ഗർഭിണിയോ? അവസാനം പേളി മറുപടി പറഞ്ഞു മക്കളേ...

അവതാരക, മോഡൽ, അഭിനേത്രി എന്നീ നിലകളിലെല്ലാം ഏറെ ശ്രദ്ധേയയായ പേളി മാണി സോഷ്യൽ മീഡിയയുടെയും പ്രിയപ്പെട്ട താരമാണ്. മിനിസ്ക്രീനിൽ അവതാരകയായി എത്തി പിന്നീട് അഭിനയത്തിലൂടെ ബിഗ് സ്ക്രീനിലേക്കും കടന്നു വരികയായിരുന്നു പേളി. ബോളിവുഡിലും തമിഴകത്തുമെല്ലാം ഇതിനകം പേളി അഭിനയിച്ചു കഴിഞ്ഞു.

ഏതാനും മാസങ്ങളായി, പേളി വീണ്ടും ഗർഭിണിയാണോ എന്നാണ് ആരാധകർ താരത്തോട് നിരന്തരം ചോദിച്ചുകൊണ്ടിരിക്കുന്നത്. പേളിയുടെ യൂട്യൂബ് വീഡിയോകളുടെ താഴെയും ഇൻസ്റ്റഗ്രാം പോസ്റ്റുകളുടെ കമന്റുകളിലുമെല്ലാം ആരാധകർ ഇക്കാര്യം തന്നെയാണ് തിരക്കുന്നത്. വീഡിയോകളിൽ പലതിലും വയർ കാണാത്ത രീതിയിലാണ് പേളി പോസ് ചെയ്യുന്നത് എന്നതും ആരാധകരുടെ സംശയത്തിന് ആക്കം കൂട്ടിയിരുന്നു.

ഒടുവിലിതാ, പ്രഗ്നൻസി വാർത്തകൾ സ്ഥിരീകരിച്ചിരിക്കുകയാണ് പേളിയും ശ്രീനിഷും. രസകരമായ ഒരു റിവീൽ വീഡിയോയുമായാണ് എത്തിയിരിക്കുന്നത്. പേളിയുടെ ചാനലിൽ ഇടയ്ക്കിടെ പ്രത്യക്ഷപ്പെടുന്ന കഥാപാത്രമായ സുമലതാന്റിയിലൂടയാണ് പേളി ഗർഭിണിയാണെന്ന വാർത്ത അനൗൺസ് ചെയ്യുന്നത്. പേളിയ്ക്കും ശ്രീനിഷിനുമൊപ്പം മകൾ നിലയേയും ശ്രീനിഷിന്റെ അമ്മയേയും വീഡിയോയിൽ കാണാം.

മൂന്നു മാസം ഗർഭിണിയാണ് താനെന്നും ആദ്യമാസങ്ങളിലെ ബുദ്ധിമുട്ടുകൾ മാറിയിട്ട് ആരാധകരോട് വെളിപ്പെടുത്താനിരിക്കുകയായിരുന്നുവെന്നും പേളി പറയുന്നു.

ഗർഭിണിയാണെന്നു സ്ഥിരീകരിച്ചുകൊണ്ടുള്ള പേളിയുടെ ഇൻസ്റ്റഗ്രാം പോസ്റ്റും ശ്രദ്ധ നേടുകയാണ്. "ലെ നില: അമ്മേടെ വയറ്റിലു കുഞ്ഞുവാവ, ഡാഡിയുടെ വയറ്റിൽ ദോശ. ഈ മനോഹരമായ വാർത്ത നിങ്ങളുമായി പങ്കിടുന്നതിൽ ഞങ്ങൾക്ക് സന്തോഷമുണ്ട്. ഞങ്ങൾ ബേബി നമ്പർ 2നെ പ്രതീക്ഷിക്കുന്നു. നിങ്ങളുടെ എല്ലാ അനുഗ്രഹങ്ങളും വേണം."

മുൻപ് ഇൻസ്റ്റഗ്രാം സ്റ്റോറിയിലും പ്രഗ്നനൻസിയെ കുറിച്ചുള്ള സൂചനകൾ പേളി നൽകിയിരുന്നു. "വെൽ.. ഞാൻ ഗർഭിണി ആണെങ്കിൽ ഉറപ്പായും ഞാൻ ആ വിശേഷം പങ്കിടും. അല്പം ക്ഷമ കാണിക്കൂ", എന്നാണ് ഇൻസ്റ്റഗ്രാം സ്റ്റോറിയിൽ പേളി മറുപടി നൽകിയത്. നാണത്തോടെ കണ്ണുപൊക്കിയിരിക്കുന്ന ഒരു ഇമോജിയും പേളി ഷെയർ ചെയ്തിട്ടുണ്ട്.

പേളിയുടെ ആദ്യത്തെ ഗർഭകാലവും പ്രസവവുമൊക്കെ സോഷ്യൽ മീഡിയ ആഘോഷമാക്കിയ ഒന്നാണ്. ഗർഭിണിയാണെന്നു പ്രഖ്യാപിച്ചതു മുതൽ സോഷ്യൽ മീഡിയയിൽ നിറഞ്ഞുനിൽക്കുകയായിരുന്നു പേളി.

ബിഗ് ബോസ് മലയാളത്തിന്റെ ആദ്യ സീസണിൽ മത്സരാർത്ഥിയായി എത്തിയ പേളി ഷോയുടെ ഫസ്റ്റ് റണ്ണർ അപ്പ് ആയിരുന്നു. ബിഗ് ബോസ് വീട്ടിൽ വെച്ചുള്ള പേളി- ശ്രീനിഷ് പ്രണയവും പിന്നീടുള്ള വിവാഹവുമൊക്കെ പേളിയെ വാർത്തകളിലെ താരമാക്കി മാറ്റി. ആരാധകർ പേളിഷ് എന്നാണ് ഈ താരജോഡികൾക്ക് പേരു നൽകിയിരിക്കുന്നത്. 2019 മേയ് മാസത്തിലായിരുന്നു ഇരുവരുടെയും വിവാഹം. മേയ് 5ന് ക്രിസ്റ്റ്യൻ ആചാരപ്രകാരവും മേയ് 8ന് ഹിന്ദു ആചാരപ്രകാരവും ഇരുവരും വിവാഹിതരായി. 2021 മാർച്ചിൽ പേളിയ്ക്കും ശ്രീനിഷിനും മകൾ നില ജനിച്ചത്. ഇന്ന് പേളിയ്ക്കും ശ്രീനിയ്ക്കുമൊപ്പം സമൂഹമാധ്യമങ്ങളിലെ താരമാണ് നിലയും.

സോഷ്യൽ മീഡിയയിലും പേളി ഏറെ ആക്റ്റീവാണ്. 2.6 മില്യണിലേറെ സബ്സ്ക്രൈബേഴ്സ് പേളിയുടെ യൂട്യൂബ് ചാനലിനുണ്ട്. തന്റെയും ഭർത്താവ് ശ്രീനിഷിന്റെയും മകൾ നിലയുടെയുമെല്ലാം വിശേഷങ്ങൾ പേളി യൂട്യൂബ് വീഡിയോകളിലൂടെ പങ്കുവയ്ക്കാറുണ്ട്.