നൈല ഉഷയുടെ 12 സ്റ്റൈലിഷ് സാരി ലുക്കുകൾ

സാരിയും മോഡേൺ വസ്ത്രങ്ങളും ഒരുപോലെ ഇണങ്ങുന്ന നടിയാണ് നൈല ഉഷ. എന്നിരുന്നാലും, നൈലയുടെ സാരി ലുക്കിനു പ്രത്യേകം ഫാൻ ബേസ് തന്നെയുണ്ട്.

നൈലയുടെ ശ്രദ്ധ നേടിയ ഏതാനും സാരി ലുക്കുകൾ കാണാം.

2013ൽ സലിം അഹമ്മദിൻ്റെ കുഞ്ഞനന്തൻ്റെ കട എന്ന ചിത്രത്തിലൂടെയാണ് നൈല ഉഷ മലയാള സിനിമയിൽ അരങ്ങേറ്റം കുറിച്ചത്.

ചിത്രത്തിൽ മമ്മൂട്ടിയുടെ ഭാര്യയായി എത്തിയ നൈലയുടെ കഥാപാത്രം ശ്രദ്ധിക്കപ്പെട്ടു. റേഡിയോ ജോക്കിയായി ജോലി ചെയ്യുന്നതിനിടയിലാണ് 'കുഞ്ഞനന്തന്റെ കട' എന്ന ചിത്രത്തിലൂടെ നൈല സിനിമയിൽ അരങ്ങേറ്റം കുറിക്കുന്നത്.

പിന്നീട് പുണ്യാളൻ അ​ഗർബത്തീസ്, ഗ്യാങ്ങ്സ്റ്റർ, ഫയർമാൻ, പത്തേമാരി, ലൂസിഫർ, പാപ്പൻ, പ്രിയൻ ഓട്ടത്തിലാണ്, ആന്റണി തുടങ്ങി നിരവധി സിനിമകളിൽ അിനയിച്ചു.

നൈലയുടെ കരിയറിൽ വലിയ ഹൈപ്പ് നൽകിയ ചിത്രമായിരുന്നു പൊറിഞ്ചു മറിയം ജോസ്. അതിലെ ആലപ്പാട്ട് മറിയം വർഗീസ് എന്ന കഥാപാത്രം ഏറെ പ്രശംസകൾ നേടി.

തുടർച്ചയായി സിനിമകളിൽ അഭിനയിക്കുന്നില്ലെങ്കിലും മലയാളികൾക്ക് പ്രിയങ്കരിയാണ് നൈല.

അഭിനേതാവ് എന്ന നിലയിലും അവതാരക എന്ന നിലയിലും ഒരേ പോലെ നൈല തിളങ്ങിയിട്ടുണ്ട്.

ദുബായിൽ റേഡിയോ ജോക്കിയായി ജോലി ചെയ്‌തു വരുന്ന താരത്തിന് തന്‍റെ സംസാരം കൊണ്ടും ആളുകളുടെ മനസ് കീഴടക്കാൻ സാധിക്കാറുണ്ട്.

സമൂഹ മാധ്യമങ്ങളിലും ഏറെ സജീവമാണ് താരം.

‘എമ്പുരാൻ’ ആണ് നൈലയുടെ റിലീസിനൊരുങ്ങുന്ന ചിത്രങ്ങളിലൊന്ന്. ചിത്രത്തിൽ അരുന്ധതി എന്ന കഥാപാത്രത്തെയാണ് നൈല അവതരിപ്പിക്കുന്നത്.

എമ്പുരാന്റെ ആദ്യഭാഗമായ ലൂസിഫറിലും നൈല ഉണ്ടായിരുന്നു.