scorecardresearch

Latest News

New Malayalam Release: നാളെ റിലീസിനെത്തുന്ന ചിത്രങ്ങൾ

New Malayalam Release: രണ്ടു പുതിയ മലയാളചിത്രങ്ങൾ കൂടി നാളെ തിയേറ്ററുകളിലേക്ക്

Priyan Ottathilanu, Panthrand, Priyan Ottathilanu release, Panthrand release, Priyan Ottathilanu review, Panthrand review

New Malayalam Release: രണ്ടു മലയാളം ചിത്രങ്ങൾ കൂടി നാളെ തിയേറ്ററുകളിലേക്ക്. പ്രിയൻ ഓട്ടത്തിലാണ്, പന്ത്രണ്ട് എന്നീ ചിത്രങ്ങളാണ് ജൂൺ 24 വെള്ളിയാഴ്ച തിയേറ്ററുകളിലെത്തുന്നത്.

Priyan Ottathilanu Release: പ്രിയൻ ഓട്ടത്തിലാണ്

ഷറഫുദ്ദീൻ, നൈല ഉഷ, അപർണ ദാസ് എന്നിവർ പ്രധാന കഥാപാത്രങ്ങളായെത്തുന്ന ‘പ്രിയൻ ഓട്ടത്തിലാണ്’ നാളെ തിയേറ്ററുകളിലേക്ക്. ആന്റണി സോണിയാണ് ചിത്രം സംവിധാനം ചെയ്യുന്നത്. സൈറ ബാനുവിന് ശേഷം ആന്റണി സോണി സംവിധാനം ചെയ്യുന്ന ചിത്രമാണിത്. ഓരോരോ ജോലികളുമായി സദാ ഓടിക്കൊണ്ടിരിക്കുന്ന പ്രിയൻ എന്ന ചെറുപ്പക്കാരന്റെ കഥയാണ് ചിത്രം പറയുന്നത്.

ബിജു സോപാനം, ഹക്കിം ഷാജഹാൻ, സുധി കോപ്പ, ജാഫർ ഇടുക്കി, സ്മിനു സിജോ, അശോകൻ, ഹരിശ്രീ അശോകൻ, ഷാജു ശ്രീധർ, ശിവം സോപാനം, ഉമ, ജയരാജ് കോഴിക്കോട്, വീണ, വിജി, വിനോദ് തോമസ്, ശ്രീജ ദാസ്, വിനോദ് കെടാമംഗലം, ആർ ജെ, കൂക്കിൽ രാഘവൻ, ഹരീഷ് പെങ്ങൻ, അനാർക്കലി മരിക്കാർ എന്നിവരാണ് ചിത്രത്തിലെ മറ്റു അഭിനേതാക്കൾ.

അഭയകുമാർ കെ, അനിൽ കുര്യൻ എന്നിവരാണ് ചിത്രത്തിന്റെ തിരക്കഥയും സംഭാഷണവുമൊരുക്കുന്നത്. ശബരീഷ് വർമ, പ്രജീഷ് പ്രേം, വിനായക് ശശികുമാർ എന്നിവരുടെ വരികൾക്ക് ലിജിൻ ബാംബിനോ സംഗീതം പകർന്നിരിക്കുന്നു. ഛായാഗ്രഹണം പി എൻ ഉണ്ണികൃഷ്ണനും എഡിറ്റിംഗ് ജോയൽ കവിയും നിർവ്വഹിക്കുന്നു. മേക്കപ്പ്- റോണക്സ് സേവ്യർ, വസ്ത്രാലങ്കാരം- സമീറ സനീഷ്.

Panthrand Release: പന്ത്രണ്ട്

ദേവ് മോഹൻ, വിനായകന്‍, ലാൽ, ഷൈന്‍ ടോം ചാക്കോ തുടങ്ങിയവരെ പ്രധാന കഥാപാത്രങ്ങളാക്കി ലിയോ തദേവൂസ് തിരക്കഥയെഴുതി സംവിധാനം ചെയ്യുന്ന ചിത്രമായ ‘പന്ത്രണ്ട് ‘ നാളെ തിയേറ്ററുകളിലേക്ക്. സ്കൈ പാസ് എന്റര്‍ടൈന്‍മെന്റിന്റെ ബാനറില്‍ വിക്ടര്‍ എബ്രഹാമാണ് ചിത്രം നിർമ്മിക്കുന്നത്.

സോഹൻ സീനുലാൽ, പ്രശാന്ത് മുരളി, വെട്ടുകിളി പ്രകാശ്, ജയകൃഷ്ണൻ, വിനീത് തട്ടിൽ, ജെയിംസ് ഏലിയ, ഹരി, സുന്ദര പാണ്ഡ്യൻ, ശ്രിന്ദ, വീണ നായർ, ശ്രീലത നമ്പൂതിരി തുടങ്ങിയവരാണ് മറ്റു പ്രധാന നടീനടന്മാർ. ഛായാഗ്രഹണം സ്വരൂപ് ശോഭ ശങ്കര്‍. ബി.കെ. ഹരിനാരായണന്‍, ജോ പോൾ എന്നിവരുടെ വരികൾക്ക് അൽഫോൻസ് ജോസഫ് സംഗീതം പകരുന്നു. എഡിറ്റർ- നബു ഉസ്മാൻ.

Stay updated with the latest news headlines and all the latest Entertainment news download Indian Express Malayalam App.

Web Title: New malayalam movie release 2022 june 24