/indian-express-malayalam/media/agency_attachments/RBr0iT1BHBDCMIEHAeA5.png)
Follow Us/indian-express-malayalam/media/media_files/2024/11/12/04kOZuLo4YDI2G9OarlX.jpg)
Your November OTT Watchlist, Right Here
/indian-express-malayalam/media/media_files/2024/11/05/0T7qlf51ryubdpd8YzlX.jpg)
ARM, Ajayante Randam Moshanam OTT: എആർഎം
ടോവിനോ തോമസിനെ നായകനാക്കി നവാഗതനായ ജിതിൻ ലാൽ സംവിധാനം ചെയ്ത ബ്ലോക്ബസ്റ്റർ ചിത്രം എ.ആർ.എം (അജയന്റെ രണ്ടാം മോഷണം) ഒടിടിയിൽ എത്തി. ടൊവിനോ തോമസ്, കൃതി ഷെട്ടി, സുരഭി ലക്ഷ്മി, ഐശ്വര്യ രാജേഷ്, ബേസിൽ ജോസഫ്, സഞ്ജു ശിവറാം, ഹരീഷ് ഉത്തമൻ, രോഹിണി, ജഗദീഷ്, അജു വർഗീസ്, സുധീഷ്, ബിജു കുട്ടൻ എന്നിവരാണ് ഈ ആക്ഷൻ ഡ്രാമയിൽ പ്രധാന കഥാപാത്രങ്ങളെ അവതരിപ്പിച്ചത്. കുഞ്ഞിക്കേളു എന്ന യോദ്ധാവ്, കള്ളൻ മണിയൻ, അജയൻ എന്നിങ്ങനെ മൂന്നു കഥാപാത്രങ്ങളെയാണ് ടൊവിനോ അവതരിപ്പിക്കുന്നത്. ഡിസ്നി+ ഹോട്ട്സ്റ്റാറിൽ ആണ് ചിത്രം സ്ട്രീമിംഗ് ആരംഭിച്ചത്.
/indian-express-malayalam/media/media_files/2024/11/01/gOAzqJETyV13atwp33IA.jpg)
Do Patti OTT: ദോ പാത്തി
കാജോൾ, കൃതി സനോൻ, ഷഹീർ ഷെയ്ഖ് എന്നിവർ പ്രധാന വേഷങ്ങളിൽ അഭിനയിക്കുന്ന ദോ പാത്തി ഒടിടിയിൽ സ്ട്രീമിംഗ് ആരംഭിച്ചു. ഇരട്ട സഹോദരിമാരുമായി ബന്ധപ്പെട്ട ഒരു കൊലപാതകശ്രമക്കേസിൻ്റെ ചുരുളഴിക്കുന്നതാണ് ചിത്രത്തിന്റെ പ്രമേയം. ഈ മിസ്റ്ററി ക്രൈം ത്രില്ലർ നെറ്റ്ഫ്ളിക്സിൽ ലഭ്യമാണ്.
/indian-express-malayalam/media/media_files/2024/11/06/eN33FbP1w7nY8fNgAnyR.jpg)
Citadel Honey Bunny OTT: സിറ്റാഡൽ ഹണി ബണ്ണി
വരുൺ ധവാൻ, സാമന്ത എന്നിവരെ കേന്ദ്ര കഥാപാത്രങ്ങളാക്കി രാജ് ആൻഡ് ഡികെ ഒരുക്കുന്ന ആക്ഷൻ ത്രില്ലർ സീരീസാണ് 'സിറ്റാഡൽ ഹണി ബണ്ണി'. 'അവഞ്ചേഴ്‌സ്', 'ക്യാപ്റ്റൻ അമേരിക്ക' തുടങ്ങിയ ഹോളിവുഡ് സൂപ്പർഹിറ്റ് സിനിമകൾ സംവിധാനം ചെയ്ത റൂസോ ബ്രദേർഴ്സ് ആണ് 'സിറ്റാഡൽ ഹണി ബണ്ണി' നിർമിക്കുന്നത്. പ്രിയങ്ക ചോപ്ര, റിച്ചാർഡ് മാഡൻ എന്നിവർ പ്രധാന വേഷങ്ങളിലെത്തിയ ഹോളിവുഡ് സീരീസ് സിറ്റാഡലിന്റെ സ്പിൻ ഓഫ് ആയിട്ടാണ് ഈ ഇന്ത്യൻ വേർഷൻ എത്തുന്നത്. ആമസോൺ പ്രൈമിൽ സിറ്റാഡൽ ഹണി ബണ്ണി കാണാം.
