Latest News
രാജി പ്രഖ്യാപിച്ച് കര്‍ണാടക മുഖ്യമന്ത്രി ബി.എസ്. യെദ്യൂരപ്പ
കൊടകര കുഴല്‍പ്പണക്കേസ്: പ്രതിക്ക് സുരേന്ദ്രനുമായി അടുത്ത ബന്ധമെന്ന് മുഖ്യമന്ത്രി നിയമസഭയില്‍
അമ്പെയ്ത്തില്‍ ഇന്ത്യന്‍ സംഘം പുറത്ത്; ബാഡ്മിന്റണിലും തോല്‍വി
മഴ: ആറ് ജില്ലകളില്‍ യെല്ലൊ അലര്‍ട്ട്; തീരദേശത്ത് ജാഗ്രതാ നിര്‍ദേശം
രാജ്യത്ത് 39,361 പേര്‍ക്ക് കോവിഡ്; 416 മരണം; ആശങ്കയായി കേരളം

‘ചോറുണ്ണുന്നവന് മനസ്സിലാവും ഒടിയനാരാണെന്നും, എവിടെ ഇരുന്നാണ് ഒടി വയ്ക്കുന്നതെന്നും’

“മോഹന്‍ലാല്‍ സിനിമ കാണാന്‍ പോയവര്‍ സിനിമ കണ്ടിട്ട് മോഹന്‍ലാലിനെ ചീത്ത വിളിക്കാതെ സംവിധായകനെ ചീത്ത വിളിക്കുന്നത് എന്ത് മര്യാദയാണ്.?”

മോഹന്‍ലാല്‍-ശ്രീകുമാര്‍ മേനോന്‍ കൂട്ടുകെട്ടില്‍ പുറത്തിറങ്ങിയ ചിത്രം ഒടിയനെതിരെ നടക്കുന്ന ആക്രമണം ആസൂത്രിതമാണെന്ന് ഡബ്ബിങ് ആര്‍ട്ടിസ്റ്റും സെന്‍സര്‍ ബോര്‍ഡ് അംഗവുമായ ഭാഗ്യലക്ഷ്മി. ഇപ്പോള്‍ നടക്കുന്ന ആക്രമണം സിനിമയ്‌ക്കെതിരെയല്ല, മറിച്ച് ഒരു വ്യക്തിക്കെതിരെയാണെന്നും ഭാഗ്യലക്ഷ്മി തന്റെ ഫെയ്‌സ്ബുക്ക് കുറിപ്പില്‍ പറഞ്ഞു.

‘മോഹന്‍ലാല്‍ സിനിമ കാണാന്‍ പോയവര്‍ സിനിമ കണ്ടിട്ട് മോഹന്‍ലാലിനെ ചീത്ത വിളിക്കാതെ സംവിധായകനെ ചീത്ത വിളിക്കുന്നത് എന്ത് മര്യാദയാണ്.?….ചോറുണ്ണുന്നവന് മനസ്സിലാവും ഒടിയനാരാണെന്നും, എവിടെ ഇരുന്നാണ് ഒടി വയ്ക്കുന്നതെന്നും,’ ഭാഗ്യലക്ഷ്മി തന്റെ ഫെയ്‌സ്ബുക്ക് പോസ്റ്റില്‍ കുറിച്ചു.

ഒടിയനെതിരെയുള്ള ആക്രമണം ആസൂത്രിതമാണെന്ന് ആരോപിച്ച് കൊണ്ട് സംവിധായകന്‍ ശ്രീകുമാര്‍ മേനോനും കഴിഞ്ഞ ദിവസം രംഗത്തെത്തിയിരുന്നു. മഞ്ജു വാര്യരോടുള്ള ശത്രുത തീര്‍ക്കാനാണ് ചിലര്‍ മനഃപൂര്‍വ്വം തന്റെ സിനിമയെ ഡീഗ്രേഡ് ചെയ്യുന്നതെന്നായിരുന്നു ശ്രീകുമാര്‍ മേനോന്‍ പറഞ്ഞത്. ഈ വിഷയത്തില്‍ മറുപടി പറയാന്‍ മഞ്ജു ബാധ്യസ്ഥയാണെന്നും അദ്ദേഹം പറഞ്ഞിരുന്നു.

Read More: വേറൊരു പുലിമുരുകന്‍ ഉണ്ടാക്കാനല്ല ഞാന്‍ വന്നത്, ഇതാണ് എന്റെ മാസ്: ശ്രീകുമാര്‍ മേനോന്‍

എന്നാല്‍ എന്തിനാണ് മഞ്ജു മറുപടി പറയേണ്ടത് എന്ന് ഭാഗ്യലക്ഷ്മി തന്റെ ഫെയ്‌സ്ബുക്ക് പോസ്റ്റില്‍ ചോദിക്കുന്നു.

‘ശ്രീകുമാര്‍ മേനോന്‍ ഇന്നലെ ഒരു ചാനല്‍ ചര്‍ച്ചയില്‍ പറഞ്ഞു, മഞ്ജു വാര്യര്‍ ഇതിന് മറുപടി പറയണമെന്ന്, എന്തിന്?മഞ്ജു എന്തിനാണ് മറുപടി പറയുന്നത്? ഇതിന് ആരും മറുപടി പറയേണ്ടതില്ല… ആദ്യത്തെ ആക്രമണം മാത്രമാണിത്, നല്ല സിനിമയാണെങ്കില്‍ വിജയിക്കും.. സ്വന്തം അഭിപ്രായത്തില്‍ സിനിമ കാണുന്നവരുമുണ്ട് ഇവിടെ.’

Get the latest Malayalam news and Entertainment news here. You can also read all the Entertainment news by following us on Twitter, Facebook and Telegram.

Web Title: Odiyan manju warrier bhagya lakshmi mohanlal shrikumar menon

Next Story
ഇഷ അംബാനി വിവാഹത്തിന് താരങ്ങൾ ഭക്ഷണം വിളമ്പിയത് എന്തിനെന്ന് വെളിപ്പെടുത്തി അഭിഷേക് ബച്ചൻisha ambani, ie malayalam, ഇഷ ​അംബാനി, ഐഇ മലയാളം
The moderation of comments is automated and not cleared manually by malayalam.indianexpress.com