scorecardresearch

‘എന്റെ ചെല്ലപ്പൻ ആശാരിയെ എങ്ങനെ മറക്കും’; ‘തകര’ മുതലുള്ള ഓർമകളുമായി പ്രതാപ് പോത്തൻ

“മറ്റൊരു നെടുമുടി വേണു ഇനി ഉണ്ടാകില്ല. എന്റെ ചെല്ലപ്പൻ ആശാരി അതുല്യനായിരുന്നു. അദ്ദേഹം ഒരു സമ്പൂർണ കലാകാരനായിരുന്നു,” പ്രതാപ് പോത്തൻ കുറിച്ചു

Nedumudi Venu, Nedumudi Venu Passes Away, Pratap Pothen, നെടുമുടി വേണു അന്തരിച്ചു, നെടുമുടി വേണു, പ്രതാപ് പോത്തൻ, IE Malayalam

നെടുമുടി വേണു എന്ന ബഹുമുഖ പ്രതിഭയുടെ വിയോഗവാർത്തയെ വേദനയോടെയാണ് മലയാള സിനിമാ ലോകം ഉൾക്കൊണ്ടത്. നെടുമുടി വേണുവിനോടൊപ്പം പ്രവർത്തിച്ച നിരവധി അഭിനേതാക്കളും മറ്റ് ചലച്ചിത്ര പ്രവർത്തകരും അദ്ദേഹവുമൊത്തുള്ള ഓർമകളും പങ്കുവച്ചിട്ടുണ്ട്.

നെടുമുടി വേണുവിന്റെ ഏറ്റവും ശ്രദ്ധേയമായ കഥാപാത്രമാണ് ‘തകരയി’ലെ ചെല്ലപ്പൻ ആശാരി എന്ന കഥാപാത്രം. പ്രതാപ് പോത്തനായിരുന്നു ചിത്രത്തിൽ തകര എന്ന നായക കഥാപാത്രത്തെ അവതരിപ്പിച്ചത്.

‘എന്റെ ചെല്ലപ്പൻ ആശാരി, ഞാൻ നിങ്ങളെ എങ്ങനെ മറക്കും,’ എന്നാണ് നെടുമുടി വേണുവിന്റെ വിയോഗ വാർത്തയോട് തകരയിലെ സഹ താരമായ പ്രതാപ് പോത്തൻ പ്രതികരിച്ചിരിക്കുന്നത്. സാമൂഹ്യ മാധ്യമങ്ങളിൽ പങ്കുവച്ച കുറിപ്പിലാണ് നെടുമുടി വേണുവുമൊത്തുള്ള ഓർമകൾ അനുസ്മരിച്ചുകൊണ്ട് പ്രതാപ് പോത്തൻ അനുശോചനം രേഖപ്പെടുത്തിയത്.

“നിങ്ങളുടെ ഹൃദയത്തിൽ എന്നെന്നേക്കുമായി ജീവിക്കുന്ന ഒരു സുഹൃത്തിനോട് നിങ്ങൾ ഒരിക്കലും വിട പറയുന്നില്ല … എന്റെ ചെല്ലപ്പൻ ആശാരി, ഞാൻ നിങ്ങളെ എങ്ങനെ മറക്കും … ഭരതനും നിങ്ങളും ഒരിക്കലും മരിക്കില്ല … നിങ്ങളെ അവരുടേതാക്കിയ ആളുകളുടെ ഹൃദയത്തിൽ നിങ്ങൾ എന്നേക്കും ജീവിക്കും …” പ്രതാപ് പോത്തൻ കുറിച്ചു.

Read More: നിങ്ങൾ ബാക്കിവച്ച ശൂന്യത ആരു നികത്തും വേണുച്ചേട്ടാ?

“ഒരു തലമുറ ഒന്നാകെ കരയുകയാണ് … കണ്ണീരിന്റെ ആവശ്യമില്ലെന്ന് ഞാൻ പറയുന്നു …. അദ്ദേഹത്തിന്റെ ജീവിത നേട്ടങ്ങൾ നമുക്ക് ആഘോഷിക്കാം. മറ്റൊരു നെടുമുടി വേണു ഉണ്ടാകില്ലെന്ന് ഓർക്കുക … എന്റെ ചെല്ലപ്പൻ ആശാരി അതുല്യനായിരുന്നു … അദ്ദേഹം ഒരു സമ്പൂർണ കലാകാരനായിരുന്നു …”

“ഐതിഹാസികമായ വ്യക്തി എന്നാണ് ഞാൻ അദ്ദേഹത്തെ വിശേഷിപ്പിക്കാൻ ഉപയോഗിക്കുന്ന വാക്ക്. അവന്റെ കലാപരമായ കഴിവുകൾ, അതിലുപരി, അദ്ദേഹം കണ്ടുമുട്ടുന്ന ഓരോ വ്യക്തിയെയും സ്പർശിക്കാനും അവരെ സവിശേഷമായി പരിഗണിക്കാനുമുള്ള തനതായ കഴിവ് അദ്ദേഹത്തിനുണ്ടായിരുന്നു … അദ്ദേഹം ആത്മാർത്ഥമായി ആളുകളെ സ്നേഹിക്കുന്നു … ഇവിടെ കേൾക്കുക എന്നതാണ് പ്രധാന വാക്ക് … കേൾക്കപ്പെടുന്നച് ഒരു മനുഷ്യന് ലഭിക്കുന്ന ഏറ്റവും വലിയ സമ്മാനമാണ് …” പ്രതാപ് പോത്തൻ കുറിച്ചു.

“ഒരു സൗമ്യനായ ആത്മാവോട് കൂടിയ വ്യക്തിയായിരുന്നു… കൂടാതെ അവൻ ബഹുമുഖ പ്രതിഭയായിരുന്നു, അദ്ദേഹം ഒരു മൃദംഗമോ അല്ലെങ്കിൽ മേശപ്പുറത്തോ കൊട്ടുകയോ അല്ലെങ്കിൽ പാട്ട് പാടുകയോ ചെയ്യുമായിരുന്നു … ഒരിക്കലും മറ്റൊരാൾ നിങ്ങളെപ്പോലെ ആവില്ല … ഇപ്പോൾ സർവ്വശക്തൻ നിങ്ങളുടെ കലയെയും വൈദഗ്ദ്ധ്യത്തെയും ഉൾക്കൊള്ളട്ടെ … നിങ്ങളുടെ സൗഹൃദം, ദയ, കല.. ഞാൻ എപ്പോഴും നിങ്ങളെ സ്നേഹിക്കും … മലയാള വ്യവസായത്തിലെ എന്റെ ഒരേയൊരു യഥാർത്ഥ സുഹൃത്ത്,” എന്ന് പറഞ്ഞാണ് പ്രതാപ് പോത്തൻ കുറിപ്പ് അവസാനിപ്പിക്കുന്നത്.

Read more: ഞാനെന്നും അദ്ദേഹത്തിന്റെ ആരാധകൻ; നെടുമുടി വേണുവിനെ ഓർത്ത് കമൽഹാസൻ

Stay updated with the latest news headlines and all the latest Entertainment news download Indian Express Malayalam App.

Web Title: Nedumudi venu death malayalam film fraternity mourns pratap pothen