/indian-express-malayalam/media/media_files/2024/10/21/JexMroS9veKqnre2caVv.jpg)
Samadhana Pusthakam OTT: സമാധാന പുസ്തകം
നടൻ കലാഭവൻ ഷാജോണിന്റെ മകൻ യോഹാൻ ഷാജോൺ, ധനുസ് മാധവ്, ഇര്‍ഫാൻ, ശ്രീലക്ഷ്മി സന്തോഷ്, ട്രിനിറ്റി, മഹിമ എന്നിവരെ പ്രധാന കഥാപാത്രങ്ങളാക്കി രവീഷ് നാഥ് സംവിധാനം ചെയ്ത ചിത്രമാണ് 'സമാധാന പുസ്തകം.' ജൂലായ് 19ന് തീയേറ്റലെത്തിയ ചിത്രം ഒടിടിയിലൂടെ പ്രേക്ഷകരിലേക്ക് എത്തിയിരിക്കുകയാണ്. ജനപ്രിയ ഒടിടി പ്ലാറ്റ്ഫോമായ സൈന പ്ലേയിലൂടെ സമാധാന പുസ്തകം സ്ട്രീമിംഗ് ആരംഭിച്ചിട്ടുണ്ട്.
/indian-express-malayalam/media/media_files/2024/10/19/ID8onbRLc14oPZvRtW6x.jpg)
Vettaiyan OTT: വേട്ടയ്യൻ
സൂപ്പർ സ്റ്റാറുകളായ രജനികാന്ത്, അമിതാഭ് ബച്ചൻ എന്നിവർക്കൊപ്പം ഫഹദ് ഫാസിലും പ്രധാന വേഷത്തിലെത്തിയ വേട്ടയ്യൻ ഒടിടിയിൽ എത്തി. സാമൂഹിക യാഥാര്‍ഥ്യങ്ങളെ വെള്ളിത്തിരയിലെത്തിച്ച് കൈയ്യടി നേടിയ പ്രശസ്ത സംവിധായകൻ ടി ജെ ജ്ഞാനവേല്‍ ആണ് ചിത്രത്തിന്റെ സംവിധായകൻ. റാണ ദഗുബതി, ദുഷാര വിജയന്‍, മഞ്ജു വാര്യര്‍, അഭിരാമി തുടങ്ങി വലിയൊരു താരനിര തന്നെ ചിത്രത്തിലുണ്ട്. ആമസോൺ പ്രൈം വീഡിയോയിൽ ചിത്രം സ്ട്രീമിങ് ആരംഭിച്ചു.
/indian-express-malayalam/media/media_files/2024/10/22/k6hOSYLX2Fw87k4LMJKE.jpg)
Meiyazhagan OTT: മെയ്യഴകൻ
കാർത്തി, അരവിന്ദ് സ്വാമി എന്നിവരെ പ്രധാനകഥാപാത്രങ്ങളാക്കി സി. പ്രേം കുമാർ സംവിധാനം ചെയ്ത ‘മെയ്യഴകൻ’ ഒടിടിയിൽ. '96' എന്ന സൂപ്പർ ഹിറ്റ് ചിത്രത്തിനു ശേഷം പ്രേം കുമാർ സംവിധാനം ചെയ്യുന്ന ചിത്രമാണിത്. നടൻ സൂര്യയും ജ്യോതികയും ചേർന്നാണ് ചിത്രം നിർമ്മിച്ചിരിക്കുന്നത്. മെയ്യഴകൻ നെറ്റ്ഫ്ലിക്സിൽ ലഭ്യമാണ്.
