കൊച്ചിയിൽ പുതിയ വീട് സ്വന്തമാക്കി നിമിഷ; ഗൃഹപ്രവേശം ആഘോഷമാക്കി സുഹൃത്തുക്കൾ

കൊച്ചിയില്‍ പുതിയ വീട് സ്വന്തമാക്കിയിരിക്കുകയാണ് മലയാളികളുടെ പ്രിയപ്പെട്ട നടി നിമിഷ സജയന്‍.

'ജനനി' എന്നാണ് നിമിഷ വീടിനു പേരു നൽകിയിരിക്കുന്നത്. വീടിന്റെ ഗൃഹപ്രവേശത്തിൽ നിന്നുള്ള ചിത്രങ്ങൾ ഷെയർ ചെയ്തിരിക്കുകയാണ് നിമിഷ.

നടി അനു സിതാര, നടന്മാരായ ഗണപതി, ആന്റണി വര്‍ഗീസ് പെപ്പെ, സംവിധായകരായ ചിദംബരം ശ്രീജിത്ത്, ഷാഹി കബീര്‍, മന്ത്രി പി.രാജീവ്‌ തുടങ്ങിയവരെല്ലാം ഗൃഹപ്രവേശ ചടങ്ങിൽ‍ അതിഥികളായി എത്തിയിരുന്നു.

അടുത്ത സുഹൃത്തുക്കളും ബന്ധുക്കളും മാത്രമാണ് ഗൃഹപ്രവേശത്തിൽ പങ്കെടുത്തത്.

മലയാളികളുടെ പ്രിയപ്പെട്ട താരമാണ് നിമിഷ സജയൻ. ആദ്യ ചിത്രത്തിലൂടെ തന്നെ ശ്രദ്ധേയയായ നിമിഷ വിരലിൽ എണ്ണാവുന്ന ചിത്രങ്ങൾ കൊണ്ട് തന്നെ തന്റെ പ്രതിഭ തെളിയിച്ച താരമാണ്.

ഒരു കുപ്രസിദ്ധ പയ്യൻ, ചോല എന്നീ ചിത്രങ്ങളിലെ അഭിനയത്തിലൂടെ മികച്ച നടിയ്ക്കുള്ള സംസ്ഥാന അവാർഡും നിമിഷ കരസ്ഥമാക്കിയിരുന്നു

മുംബൈ മലയാളിയായ നിമിഷ ജനിച്ചതും വളര്‍ന്നതുമെല്ലാം മുംബൈയിലാണ്.

ഗൃഹപ്രവേശത്തിനെത്തിയ അനുസിതാര.