Latest News
സ്വകാര്യ ബസ് സര്‍വീസ് ഇന്ന് മുതല്‍
ഇന്ധനനിരക്ക് ഇന്നും കൂട്ടി; തിരുവനന്തപുരത്ത് പെട്രോള്‍ വില നൂറിലേക്ക്
കോപ്പയില്‍ ബ്രസീലിയന്‍ കോടുങ്കാറ്റ്; പെറുവിനെ തകര്‍ത്തു
കോവിഡിന്റെ ഡെല്‍റ്റ വകഭേദത്തിനുള്ള സ്പുട്നിക് വാക്സിന്‍ ഉടന്‍
രാജ്യത്ത് 62,480 പുതിയ കേസുകള്‍; 1,587 മരണം
കിവികളെ കീഴടക്കാന്‍ ഇന്ത്യ; ലോക ടെസ്റ്റ് ചാമ്പ്യന്‍ഷിപ്പ് ഫൈനലിന് ഇന്ന് തുടക്കം

‘കിണറി’ലെ പുതിയ പാട്ടെത്തി

27 വര്‍ഷങ്ങള്‍ക്കു ശേഷം കെ.ജെ യേശുദാസും എസ്.പി.ബാലസുബ്രഹ്മണ്യവും ഒന്നിക്കുന്നു എന്ന പ്രത്യേകതയും ഈ ചിത്രത്തിനുണ്ട്

Kinar Movie

എം.എ.നിഷാദ് തിരക്കഥയെഴുതി സംവിധാനം ചെയ്യുന്ന ചിത്രം ‘കിണറി’ലെ പുതിയ പാട്ടെത്തി. സിതാര കൃഷ്ണകുമാര്‍ പാടിയ ‘മഴവില്‍ കാവിലെ’ എന്ന ഗാനത്തിന് സംഗീതം നല്‍കിയിരിക്കുന്നത് ജയചന്ദ്രനാണ്. പ്രഭാ വര്‍മ്മയാണ് വരികള്‍.

ദ്വിഭാഷാ ചിത്രമാണ്. ‘കേണി’ എന്ന പേരില്‍ തമിഴിലും ചിത്രം റിലീസ് ചെയ്യും. തമിഴ്‌നാട്-കേരള അതിര്‍ത്തിയിലെ ജലക്ഷാമമാണ് ചിത്രം കൈകാര്യം ചെയ്യുന്ന വിഷയം. ജയപ്രദ, രേവതി, പശുപതി, പാര്‍ത്ഥിപന്‍, അര്‍ച്ചന, നാസ്സര്‍, പാര്‍വതി നമ്പ്യാര്‍, ഇന്ദ്രന്‍സ്, രഞ്ജി പണിക്കര്‍, ജോയ് മാത്യു, അനു ഹസന്‍ എന്നിവര്‍ അടങ്ങുന്ന ഒരു വലിയ താരനിര തന്നെ ചിത്രത്തില്‍ അണിനിരക്കുന്നുണ്ട്.

നീണ്ട 27 വര്‍ഷങ്ങള്‍ക്കു ശേഷം ഇന്ത്യന്‍ സംഗീതത്തിന്റെ ഇതിഹാസങ്ങളായ കെ.ജെ.യേശുദാസും എസ്.പി.ബാലസുബ്രഹ്മണ്യവും ഒന്നിക്കുന്നു എന്ന പ്രത്യേകതയും ഈ ചിത്രത്തിനുണ്ട്. ‘അയ്യാ സാമി’ എന്ന ഗാനമാണ് ഇരുവരും ചേര്‍ന്നു പാടിയിരിക്കുന്നത്.

1991ല്‍ മണിരത്‌നം സംവിധാനം ചെയ്ത ദളപതി എന്ന ചിത്രത്തിലെ ‘കാട്ടുക്കുയില് മനസുക്കുള്ളെ’ എന്ന ഗാനമാണ് ഇരുവരും ചേര്‍ന്ന് അവസാനമായി ആലപിച്ചത്. ആ ഗാനത്തിന് സംഗീതം നിര്‍വ്വഹിച്ചത് ഇളയരാജയായിരുന്നു. രജനീകാന്തും മമ്മൂട്ടിയും ചേര്‍ന്നാണ് ഗാനരംഗത്തില്‍ അഭിനയിച്ചത്. മമ്മൂട്ടിക്കുവേണ്ടി യേശുദാസും രജനീകാന്തിന് വേണ്ടി എസ്‌പിബിയും ശബ്ദമായി.

Get the latest Malayalam news and Entertainment news here. You can also read all the Entertainment news by following us on Twitter, Facebook and Telegram.

Web Title: New song from the movie kinar

Next Story
‘തുമാരി സുലു’വിന്‍റെ തമിഴ് പതിപ്പില്‍ നായികയായി ജ്യോതിക?Jyothika, Vidya Balan
The moderation of comments is automated and not cleared manually by malayalam.indianexpress.com