/indian-express-malayalam/media/media_files/2024/11/03/H36TepydRSaG89gzF8N6.jpg)
Gumasthan OTT: ഗുമസ്തന്
ബിബിൻ ജോർജ്, ദിലീഷ് പോത്തൻ എന്നിവരെ പ്രധാന കഥാപാത്രങ്ങളാക്കി, അമല്‍ കെ. ജോബി സംവിധാനം ചെയ്ത ചിത്രമാണ് 'ഗുമസ്തന്.' സെപ്റ്റംബറിൽ തിയേറ്ററിലെത്തിയ ചിത്രം സമ്മിശ്ര പ്രതികരണം നേടിയിരുന്നു. ഇപ്പോഴിതാ ഗുമസ്തന് ഒടിടിയിൽ എത്തിയിരിക്കുകയാണ്. ഗ്രാമീണാന്തരീക്ഷത്തിൽ ഫാമിലി ത്രില്ലർ ആയാണ് ചിത്രം ഒരുക്കിയിരിക്കുന്നത്. സ്റ്റീഫൻ ദേവസി സംഗീത സംവിധാനം നിർവഹിക്കുന്ന ഈ സിനിമയുടെ പശ്ചാത്തല സംഗീതം ഒരുക്കിയത് ബിനോയ്‌ എസ് പ്രസാദ്. കുഞ്ഞുണ്ണി എസ് കുമാറാണ് ഛായാഗ്രഹണം. അയൂബ് ഖാൻ ആണ് എഡിറ്റിങ്. ആമസോൺ പ്രൈമിലും, മനോരമ മാക്സിലും ഗുമസ്തൻ സ്ട്രീമിംഗ് ആരംഭിച്ചിട്ടുണ്ട്.
/indian-express-malayalam/media/media_files/PgY74ZFs3rBSA6CATuGY.jpg)
Devara OTT: ദേവര
ജൂനിയർ എന്‍ടിആറിനെ നായകനാക്കി കൊരട്ടാല ശിവ സംവിധാനം ചെയ്യുന്ന 'ദേവര' ഒടിടിയിൽ പ്രദർശനം ആരംഭിച്ചു. സെയ്ഫ് അലി ഖാൻ, ജാൻവി കപൂർ എന്നിവും ചിത്രത്തിൽ കേന്ദ്രകഥാപാത്രങ്ങളായി എത്തുന്നു. പ്രകാശ്‌ രാജ്, ശ്രീകാന്ത് മേക്ക, ഷൈന്‍ ടോം ചാക്കോ, നരൈന്‍ തുടങ്ങിയവരാണ് മറ്റു അഭിനേതാക്കൾ. തെലുങ്ക്, തമിഴ്, മലയാളം, കന്നഡ എന്നീ ഭാഷകളിലാണ് ചിത്രം ലഭ്യമാവുക. നെറ്റ്ഫ്ളിക്സിൽ ചിത്രം സ്ട്രീമിംഗ് ആരംഭിച്ചു.
/indian-express-malayalam/media/media_files/2024/11/07/6RJL09BoAXqz9pmftX4i.jpg)
The Buckingham Murders OTT: ദി ബക്കിംഗ്ഹാം മർഡേർസ്
ഹൻസൽ മേത്ത സംവിധാനം ചെയ്ത് കരീന കപൂർ ഖാൻ പ്രധാന വേഷം ചെയ്യുന്ന ദി ബക്കിംഗ്ഹാം മർഡേർസ് ഒടിടിയിലെത്തി. നെറ്റ്ഫ്ളിക്സിൽ ചിത്രം സ്ട്രീമിംഗ് ആരംഭിച്ചു. ഛായാഗ്രാഹണം എമ്മ ഡേല്‍സ്‍മാൻ. ദി ബക്കിംഗ്ഹാം മർഡേർസ് എന്ന സിനിമയുടെ നിര്‍മാതാവും കരീനയാണ്.
