/indian-express-malayalam/media/agency_attachments/RBr0iT1BHBDCMIEHAeA5.png)
Follow Us/indian-express-malayalam/media/media_files/d4zIDbrYYmrwpLvQczri.jpg)
വളക്കാപ്പ് ചടങ്ങ് ആഘോഷമാക്കി പേളി മാണിയും ശ്രീനിഷ് അരവിന്ദും
സോഷ്യൽ മീഡിയയിലെ സൂപ്പർതാരങ്ങളിൽ ഒരാളാണ് പേളി മാണി. ഇൻസ്റ്റഗ്രാം റീലുകളിലൂടെയും യൂട്യൂബ് വ്ളോഗുകളിലൂടെയുമെല്ലാം പ്രേക്ഷകരെ കയ്യിലെടുക്കുന്നതിൽ പേളി എപ്പോഴും മുൻപിലാണ്. ക്രിയേറ്റിവിറ്റി തുളുമ്പുന്ന പേളിയുടെ വ്ളോഗുകൾക്കും സരസമായ പേളിയുടെ സംസാരരീതിയ്ക്കുമൊക്കെ ഏറെ ആരാധകരുണ്ട്.
രണ്ടാമത്തെ കുഞ്ഞിനെ കാത്തിരിക്കുകയാണ് പേളി മാണിയും ശ്രീനീഷ് അരവിന്ദും.
കഴിഞ്ഞ ദിവസമായിരുന്നു പേളിയുടെ വളക്കാപ്പ് ചടങ്ങ്. വളക്കാപ്പ് ചടങ്ങിൽ നിന്നുള്ള ചിത്രങ്ങൾ ഷെയർ ചെയ്തിരിക്കുകയാണ് താരമിപ്പോൾ. മണവാട്ടിയെ പോലെ അണിഞ്ഞൊരുങ്ങിയ പേളിയെ ആണ് വീഡിയോയിൽ കാണാനാവുക.
അവതാരക, മോഡൽ, അഭിനേത്രി എന്നീ നിലകളിലെല്ലാം ഏറെ ശ്രദ്ധേയയായ പേളി മാണി സോഷ്യൽ മീഡിയയുടെയും പ്രിയപ്പെട്ട താരമാണ്. മിനിസ്ക്രീനിൽ അവതാരകയായി എത്തി പിന്നീട് അഭിനയത്തിലൂടെ ബിഗ് സ്ക്രീനിലേക്കും കടന്നു വരികയായിരുന്നു പേളി. ബോളിവുഡിലും തമിഴകത്തുമെല്ലാം ഇതിനകം പേളി അഭിനയിച്ചു കഴിഞ്ഞു.
ബിഗ് ബോസ് മലയാളത്തിന്റെ ആദ്യ സീസണിൽ മത്സരാർത്ഥിയായി എത്തിയ പേളി ഷോയുടെ ഫസ്റ്റ് റണ്ണർ അപ്പ് ആയിരുന്നു. ബിഗ് ബോസ് വീട്ടിൽ വെച്ചുള്ള പേളി- ശ്രീനിഷ് പ്രണയവും പിന്നീടുള്ള വിവാഹവുമൊക്കെ പേളിയെ വാർത്തകളിലെ താരമാക്കി മാറ്റി. ആരാധകർ പേളിഷ് എന്നാണ് ഈ താരജോഡികൾക്ക് പേരു നൽകിയിരിക്കുന്നത്. 2019 മേയ് മാസത്തിലായിരുന്നു ഇരുവരുടെയും വിവാഹം. മേയ് 5ന് ക്രിസ്റ്റ്യൻ ആചാരപ്രകാരവും മേയ് 8ന് ഹിന്ദു ആചാരപ്രകാരവും ഇരുവരും വിവാഹിതരായി. 2021 മാർച്ചിൽ പേളിയ്ക്കും ശ്രീനിഷിനും മകൾ നില ജനിച്ചത്. ഇന്ന് പേളിയ്ക്കും ശ്രീനിയ്ക്കുമൊപ്പം സമൂഹമാധ്യമങ്ങളിലെ താരമാണ് നിലയും.
Stay updated with the latest news headlines and all the latest Lifestyle news. Download Indian Express Malayalam App - Android or iOS.