ഈ ശിവരൂപത്തിന് ഇത്രേം ചേരുന്ന ഒരു മുഖം വേറെ കണ്ടിട്ടില്ല; വൈറലായി ചിത്രം

മലയാള സിനിമയിലെ യുവനടിമാരിലൊരാളാണ് സാനിയ ഇയ്യപ്പൻ. കഴിഞ്ഞ ദിവസം കോയമ്പത്തൂരിലെ ഇഷ ഫൗണ്ടേഷനിൽ സാനിയ സന്ദർശനം നടത്തിയിരുന്നു.

ആ സമയത്ത് പകർത്തിയ ചിത്രങ്ങൾ താരം സമൂഹമാധ്യമങ്ങളിൽ ഷെയർ ചെയ്തിട്ടുണ്ട്. കൂട്ടത്തിൽ പടുകൂറ്റൻ ശിവരൂപത്തിനു മുന്നിൽ നിൽക്കുന്ന ഒരു ചിത്രവും കാണാം.

"ഈ ശിവരൂപത്തിന് ഇത്രേം ചേരുന്ന ഒരു മനുഷ്യമുഖം ഞാൻ വേറെ കണ്ടിട്ടില്ല," എന്നാണ് ചിത്രത്തിനു താഴെ പ്രത്യക്ഷപ്പെട്ട ഒരു കമന്റ്. നിരവധി പേരാണ് ഈ നിരീക്ഷണത്തോട് അനുകൂലിക്കുന്നത്.

റിയാലിറ്റി ഷോയിലൂടെയാണ് സാനിയ സിനിമയിൽ എത്തുന്നത്. ബാല്യകാല സഖി എന്ന ചിത്രത്തിലൂടെ ബാലതാരമായി എത്തി. ക്വീൻ എന്ന ചിത്രത്തിലൂടെ നായികയായി.

പ്രേതം 2, സകലകലാശാല, ദ് പ്രീസ്റ്റ്, സല്യൂട്ട്, സാറ്റർഡേ നൈറ്റ് തുടങ്ങി നിരവധി ചിത്രങ്ങളിൽ അഭിനയിച്ചു.

ഇരഗുപട്രു എന്ന ചിത്രത്തിലൂടെ തമിഴിലും നായികയായി. എമ്പുരാനിൽ ആണ് ഒടുവിൽ പ്രേക്ഷകർ സാനിയയെ കണ്ടത്.