/indian-express-malayalam/media/media_files/2024/11/07/TsE9PBZIg6pjXjP1jGYq.jpg)
Vijay 69 OTT: വിജയ് 69
69-ആം വയസ്സിൽ ഒരു ട്രയാത്ത്‌ലൺ മത്സരത്തിൽ പങ്കെടുക്കാൻ തീരുമാനിക്കുന്ന ഒരാളുടെ രസകരമായ ജീവിതകഥ പറയുന്ന ചിത്രത്തിൽ അനുപം ഖേറാണ് പ്രധാന കഥാപാത്രത്തെ അവതരിപ്പിക്കുന്നത്. അക്ഷയ് റോയ് ആണ് ചിത്രത്തിന്റെ രചനയും സംവിധാനവും നിർവഹിച്ചിരിക്കുന്നത്. നെറ്റ്ഫ്ളിക്സിൽ ചിത്രം കാണാം.
/indian-express-malayalam/media/media_files/GWV00O5ex5mLIAQS8QsE.jpg)
Kishkindha Kaandam OTT: കിഷ്‌കിന്ധാകാണ്ഡം
ആസിഫ് അലിയും, വിജയ രാഘവനും, അപർണ്ണാ ബാലമുരളിയും അഭിനയമികവ് കാഴ്ചവച്ച കിഷ്‌കിന്ധാകാണ്ഡത്തിന്റെ ഒടിടി അവകാശം ഡിസ്നി പ്ലസ് ഹോട്സ്റ്റാറാണ് സ്വന്തമാക്കിയിരിക്കുന്നത്. ദിന്‍ജിത്ത് അയ്യത്താന്‍ സംവിധാനം ചെയ്ത കിഷ്‌കിന്ധാകാണ്ഡത്തിന്റെ തിരക്കഥ ഒരുക്കിയതും ഛായാഗ്രഹണം നിർവ്വഹിച്ചതും ബാഹുല്‍ രമേഷ് ആണ്. നവംബര്‍ 19 മുതൽ കിഷ്‌കിന്ധാകാണ്ഡം ഹോട്ട്സ്റ്റാറിൽ സ്ട്രീമിംഗ് ആരംഭിക്കും.
/indian-express-malayalam/media/media_files/2024/11/04/F5ROoCXKY7asPgI7kZ8V.jpg)
Lubber Pandhu OTT: ലബ്ബര്‍ പന്ത്
Lubber Pandhu OTT: തമിഴിൽ സർപ്രൈസ് ഹിറ്റായി മാറിയ ലബ്ബര്‍ പന്ത് ഒടിടിയിൽ എത്തി. ഒരു ഗ്രാമത്തിലെ ക്രിക്കറ്റ് കളിക്കാരായ രണ്ട് പേരുടെ ജീവിതം പറയുന്ന ചിത്രത്തിന്റെ തിരക്കഥയും സംവിധാനവും നിർവ്വഹിച്ചത് തമിഴരശനും പച്ചമുത്തുവും ചേർന്നാണ്. മലയാളികളുടെ പ്രിയതാരം സാസ്വികയാണ് ചിത്രത്തിലെ നായിക. സ്വാസികയ്‍ക്കൊപ്പം ഹരീഷ് കല്യാൺ, ദിനേഷ്, സഞ്‍ജന കൃഷ്‍ണമൂര്‍ത്തി, കാളി വെങ്കട്, ബാല ശരണവണൻ, ദേവദര്‍ശിനി, ഗീത കൈലാസം, ജെൻസണ്‍ ദിവാകർ, ടിഎസ്‍കെ, മോണിക്ക സെന്തില്‍കുമാർ, കര്‍ണൻ ജാനകി, വീരമണി ഗണേശൻ, ശരത്, എവി ദേവ, നിവാശിനി പി യു, എൻ കെ വെങ്കടേശൻ, പര്‍വേസ് മുഷറഫ്, വിശ്വ മിതൻ, പ്രദീപ് ദുരൈരാജ്, പൂബാലം പ്രഗതീശ്വരൻ, ആദിത്യ കതിർ, വിജെ താര എന്നിവരും ചിത്രത്തിലുണ്ട്. ദിനേഷ് പുരുഷോത്തമനാണ് ചിത്രത്തിന്റെ ഛായാഗ്രഹണം. സംഗീതം സീൻ റോള്‍ദാൻ. ഡിസ്നി പ്ലസ് ഹോട്ട് സ്റ്റാറിലാണ് ചിത്രം സ്ട്രീമിംഗ് ആരംഭിച്ചിരിക്കുന്നത്.
