എന്റെ പുതിയ പ്രണയം; പോൾകി ഡയമണ്ട് അണിഞ്ഞ് അതിസുന്ദരിയായി പേളി

മലയാളി പ്രേക്ഷകർക്കിടയിൽ ഏറെ ആരാധകരുള്ള അവതാരകയാണ് പേളി മാണി. രസകരമായ സംസാര ശൈലിയും ലളിതമായ പെരുമാറ്റവുമാണ് പേളിയെ പ്രിയങ്കരിയാക്കിയത്.

മഴവിൽ മനോരമയിലെ 'ഡി ഫോർ ഡാൻസ്' റിയാലിറ്റി ഷോയിലെ അവതാരകയായി എത്തിയാണ് പേളി പ്രേക്ഷക മനസ്സിലിടം നേടിയത്. ഇന്ന് വ്ളോഗർ എന്ന രീതിയിലും ഏറെ സജീവമാണ് പേളി.

പേളിയുടെ പുതിയ ഫോട്ടോഷൂട്ടാണ് ശ്രദ്ധ നേടുന്നത്. പോൾക്കി ഡയമണ്ട് ആഭരണങ്ങളിൽ അതിസുന്ദരിയായ പേളിയെ ആണ് ചിത്രങ്ങളിൽ കാണാനാവുക.

"പോൾക്കി ഡയമണ്ടുകളോടുള്ള എന്റെ പുതിയ പ്രണയം. കാരണം അവ അസംസ്കൃതവും, അൺകട്ട് ചെയ്യാത്തതും, പോളിഷ് ചെയ്യാത്തതുമാണ്, ഓരോ കഷ്ണവും അതുല്യമാണ്," ചിത്രങ്ങൾ പങ്കുവച്ച് പേളി കുറിച്ചു.

ബിഗ് ബോസ് മലയാളത്തിന്റെ ആദ്യ സീസണിലൂടെയാണ് പേളി ശ്രീനിഷ് അരവിന്ദിനെ പരിചയപ്പെടുന്നതും പ്രണയത്തിലാവുന്നതും.  നില,  നിതാര എന്നിങ്ങനെ രണ്ടു പെൺമക്കളാണ് ഈ ദമ്പതികൾക്കുള്ളത്.