തുക. ഒരു കാർട്ടൂൺ കഥാപാത്രത്തിനെ ഓർമിപ്പിക്കുന്ന ഗെറ്റപ്പിലാണ് പേളി വീഡിയോയിൽ പ്രത്യക്ഷപ്പെടുന്നത്.

കൊറോണ പടരുന്ന സാഹചര്യത്തില്‍ സംസ്ഥാനത്ത് വൈറസ് വ്യാപനത്തിന്റെ സാധ്യതയും വേഗതയും കുറക്കുന്നതിനായി സർക്കാർ തുടക്കം കുറിച്ച ബ്രേക്ക് ദ ചെയിന്‍ ക്യാമ്പെയ്നിന് തുടക്കം കുറിച്ചു കൊണ്ട് മമ്മൂട്ടി, മോഹൻലാൽ, മഞ്ജുവാര്യർ തുടങ്ങി നിരവധിയേറെ താരങ്ങൾ രംഗത്തെത്തിയിരുന്നു. ഓഫീസുകളിലും പൊതു സ്ഥലങ്ങളിലും വീടുകളിലും അടക്കം കൈ കഴുകുന്നതിനും ശുചീകരിക്കുന്നതിനുമുള്ള സൗകര്യം ഉണ്ടാക്കുകയും വ്യക്തിശുചിത്വം ഉറപ്പാക്കുകയും ചെയ്യുകയാണ് ഈ കാമ്പയിനിന്റെ ലക്ഷ്യം. മികച്ച പിന്തുണയാണ് ഈ കാമ്പയിന് ലഭിച്ചുകൊണ്ടിരിക്കുന്നത്.

Read more: ഗോവിന്ദൻ കുട്ടി അന്നാ ചെയ്തത് ശരിയായില്ല; വേറിട്ട കൊറോണ ബോധവത്കരണവുമായി അജു വർഗീസ്

Stay updated with the latest news headlines and all the latest Entertainment news download Indian Express Malayalam App.

Web Title: Pearle maany corona virus campaign video