/indian-express-malayalam/media/media_files/2024/11/12/FCpRuKfwh9X0VNJm9GwG.jpg)
Mithya Season 2 OTT: മിഥ്യ സീസൺ 2
ഹുമ ഖുറേഷി, അവന്തിക ദസ്സാനി, പരംബ്രത ചാറ്റർജി എന്നിവർ കേന്ദ്രകഥാപാത്രങ്ങളാവുന്ന സൈക്കോളജിക്കൽ ത്രില്ലർ മിഥ്യയുടെ രണ്ടാം സീസൺ വരുന്നു. നവംബർ 15ന് ഡിസ്നി പ്ലസ് ഹോട്ട്സ്റ്റാറിൽ ചിത്രം സ്ട്രീമിംഗ് ആരംഭിക്കും.
/indian-express-malayalam/media/media_files/2024/11/06/J6SAPkzFUdcsatXvPHQd.jpg)
Pedro Páramo OTT: പെഡ്രോ പരാമോ
ഹുവാൻ റൂൾഫോയുടെ വിഖ്യാത പുസ്തകത്തെ അടിസ്ഥാനമാക്കി അതേ പേരിൽ ഒരുക്കിയ പെഡ്രോ പരാമോ ഒടിടിയിൽ. മാനുവൽ ഗാർസിയ റൂൾഫോ, ടെനോച്ച് ഹ്യൂർട്ട, ഡൊലോറസ് ഹെറെഡിയ, ഹെക്ടർ കോട്സിഫാകിസ്, മെയ്റ ബറ്റല്ല, റോബർട്ടോ സോസ, ജിയോവന്ന സക്കറിയാസ്, ഇഷ്ബെൽ ബൗട്ടിസ്റ്റ, നോ ഹെർണാണ്ടസ്, യോഷിറ എസ്കാരേഗ തുടങ്ങിയവരാണ് പ്രധാന അഭിനേതാക്കൾ. ചിത്രം നെറ്റ്ഫ്ളിക്സിൽ കാണാം.
/indian-express-malayalam/media/media_files/2024/11/02/i0EUIcwxY8jIrii3QQIR.jpg)
Secret OTT: സീക്രട്ട്
എസ്.എൻ സ്വാമി ആദ്യമായി സംവിധാനം ചെയ്ത ചിത്രമാണ് ധ്യാൻ ശ്രീനിവാസൻ നായകനായ 'സീക്രട്ട്.' അപർണാ ദാസ്, ജേക്കബ് ഗ്രിഗറി, കലേഷ് രാമാനന്ദ്, ആർദ്രാ മോഹൻ, രഞ്ജിത്ത്, രഞ്ജി പണിക്കർ, ജയകൃഷ്ണൻ, സുരേഷ് കുമാർ, അഭിരാം രാധാകൃഷ്ണൻ, മണിക്കുട്ടൻ എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. നവംബറിൽ മനോരമ മാക്സിലൂടെ ചിത്രം സ്ട്രീമിംഗ് ആരംഭിക്കും എന്നാണ് റിപ്പോർട്ട്.
Stay updated with the latest news headlines and all the latest Lifestyle news. Download Indian Express Malayalam App - Android or iOS.