മൊയ്തീന്റെ കാഞ്ചനമാലയായി അനശ്വര പ്രണയം അഭ്രപാളിയിലെത്തിച്ച പാര്‍വതിയുടെ ബോളിവുഡ് അരങ്ങേറ്റ ചിത്രമായ ‘ഖരിബ് ഖരിബ് സിങ്‌ലേ’യുടെ ട്രെയിലര്‍ നാളെ പുറത്തിറങ്ങും. ഇര്‍ഫാന്‍ ഖാന്‍ നായകനാകുന്ന ഹിന്ദി ചിത്രത്തിലാണ് പാര്‍വതി നായികയായി എത്തുന്നത്. തനുജ ചന്ദ്രയാണ് ചിത്രത്തിന്റെ സംവിധാനം.

രാജസ്ഥാനിലെ ബിക്കനീറിലായിരുന്നു ചിത്രത്തിന്റെ ഷൂട്ടിങ്. ഒരു റോഡ് യാത്രയില്‍ കണ്ടുമുട്ടുന്നവര്‍ പ്രണയത്തിലാകുന്നതും തുടര്‍ന്നുണ്ടാകുന്ന സംഭവങ്ങളുമാണ് ചിത്രത്തിന്റെ പ്രമേയം. പ്രണയവും കോമഡിയുമെല്ലാം ചേര്‍ന്നതാണ് പാര്‍വതിയുടെ ആദ്യ ഹിന്ദി ചിത്രം. ബിക്കനീര്‍, റിഷികേശ്, ഗാംഗ്‌ടോക്ക് തുടങ്ങിയ സ്ഥലങ്ങളിലായായിരുന്നു ചിത്രീകരണം.

എന്നു നിന്റെ മൊയ്തീനു ശേഷം പൃഥ്വിരാജിനൊപ്പം ‘മൈ സ്റ്റോറി’ ആണ് പാര്‍വതിയുടെ റിലീസിങ്ങിനൊരുങ്ങുന്ന അടുത്ത ചിത്രം.

Get all the Latest Malayalam News and Kerala News at Indian Express Malayalam. You can also catch all the Entertainment News in Malayalam by following us on Twitter and Facebook